Matthæum (Matthew) 16 :: Latin Vulgate (VUL)

(Mar 8:11–13; Luk 12:54–56 )

Mat 16:1et accesserunt ad eum Pharisaei et Sadducaei temptantes et rogaverunt eum ut signum de caelo ostenderet eis

Mat 16:2at ille respondens ait eis facto vespere dicitis serenum erit rubicundum est enim caelum

Mat 16:3et mane hodie tempestas rutilat enim triste caelum

Mat 16:4faciem ergo caeli diiudicare nostis signa autem temporum non potestis generatio mala et adultera signum quaerit et signum non dabitur ei nisi signum Ionae et relictis illis abiit

(Mar 8:14–21 )

Mat 16:5

Mat 16:5et cum venissent discipuli eius trans fretum obliti sunt panes accipere

Mat 16:6

Mat 16:6qui dixit illis intuemini et cavete a fermento Pharisaeorum et Sadducaeorum

Mat 16:7

Mat 16:7at illi cogitabant inter se dicentes quia panes non accepimus

Mat 16:8

Mat 16:8sciens autem Iesus dixit quid cogitatis inter vos modicae fidei quia panes non habetis

Mat 16:9

Mat 16:9nondum intellegitis neque recordamini quinque panum quinque milium hominum et quot cofinos sumpsistis

Mat 16:10

Mat 16:10neque septem panum quattuor milium hominum et quot sportas sumpsistis

Mat 16:11

Mat 16:11quare non intellegitis quia non de pane dixi vobis cavete a fermento Pharisaeorum et Sadducaeorum

Mat 16:12

Mat 16:12tunc intellexerunt quia non dixerit cavendum a fermento panum sed a doctrina Pharisaeorum et Sadducaeorum

(Mar 8:27–30; Luk 9:18–20 )

Mat 16:13

Mat 16:13venit autem Iesus in partes Caesareae Philippi et interrogabat discipulos suos dicens quem dicunt homines esse Filium hominis

Mat 16:14

Mat 16:14at illi dixerunt alii Iohannem Baptistam alii autem Heliam alii vero Hieremiam aut unum ex prophetis

Mat 16:15

Mat 16:15dicit illis vos autem quem me esse dicitis

Mat 16:16

Mat 16:16respondens Simon Petrus dixit tu es Christus Filius Dei vivi

Mat 16:17

Mat 16:17respondens autem Iesus dixit ei beatus es Simon Bar Iona quia caro et sanguis non revelavit tibi sed Pater meus qui in caelis est

Mat 16:18

Mat 16:18et ego dico tibi quia tu es Petrus et super hanc petram aedificabo ecclesiam meam et portae inferi non praevalebunt adversum eam

Mat 16:19

Mat 16:19et tibi dabo claves regni caelorum et quodcumque ligaveris super terram erit ligatum in caelis et quodcumque solveris super terram erit solutum in caelis

Mat 16:20

Mat 16:20tunc praecepit discipulis suis ut nemini dicerent quia ipse esset Iesus Christus

(Mar 8:31–33; Luk 9:21, 22 )

Mat 16:21

Mat 16:21exinde coepit Iesus ostendere discipulis suis quia oporteret eum ire Hierosolymam et multa pati a senioribus et scribis et principibus sacerdotum et occidi et tertia die resurgere

Mat 16:22

Mat 16:22et adsumens eum Petrus coepit increpare illum dicens absit a te Domine non erit tibi hoc

Mat 16:23

Mat 16:23qui conversus dixit Petro vade post me Satana scandalum es mihi quia non sapis ea quae Dei sunt sed ea quae hominum

(Mar 8:34–38; Luk 9:23–26 )

Mat 16:24

Mat 16:24tunc Iesus dixit discipulis suis si quis vult post me venire abneget semet ipsum et tollat crucem suam et sequatur me

Mat 16:25

Mat 16:25qui enim voluerit animam suam salvam facere perdet eam qui autem perdiderit animam suam propter me inveniet eam

Mat 16:26

Mat 16:26quid enim prodest homini si mundum universum lucretur animae vero suae detrimentum patiatur aut quam dabit homo commutationem pro anima sua

Mat 16:27

Mat 16:27Filius enim hominis venturus est in gloria Patris sui cum angelis suis et tunc reddet unicuique secundum opus eius

(Mar 9:1–13; Luk 9:27–36; 2Pe 1:16–18 )

Mat 16:28

Mat 16:28amen dico vobis sunt quidam de hic stantibus qui non gustabunt mortem donec videant Filium hominis venientem in regno suo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.