Previous Chapter Full Page Full Page Next Chapter

Marcum (Mark) 7 :: Latin Vulgate (VUL)

(Mat 15:1–20 )

Mar 7:1

Mar 7:1et conveniunt ad eum Pharisaei et quidam de scribis venientes ab Hierosolymis

Mar 7:2

Mar 7:2et cum vidissent quosdam ex discipulis eius communibus manibus id est non lotis manducare panes vituperaverunt

Mar 7:3

Mar 7:3Pharisaei enim et omnes Iudaei nisi crebro lavent manus non manducant tenentes traditionem seniorum

Mar 7:4

Mar 7:4et a foro nisi baptizentur non comedunt et alia multa sunt quae tradita sunt illis servare baptismata calicum et urceorum et aeramentorum et lectorum

Mar 7:5

Mar 7:5et interrogant eum Pharisaei et scribae quare discipuli tui non ambulant iuxta traditionem seniorum sed communibus manibus manducant panem

Mar 7:6

Mar 7:6at ille respondens dixit eis bene prophetavit Esaias de vobis hypocritis sicut scriptum est populus hic labiis me honorat cor autem eorum longe est a me

Mar 7:7

Mar 7:7in vanum autem me colunt docentes doctrinas praecepta hominum

Mar 7:8

Mar 7:8relinquentes enim mandatum Dei tenetis traditionem hominum baptismata urceorum et calicum et alia similia his facitis multa

Mar 7:9

Mar 7:9et dicebat illis bene irritum facitis praeceptum Dei ut traditionem vestram servetis

Mar 7:10

Mar 7:10Moses enim dixit honora patrem tuum et matrem tuam et qui maledixerit patri aut matri morte moriatur

Mar 7:11

Mar 7:11vos autem dicitis si dixerit homo patri aut matri corban quod est donum quodcumque ex me tibi profuerit

Mar 7:12

Mar 7:12et ultra non dimittitis eum quicquam facere patri suo aut matri

Mar 7:13

Mar 7:13rescindentes verbum Dei per traditionem vestram quam tradidistis et similia huiusmodi multa facitis

Mar 7:14

Mar 7:14et advocans iterum turbam dicebat illis audite me omnes et intellegite

Mar 7:15

Mar 7:15nihil est extra hominem introiens in eum quod possit eum coinquinare sed quae de homine procedunt illa sunt quae communicant hominem

Mar 7:16

Mar 7:16si quis habet aures audiendi audiat

Mar 7:17

Mar 7:17et cum introisset in domum a turba interrogabant eum discipuli eius parabolam

Mar 7:18

Mar 7:18et ait illis sic et vos inprudentes estis non intellegitis quia omne extrinsecus introiens in hominem non potest eum communicare

Mar 7:19

Mar 7:19quia non introit in cor eius sed in ventrem et in secessum exit purgans omnes escas

Mar 7:20

Mar 7:20dicebat autem quoniam quae de homine exeunt illa communicant hominem

Mar 7:21

Mar 7:21ab intus enim de corde hominum cogitationes malae procedunt adulteria fornicationes homicidia

Mar 7:22

Mar 7:22furta avaritiae nequitiae dolus inpudicitia oculus malus blasphemia superbia stultitia

Mar 7:23

Mar 7:23omnia haec mala ab intus procedunt et communicant hominem
(Mat 15:21–28 )

Mar 7:24

Mar 7:24et inde surgens abiit in fines Tyri et Sidonis et ingressus domum neminem voluit scire et non potuit latere

Mar 7:25

Mar 7:25mulier enim statim ut audivit de eo cuius habebat filia spiritum inmundum intravit et procidit ad pedes eius

Mar 7:26

Mar 7:26erat autem mulier gentilis Syrophoenissa genere et rogabat eum ut daemonium eiceret de filia eius

Mar 7:27

Mar 7:27qui dixit illi sine prius saturari filios non est enim bonum sumere panem filiorum et mittere canibus

Mar 7:28

Mar 7:28at illa respondit et dicit ei utique Domine nam et catelli sub mensa comedunt de micis puerorum

Mar 7:29

Mar 7:29et ait illi propter hunc sermonem vade exiit daemonium de filia tua

Mar 7:30

Mar 7:30et cum abisset domum suam invenit puellam iacentem supra lectum et daemonium exisse
(Mat 15:29–31 )

Mar 7:31

Mar 7:31et iterum exiens de finibus Tyri venit per Sidonem ad mare Galilaeae inter medios fines Decapoleos

Mar 7:32

Mar 7:32et adducunt ei surdum et mutum et deprecantur eum ut inponat illi manum

Mar 7:33

Mar 7:33et adprehendens eum de turba seorsum misit digitos suos in auriculas et expuens tetigit linguam eius

Mar 7:34

Mar 7:34et suspiciens in caelum ingemuit et ait illi eppheta quod est adaperire

Mar 7:35

Mar 7:35et statim apertae sunt aures eius et solutum est vinculum linguae eius et loquebatur recte

Mar 7:36

Mar 7:36et praecepit illis ne cui dicerent quanto autem eis praecipiebat tanto magis plus praedicabant

Mar 7:37

Mar 7:37et eo amplius admirabantur dicentes bene omnia fecit et surdos facit audire et mutos loqui
Translation Copyright Logo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Mark Chapter 7 — Additional Translations:

King James Version New King James Version New Living Translation New International Version English Standard Version Christian Standard Bible New American Standard Bible 2020 New American Standard Bible 1995 Legacy Standard Bible Amplified Bible New English Translation Revised Standard Version American Standard Version Young's Literal Translation Darby Translation Webster's Bible Hebrew Names Version Morphological Greek New Testament Textus Receptus Smith Van Dyck Arabic Bible Open New Arabic Version Reina Valera 1909 Reina-Valera 1960 Bible in Basic English Chinese Traditional Union Espanol Moderno Korean Holy Bible Louis Segond German Luther Russian Synodal Translation Sagradas Escrituras