Matthæum (Matthew) 17 :: Latin Vulgate (VUL)

Mat 17:1

Mat 17:1et post dies sex adsumpsit Iesus Petrum et Iacobum et Iohannem fratrem eius et ducit illos in montem excelsum seorsum

Mat 17:2

Mat 17:2et transfiguratus est ante eos et resplenduit facies eius sicut sol vestimenta autem eius facta sunt alba sicut nix

Mat 17:3

Mat 17:3et ecce apparuit illis Moses et Helias cum eo loquentes

Mat 17:4

Mat 17:4respondens autem Petrus dixit ad Iesum Domine bonum est nos hic esse si vis faciamus hic tria tabernacula tibi unum et Mosi unum et Heliae unum

Mat 17:5

Mat 17:5adhuc eo loquente ecce nubes lucida obumbravit eos et ecce vox de nube dicens hic est Filius meus dilectus in quo mihi bene conplacuit ipsum audite

Mat 17:6

Mat 17:6et audientes discipuli ceciderunt in faciem suam et timuerunt valde

Mat 17:7

Mat 17:7et accessit Iesus et tetigit eos dixitque eis surgite et nolite timere

Mat 17:8

Mat 17:8levantes autem oculos suos neminem viderunt nisi solum Iesum

Mat 17:9

Mat 17:9et descendentibus illis de monte praecepit Iesus dicens nemini dixeritis visionem donec Filius hominis a mortuis resurgat

Mat 17:10

Mat 17:10et interrogaverunt eum discipuli dicentes quid ergo scribae dicunt quod Heliam oporteat primum venire

Mat 17:11

Mat 17:11at ille respondens ait eis Helias quidem venturus est et restituet omnia

Mat 17:12

Mat 17:12dico autem vobis quia Helias iam venit et non cognoverunt eum sed fecerunt in eo quaecumque voluerunt sic et Filius hominis passurus est ab eis

Mat 17:13

Mat 17:13tunc intellexerunt discipuli quia de Iohanne Baptista dixisset eis

(Mar 9:14–29; Luk 9:37–42 )

Mat 17:14

Mat 17:14[Vulgate 17:14a] et cum venisset ad turbam accessit ad eum homo genibus provolutus ante eum dicens

Mat 17:15

Mat 17:15[Vulgate 17:14b] Domine miserere filii mei quia lunaticus est et male patitur nam saepe cadit in ignem et crebro in aquam

Mat 17:16

Mat 17:16[Vulgate 17:15] et obtuli eum discipulis tuis et non potuerunt curare eum

Mat 17:17

Mat 17:17[Vulgate 17:16] respondens Iesus ait o generatio incredula et perversa quousque ero vobiscum usquequo patiar vos adferte huc illum ad me

Mat 17:18

Mat 17:18[Vulgate 17:17] et increpavit ei Iesus et exiit ab eo daemonium et curatus est puer ex illa hora

Mat 17:19

Mat 17:19[Vulgate 17:18] tunc accesserunt discipuli ad Iesum secreto et dixerunt quare nos non potuimus eicere illum

Mat 17:20

Mat 17:20[Vulgate 17:19] dicit illis propter incredulitatem vestram amen quippe dico vobis si habueritis fidem sicut granum sinapis dicetis monti huic transi hinc et transibit et nihil inpossibile erit vobis

Mat 17:21

Mat 17:21[Vulgate 17:20] hoc autem genus non eicitur nisi per orationem et ieiunium

(Mar 9:30–32; Luk 9:43–45 )

Mat 17:22

Mat 17:22[Vulgate 17:21] conversantibus autem eis in Galilaea dixit illis Iesus Filius hominis tradendus est in manus hominum

Mat 17:23

Mat 17:23[Vulgate 17:22] et occident eum et tertio die resurget et contristati sunt vehementer

Mat 17:24

Mat 17:24[Vulgate 17:23] et cum venissent Capharnaum accesserunt qui didragma accipiebant ad Petrum et dixerunt magister vester non solvit didragma

Mat 17:25

Mat 17:25[Vulgate 17:24] ait etiam et cum intrasset domum praevenit eum Iesus dicens quid tibi videtur Simon reges terrae a quibus accipiunt tributum vel censum a filiis suis an ab alienis

Mat 17:26

Mat 17:26[Vulgate 17:25] et ille dixit ab alienis dixit illi Iesus ergo liberi sunt filii

Mat 17:27

Mat 17:27[Vulgate 17:26] ut autem non scandalizemus eos vade ad mare et mitte hamum et eum piscem qui primus ascenderit tolle et aperto ore eius invenies staterem illum sumens da eis pro me et te

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.