Marcum (Mark) 8 :: Latin Vulgate (VUL)

(Mat 15:32–39 )

Mar 8:1

Mar 8:1in illis diebus iterum cum turba multa esset nec haberent quod manducarent convocatis discipulis ait illis

Mar 8:2

Mar 8:2misereor super turba quia ecce iam triduo sustinent me nec habent quod manducent

Mar 8:3

Mar 8:3et si dimisero eos ieiunos in domum suam deficient in via quidam enim ex eis de longe venerunt

Mar 8:4

Mar 8:4et responderunt ei discipuli sui unde istos poterit quis hic saturare panibus in solitudine

Mar 8:5

Mar 8:5et interrogavit eos quot panes habetis qui dixerunt septem

Mar 8:6

Mar 8:6et praecepit turbae discumbere supra terram et accipiens septem panes gratias agens fregit et dabat discipulis suis ut adponerent et adposuerunt turbae

Mar 8:7

Mar 8:7et habebant pisciculos paucos et ipsos benedixit et iussit adponi

Mar 8:8

Mar 8:8et manducaverunt et saturati sunt et sustulerunt quod superaverat de fragmentis septem sportas

Mar 8:9

Mar 8:9erant autem qui manducaverunt quasi quattuor milia et dimisit eos

Mar 8:10

Mar 8:10et statim ascendens navem cum discipulis suis venit in partes Dalmanutha

(Mat 16:1–4 )

Mar 8:11

Mar 8:11et exierunt Pharisaei et coeperunt conquirere cum eo quaerentes ab illo signum de caelo temptantes eum

Mar 8:12

Mar 8:12et ingemescens spiritu ait quid generatio ista quaerit signum amen dico vobis si dabitur generationi isti signum

(Mat 16:5–12 )

Mar 8:13

Mar 8:13et dimittens eos ascendens iterum abiit trans fretum

Mar 8:14

Mar 8:14et obliti sunt sumere panes et nisi unum panem non habebant secum in navi

Mar 8:15

Mar 8:15et praecipiebat eis dicens videte cavete a fermento Pharisaeorum et fermento Herodis

Mar 8:16

Mar 8:16et cogitabant ad alterutrum dicentes quia panes non habemus

Mar 8:17

Mar 8:17quo cognito Iesus ait illis quid cogitatis quia panes non habetis nondum cognoscitis nec intellegitis adhuc caecatum habetis cor vestrum

Mar 8:18

Mar 8:18oculos habentes non videtis et aures habentes non auditis nec recordamini

Mar 8:19

Mar 8:19quando quinque panes fregi in quinque milia et quot cofinos fragmentorum plenos sustulistis dicunt ei duodecim

Mar 8:20

Mar 8:20quando et septem panes in quattuor milia quot sportas fragmentorum tulistis et dicunt ei septem

Mar 8:21

Mar 8:21et dicebat eis quomodo nondum intellegitis

Mar 8:22

Mar 8:22et veniunt Bethsaida et adducunt ei caecum et rogabant eum ut illum tangeret

Mar 8:23

Mar 8:23et adprehendens manum caeci eduxit eum extra vicum et expuens in oculos eius inpositis manibus suis interrogavit eum si aliquid videret

Mar 8:24

Mar 8:24et aspiciens ait video homines velut arbores ambulantes

Mar 8:25

Mar 8:25deinde iterum inposuit manus super oculos eius et coepit videre et restitutus est ita ut videret clare omnia

Mar 8:26

Mar 8:26et misit illum in domum suam dicens vade in domum tuam et si in vicum introieris nemini dixeris

(Mat 16:13–20; Luk 9:18–20 )

Mar 8:27

Mar 8:27et egressus est Iesus et discipuli eius in castella Caesareae Philippi et in via interrogabat discipulos suos dicens eis quem me dicunt esse homines

Mar 8:28

Mar 8:28qui responderunt illi dicentes Iohannem Baptistam alii Heliam alii vero quasi unum de prophetis

Mar 8:29

Mar 8:29tunc dicit illis vos vero quem me dicitis esse respondens Petrus ait ei tu es Christus

Mar 8:30

Mar 8:30et comminatus est eis ne cui dicerent de illo

(Mat 16:21–23; Luk 9:21, 22 )

Mar 8:31

Mar 8:31et coepit docere illos quoniam oportet Filium hominis multa pati et reprobari a senioribus et a summis sacerdotibus et scribis et occidi et post tres dies resurgere

Mar 8:32

Mar 8:32et palam verbum loquebatur et adprehendens eum Petrus coepit increpare eum

Mar 8:33

Mar 8:33qui conversus et videns discipulos suos comminatus est Petro dicens vade retro me Satana quoniam non sapis quae Dei sunt sed quae sunt hominum

(Mat 16:24–27; Luk 9:23–26 )

Mar 8:34

Mar 8:34et convocata turba cum discipulis suis dixit eis si quis vult post me sequi deneget se ipsum et tollat crucem suam et sequatur me

Mar 8:35

Mar 8:35qui enim voluerit animam suam salvam facere perdet eam qui autem perdiderit animam suam propter me et evangelium salvam eam faciet

Mar 8:36

Mar 8:36quid enim proderit homini si lucretur mundum totum et detrimentum faciat animae suae

Mar 8:37

Mar 8:37aut quid dabit homo commutationem pro anima sua

Mar 8:38

Mar 8:38qui enim me confusus fuerit et mea verba in generatione ista adultera et peccatrice et Filius hominis confundetur eum cum venerit in gloria Patris sui cum angelis sanctis

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.