Matthæum (Matthew) 19 :: Latin Vulgate (VUL)

(Mar 10:1–12 )

Mat 19:1et factum est cum consummasset Iesus sermones istos migravit a Galilaea et venit in fines Iudaeae trans Iordanen

Mat 19:2

Mat 19:2et secutae sunt eum turbae multae et curavit eos ibi

Mat 19:3

Mat 19:3et accesserunt ad eum Pharisaei temptantes eum et dicentes si licet homini dimittere uxorem suam quacumque ex causa

Mat 19:4

Mat 19:4qui respondens ait eis non legistis quia qui fecit ab initio masculum et feminam fecit eos

Mat 19:5

Mat 19:5et dixit propter hoc dimittet homo patrem et matrem et adherebit uxori suae et erunt duo in carne una

Mat 19:6

Mat 19:6itaque iam non sunt duo sed una caro quod ergo Deus coniunxit homo non separet

Mat 19:7

Mat 19:7dicunt illi quid ergo Moses mandavit dari libellum repudii et dimittere

Mat 19:8

Mat 19:8ait illis quoniam Moses ad duritiam cordis vestri permisit vobis dimittere uxores vestras ab initio autem non sic fuit

Mat 19:9

Mat 19:9dico autem vobis quia quicumque dimiserit uxorem suam nisi ob fornicationem et aliam duxerit moechatur et qui dimissam duxerit moechatur

Mat 19:10

Mat 19:10dicunt ei discipuli eius si ita est causa homini cum uxore non expedit nubere

Mat 19:11

Mat 19:11qui dixit non omnes capiunt verbum istud sed quibus datum est

Mat 19:12

Mat 19:12sunt enim eunuchi qui de matris utero sic nati sunt et sunt eunuchi qui facti sunt ab hominibus et sunt eunuchi qui se ipsos castraverunt propter regnum caelorum qui potest capere capiat

(Mar 10:13–16; Luk 18:15–17 )

Mat 19:13

Mat 19:13tunc oblati sunt ei parvuli ut manus eis inponeret et oraret discipuli autem increpabant eis

Mat 19:14

Mat 19:14Iesus vero ait eis sinite parvulos et nolite eos prohibere ad me venire talium est enim regnum caelorum

Mat 19:15

Mat 19:15et cum inposuisset eis manus abiit inde

(Mar 10:17–22; Luk 18:18–23 )

Mat 19:16

Mat 19:16et ecce unus accedens ait illi magister bone quid boni faciam ut habeam vitam aeternam

Mat 19:17

Mat 19:17qui dixit ei quid me interrogas de bono unus est bonus Deus si autem vis ad vitam ingredi serva mandata

Mat 19:18

Mat 19:18dicit illi quae Iesus autem dixit non homicidium facies non adulterabis non facies furtum non falsum testimonium dices

Mat 19:19

Mat 19:19honora patrem et matrem et diliges proximum tuum sicut te ipsum

Mat 19:20

Mat 19:20dicit illi adulescens omnia haec custodivi quid adhuc mihi deest

Mat 19:21

Mat 19:21ait illi Iesus si vis perfectus esse vade vende quae habes et da pauperibus et habebis thesaurum in caelo et veni sequere me

Mat 19:22

Mat 19:22cum audisset autem adulescens verbum abiit tristis erat enim habens multas possessiones

(Mar 10:23–31; Luk 18:24–30 )

Mat 19:23

Mat 19:23Iesus autem dixit discipulis suis amen dico vobis quia dives difficile intrabit in regnum caelorum

Mat 19:24

Mat 19:24et iterum dico vobis facilius est camelum per foramen acus transire quam divitem intrare in regnum caelorum

Mat 19:25

Mat 19:25auditis autem his discipuli mirabantur valde dicentes quis ergo poterit salvus esse

Mat 19:26

Mat 19:26aspiciens autem Iesus dixit illis apud homines hoc inpossibile est apud Deum autem omnia possibilia sunt

Mat 19:27

Mat 19:27tunc respondens Petrus dixit ei ecce nos reliquimus omnia et secuti sumus te quid ergo erit nobis

Mat 19:28

Mat 19:28Iesus autem dixit illis amen dico vobis quod vos qui secuti estis me in regeneratione cum sederit Filius hominis in sede maiestatis suae sedebitis et vos super sedes duodecim iudicantes duodecim tribus Israhel

Mat 19:29

Mat 19:29et omnis qui reliquit domum vel fratres aut sorores aut patrem aut matrem aut uxorem aut filios aut agros propter nomen meum centuplum accipiet et vitam aeternam possidebit

Mat 19:30

Mat 19:30multi autem erunt primi novissimi et novissimi primi

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.