Marcum (Mark) 9 :: Latin Vulgate (VUL)

(Mat 16:28—17:13; Luk 9:27–36; 2Pe 1:16–18 )

Mar 9:1[Vulgate 8:39] et dicebat illis amen dico vobis quia sunt quidam de hic stantibus qui non gustabunt mortem donec videant regnum Dei veniens in virtute

Mar 9:2

Mar 9:2[Vulgate 9:1] et post dies sex adsumit Iesus Petrum et Iacobum et Iohannem et ducit illos in montem excelsum seorsum solos et transfiguratus est coram ipsis

Mar 9:3

Mar 9:3[Vulgate 9:2] et vestimenta eius facta sunt splendentia candida nimis velut nix qualia fullo super terram non potest candida facere

Mar 9:4

Mar 9:4[Vulgate 9:3] et apparuit illis Helias cum Mose et erant loquentes cum Iesu

Mar 9:5

Mar 9:5[Vulgate 9:4] et respondens Petrus ait Iesu rabbi bonum est hic nos esse et faciamus tria tabernacula tibi unum et Mosi unum et Heliae unum

Mar 9:6

Mar 9:6[Vulgate 9:5] non enim sciebat quid diceret erant enim timore exterriti

Mar 9:7

Mar 9:7[Vulgate 9:6] et facta est nubes obumbrans eos et venit vox de nube dicens hic est Filius meus carissimus audite illum

Mar 9:8

Mar 9:8[Vulgate 9:7] et statim circumspicientes neminem amplius viderunt nisi Iesum tantum secum

Mar 9:9

Mar 9:9[Vulgate 9:8] et descendentibus illis de monte praecepit illis ne cui quae vidissent narrarent nisi cum Filius hominis a mortuis resurrexerit

Mar 9:10

Mar 9:10[Vulgate 9:9] et verbum continuerunt apud se conquirentes quid esset cum a mortuis resurrexerit

Mar 9:11

Mar 9:11[Vulgate 9:10] et interrogabant eum dicentes quid ergo dicunt Pharisaei et scribae quia Heliam oporteat venire primum

Mar 9:12

Mar 9:12[Vulgate 9:11] qui respondens ait illis Helias cum venerit primo restituet omnia et quomodo scriptum est in Filium hominis ut multa patiatur et contemnatur

Mar 9:13

Mar 9:13[Vulgate 9:12] sed dico vobis quia et Helias venit et fecerunt illi quaecumque voluerunt sicut scriptum est de eo

(Mat 17:14–21; Luk 9:37–42 )

Mar 9:14

Mar 9:14[Vulgate 9:13] et veniens ad discipulos suos vidit turbam magnam circa eos et scribas conquirentes cum illis

Mar 9:15

Mar 9:15[Vulgate 9:14] et confestim omnis populus videns eum stupefactus est et adcurrentes salutabant eum

Mar 9:16

Mar 9:16[Vulgate 9:15] et interrogavit eos quid inter vos conquiritis

Mar 9:17

Mar 9:17[Vulgate 9:16] et respondens unus de turba dixit magister adtuli filium meum ad te habentem spiritum mutum

Mar 9:18

Mar 9:18[Vulgate 9:17] qui ubicumque eum adprehenderit adlidit eum et spumat et stridet dentibus et arescit et dixi discipulis tuis ut eicerent illum et non potuerunt

Mar 9:19

Mar 9:19[Vulgate 9:18] qui respondens eis dicit o generatio incredula quamdiu apud vos ero quamdiu vos patiar adferte illum ad me

Mar 9:20

Mar 9:20[Vulgate 9:19] et adtulerunt eum et cum vidisset illum statim spiritus conturbavit eum et elisus in terram volutabatur spumans

Mar 9:21

Mar 9:21[Vulgate 9:20] et interrogavit patrem eius quantum temporis est ex quo hoc ei accidit at ille ait ab infantia

Mar 9:22

Mar 9:22[Vulgate 9:21] et frequenter eum et in ignem et in aquas misit ut eum perderet sed si quid potes adiuva nos misertus nostri

Mar 9:23

Mar 9:23[Vulgate 9:22] Iesus autem ait illi si potes credere omnia possibilia credenti

Mar 9:24

Mar 9:24[Vulgate 9:23] et continuo exclamans pater pueri cum lacrimis aiebat credo adiuva incredulitatem meam

Mar 9:25

Mar 9:25[Vulgate 9:24] et cum videret Iesus concurrentem turbam comminatus est spiritui inmundo dicens illi surde et mute spiritus ego tibi praecipio exi ab eo et amplius ne introeas in eum

Mar 9:26

Mar 9:26[Vulgate 9:25] et clamans et multum discerpens eum exiit ab eo et factus est sicut mortuus ita ut multi dicerent quia mortuus est

Mar 9:27

Mar 9:27[Vulgate 9:26] Iesus autem tenens manum eius elevavit illum et surrexit

Mar 9:28

Mar 9:28[Vulgate 9:27] et cum introisset in domum discipuli eius secreto interrogabant eum quare nos non potuimus eicere eum

Mar 9:29

Mar 9:29[Vulgate 9:28] et dixit illis hoc genus in nullo potest exire nisi in oratione et ieiunio

Mar 9:30

Mar 9:30[Vulgate 9:29] et inde profecti praetergrediebantur Galilaeam nec volebat quemquam scire

Mar 9:31

Mar 9:31[Vulgate 9:30] docebat autem discipulos suos et dicebat illis quoniam Filius hominis tradetur in manus hominum et occident eum et occisus tertia die resurget

Mar 9:32

Mar 9:32[Vulgate 9:31] at illi ignorabant verbum et timebant eum interrogare

(Mat 18:1–5; Luk 9:46–48 )

Mar 9:33

Mar 9:33[Vulgate 9:32] et venerunt Capharnaum qui cum domi esset interrogabat eos quid in via tractabatis

Mar 9:34

Mar 9:34[Vulgate 9:33] at illi tacebant siquidem inter se in via disputaverant quis esset illorum maior

Mar 9:35

Mar 9:35[Vulgate 9:34] et residens vocavit duodecim et ait illis si quis vult primus esse erit omnium novissimus et omnium minister

Mar 9:36

Mar 9:36[Vulgate 9:35] et accipiens puerum statuit eum in medio eorum quem cum conplexus esset ait illis

Mar 9:37

Mar 9:37[Vulgate 9:36] quisquis unum ex huiusmodi pueris receperit in nomine meo me recipit et quicumque me susceperit non me suscipit sed eum qui me misit

(Mat 10:40–42; Luk 9:49, 50 )

Mar 9:38

Mar 9:38[Vulgate 9:37] respondit illi Iohannes dicens magister vidimus quendam in nomine tuo eicientem daemonia qui non sequitur nos et prohibuimus eum

Mar 9:39

Mar 9:39[Vulgate 9:38] Iesus autem ait nolite prohibere eum nemo est enim qui faciat virtutem in nomine meo et possit cito male loqui de me

Mar 9:40

Mar 9:40[Vulgate 9:39] qui enim non est adversum vos pro vobis est

Mar 9:41

Mar 9:41[Vulgate 9:40] quisquis enim potum dederit vobis calicem aquae in nomine meo quia Christi estis amen dico vobis non perdet mercedem suam

(Mat 18:6–9; Luk 17:1, 2 )

Mar 9:42

Mar 9:42[Vulgate 9:41] et quisquis scandalizaverit unum ex his pusillis credentibus in me bonum est ei magis si circumdaretur mola asinaria collo eius et in mare mitteretur

Mar 9:43

Mar 9:43[Vulgate 9:42] et si scandalizaverit te manus tua abscide illam bonum est tibi debilem introire in vitam quam duas manus habentem ire in gehennam in ignem inextinguibilem

Mar 9:44

Mar 9:44[Vulgate 9:43] ubi vermis eorum non moritur et ignis non extinguitur

Mar 9:45

Mar 9:45[Vulgate 9:44] et si pes tuus te scandalizat amputa illum bonum est tibi claudum introire in vitam aeternam quam duos pedes habentem mitti in gehennam ignis inextinguibilis

Mar 9:46

Mar 9:46[Vulgate 9:45] ubi vermis eorum non moritur et ignis non extinguitur

Mar 9:47

Mar 9:47[Vulgate 9:46] quod si oculus tuus scandalizat te eice eum bonum est tibi luscum introire in regnum Dei quam duos oculos habentem mitti in gehennam ignis

Mar 9:48

Mar 9:48[Vulgate 9:47] ubi vermis eorum non moritur et ignis non extinguitur

Mar 9:49

Mar 9:49[Vulgate 9:48] omnis enim igne sallietur et omnis victima sallietur

Mar 9:50

Mar 9:50[Vulgate 9:49] bonum est sal quod si sal insulsum fuerit in quo illud condietis habete in vobis sal et pacem habete inter vos

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Mark Chapter 9 — Additional Translations:

King James Version New King James Version New Living Translation New International Version English Standard Version Christian Standard Bible New American Standard Bible 2020 New American Standard Bible 1995 Legacy Standard Bible Amplified Bible New English Translation Revised Standard Version American Standard Version Young's Literal Translation Darby Translation Webster's Bible Hebrew Names Version Morphological Greek New Testament Textus Receptus Smith Van Dyck Arabic Bible Open New Arabic Version Reina Valera 1909 Reina-Valera 1960 Bible in Basic English Chinese Traditional Union Espanol Moderno Korean Holy Bible Louis Segond German Luther Russian Synodal Translation Sagradas Escrituras

Marcum (Mark) 9 :: Latin Vulgate (VUL)

Mark Chapter 9 — Additional Translations:

Did You Know BLB Is User Supported?