Matthæum (Matthew) 21 :: Latin Vulgate (VUL)

(Mar 11:1–10; Luk 19:28–40; Jhn 12:12–19 )

Mat 21:1et cum adpropinquassent Hierosolymis et venissent Bethfage ad montem Oliveti tunc Iesus misit duos discipulos

Mat 21:2dicens eis ite in castellum quod contra vos est et statim invenietis asinam alligatam et pullum cum ea solvite et adducite mihi

Mat 21:3

Mat 21:3et si quis vobis aliquid dixerit dicite quia Dominus his opus habet et confestim dimittet eos

Mat 21:4

Mat 21:4hoc autem factum est ut impleretur quod dictum est per prophetam dicentem

Mat 21:5

Mat 21:5dicite filiae Sion ecce rex tuus venit tibi mansuetus et sedens super asinam et pullum filium subiugalis

Mat 21:6

Mat 21:6euntes autem discipuli fecerunt sicut praecepit illis Iesus

Mat 21:7

Mat 21:7et adduxerunt asinam et pullum et inposuerunt super eis vestimenta sua et eum desuper sedere fecerunt

Mat 21:8

Mat 21:8plurima autem turba straverunt vestimenta sua in via alii autem caedebant ramos de arboribus et sternebant in via

Mat 21:9

Mat 21:9turbae autem quae praecedebant et quae sequebantur clamabant dicentes osanna Filio David benedictus qui venturus est in nomine Domini osanna in altissimis

Mat 21:10

Mat 21:10et cum intrasset Hierosolymam commota est universa civitas dicens quis est hic

Mat 21:11

Mat 21:11populi autem dicebant hic est Iesus propheta a Nazareth Galilaeae

(Mar 11:15–19; Luk 19:45–48; Jhn 2:13–22 )

Mat 21:12

Mat 21:12et intravit Iesus in templum Dei et eiciebat omnes vendentes et ementes in templo et mensas nummulariorum et cathedras vendentium columbas evertit

Mat 21:13

Mat 21:13et dicit eis scriptum est domus mea domus orationis vocabitur vos autem fecistis eam speluncam latronum

Mat 21:14

Mat 21:14et accesserunt ad eum caeci et claudi in templo et sanavit eos

Mat 21:15

Mat 21:15videntes autem principes sacerdotum et scribae mirabilia quae fecit et pueros clamantes in templo et dicentes osanna Filio David indignati sunt

Mat 21:16

Mat 21:16et dixerunt ei audis quid isti dicant Iesus autem dicit eis utique numquam legistis quia ex ore infantium et lactantium perfecisti laudem

Mat 21:17

Mat 21:17et relictis illis abiit foras extra civitatem in Bethaniam ibique mansit

(Mar 11:12–14 )

Mat 21:18

Mat 21:18mane autem revertens in civitatem esuriit

Mat 21:19

Mat 21:19et videns fici arborem unam secus viam venit ad eam et nihil invenit in ea nisi folia tantum et ait illi numquam ex te fructus nascatur in sempiternum et arefacta est continuo ficulnea

(Mar 11:20–24 )

Mat 21:20

Mat 21:20et videntes discipuli mirati sunt dicentes quomodo continuo aruit

Mat 21:21

Mat 21:21respondens autem Iesus ait eis amen dico vobis si habueritis fidem et non haesitaveritis non solum de ficulnea facietis sed et si monti huic dixeritis tolle et iacta te in mare fiet

Mat 21:22

Mat 21:22et omnia quaecumque petieritis in oratione credentes accipietis

(Mar 11:27–33; Luk 20:1–8 )

Mat 21:23

Mat 21:23et cum venisset in templum accesserunt ad eum docentem principes sacerdotum et seniores populi dicentes in qua potestate haec facis et quis tibi dedit hanc potestatem

Mat 21:24

Mat 21:24respondens Iesus dixit illis interrogabo vos et ego unum sermonem quem si dixeritis mihi et ego vobis dicam in qua potestate haec facio

Mat 21:25

Mat 21:25baptismum Iohannis unde erat e caelo an ex hominibus at illi cogitabant inter se dicentes si dixerimus e caelo dicet nobis quare ergo non credidistis illi

Mat 21:26

Mat 21:26si autem dixerimus ex hominibus timemus turbam omnes enim habent Iohannem sicut prophetam

Mat 21:27

Mat 21:27et respondentes Iesu dixerunt nescimus ait illis et ipse nec ego dico vobis in qua potestate haec facio

Mat 21:28

Mat 21:28quid autem vobis videtur homo habebat duos filios et accedens ad primum dixit fili vade hodie operare in vinea mea

Mat 21:29

Mat 21:29ille autem respondens ait nolo postea autem paenitentia motus abiit

Mat 21:30

Mat 21:30accedens autem ad alterum dixit similiter at ille respondens ait eo domine et non ivit

Mat 21:31

Mat 21:31quis ex duobus fecit voluntatem patris dicunt novissimus dicit illis Iesus amen dico vobis quia publicani et meretrices praecedunt vos in regno Dei

Mat 21:32

Mat 21:32venit enim ad vos Iohannes in via iustitiae et non credidistis ei publicani autem et meretrices crediderunt ei vos autem videntes nec paenitentiam habuistis postea ut crederetis ei

(Mar 12:1–12; Luk 20:9–19 )

Mat 21:33

Mat 21:33aliam parabolam audite homo erat pater familias qui plantavit vineam et sepem circumdedit ei et fodit in ea torcular et aedificavit turrem et locavit eam agricolis et peregre profectus est

Mat 21:34

Mat 21:34cum autem tempus fructuum adpropinquasset misit servos suos ad agricolas ut acciperent fructus eius

Mat 21:35

Mat 21:35et agricolae adprehensis servis eius alium ceciderunt alium occiderunt alium vero lapidaverunt

Mat 21:36

Mat 21:36iterum misit alios servos plures prioribus et fecerunt illis similiter

Mat 21:37

Mat 21:37novissime autem misit ad eos filium suum dicens verebuntur filium meum

Mat 21:38

Mat 21:38agricolae autem videntes filium dixerunt intra se hic est heres venite occidamus eum et habebimus hereditatem eius

Mat 21:39

Mat 21:39et adprehensum eum eiecerunt extra vineam et occiderunt

Mat 21:40

Mat 21:40cum ergo venerit dominus vineae quid faciet agricolis illis

Mat 21:41

Mat 21:41aiunt illi malos male perdet et vineam locabit aliis agricolis qui reddant ei fructum temporibus suis

Mat 21:42

Mat 21:42dicit illis Iesus numquam legistis in scripturis lapidem quem reprobaverunt aedificantes hic factus est in caput anguli a Domino factum est istud et est mirabile in oculis nostris

Mat 21:43

Mat 21:43ideo dico vobis quia auferetur a vobis regnum Dei et dabitur genti facienti fructus eius

Mat 21:44

Mat 21:44et qui ceciderit super lapidem istum confringetur super quem vero ceciderit conteret eum

Mat 21:45

Mat 21:45et cum audissent principes sacerdotum et Pharisaei parabolas eius cognoverunt quod de ipsis diceret

Mat 21:46

Mat 21:46et quaerentes eum tenere timuerunt turbas quoniam sicut prophetam eum habebant

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.