Previous Chapter Full Page Full Page Next Chapter

Marcum (Mark) 5 :: Latin Vulgate (VUL)

Mar 5:1

Mar 5:1et venerunt trans fretum maris in regionem Gerasenorum

Mar 5:2

Mar 5:2et exeunti ei de navi statim occurrit ei de monumentis homo in spiritu inmundo

Mar 5:3

Mar 5:3qui domicilium habebat in monumentis et neque catenis iam quisquam eum poterat ligare

Mar 5:4

Mar 5:4quoniam saepe conpedibus et catenis vinctus disrupisset catenas et conpedes comminuisset et nemo poterat eum domare

Mar 5:5

Mar 5:5et semper nocte ac die in monumentis et in montibus erat clamans et concidens se lapidibus

Mar 5:6

Mar 5:6videns autem Iesum a longe cucurrit et adoravit eum

Mar 5:7

Mar 5:7et clamans voce magna dicit quid mihi et tibi Iesu Fili Dei summi adiuro te per Deum ne me torqueas

Mar 5:8

Mar 5:8dicebat enim illi exi spiritus inmunde ab homine

Mar 5:9

Mar 5:9et interrogabat eum quod tibi nomen est et dicit ei Legio nomen mihi est quia multi sumus

Mar 5:10

Mar 5:10et deprecabatur eum multum ne se expelleret extra regionem

Mar 5:11

Mar 5:11erat autem ibi circa montem grex porcorum magnus pascens

Mar 5:12

Mar 5:12et deprecabantur eum spiritus dicentes mitte nos in porcos ut in eos introeamus

Mar 5:13

Mar 5:13et concessit eis statim Iesus et exeuntes spiritus inmundi introierunt in porcos et magno impetu grex praecipitatus est in mare ad duo milia et suffocati sunt in mare

Mar 5:14

Mar 5:14qui autem pascebant eos fugerunt et nuntiaverunt in civitatem et in agros et egressi sunt videre quid esset facti

Mar 5:15

Mar 5:15et veniunt ad Iesum et vident illum qui a daemonio vexabatur sedentem vestitum et sanae mentis et timuerunt

Mar 5:16

Mar 5:16et narraverunt illis qui viderant qualiter factum esset ei qui daemonium habuerat et de porcis

Mar 5:17

Mar 5:17et rogare eum coeperunt ut discederet de finibus eorum

Mar 5:18

Mar 5:18cumque ascenderet navem coepit illum deprecari qui daemonio vexatus fuerat ut esset cum illo

Mar 5:19

Mar 5:19et non admisit eum sed ait illi vade in domum tuam ad tuos et adnuntia illis quanta tibi Dominus fecerit et misertus sit tui

Mar 5:20

Mar 5:20et abiit et coepit praedicare in Decapoli quanta sibi fecisset Iesus et omnes mirabantur

Mar 5:21

Mar 5:21et cum transcendisset Iesus in navi rursus trans fretum convenit turba multa ad illum et erat circa mare

Mar 5:22

Mar 5:22et venit quidam de archisynagogis nomine Iairus et videns eum procidit ad pedes eius

Mar 5:23

Mar 5:23et deprecabatur eum multum dicens quoniam filia mea in extremis est veni inpone manus super eam ut salva sit et vivat

Mar 5:24

Mar 5:24et abiit cum illo et sequebatur eum turba multa et conprimebant illum

Mar 5:25

Mar 5:25et mulier quae erat in profluvio sanguinis annis duodecim

Mar 5:26

Mar 5:26et fuerat multa perpessa a conpluribus medicis et erogaverat omnia sua nec quicquam profecerat sed magis deterius habebat

Mar 5:27

Mar 5:27cum audisset de Iesu venit in turba retro et tetigit vestimentum eius

Mar 5:28

Mar 5:28dicebat enim quia si vel vestimentum eius tetigero salva ero

Mar 5:29

Mar 5:29et confestim siccatus est fons sanguinis eius et sensit corpore quod sanata esset a plaga

Mar 5:30

Mar 5:30et statim Iesus cognoscens in semet ipso virtutem quae exierat de eo conversus ad turbam aiebat quis tetigit vestimenta mea

Mar 5:31

Mar 5:31et dicebant ei discipuli sui vides turbam conprimentem te et dicis quis me tetigit

Mar 5:32

Mar 5:32et circumspiciebat videre eam quae hoc fecerat

Mar 5:33

Mar 5:33mulier autem timens et tremens sciens quod factum esset in se venit et procidit ante eum et dixit ei omnem veritatem

Mar 5:34

Mar 5:34ille autem dixit ei filia fides tua te salvam fecit vade in pace et esto sana a plaga tua

Mar 5:35

Mar 5:35adhuc eo loquente veniunt ab archisynagogo dicentes quia filia tua mortua est quid ultra vexas magistrum

Mar 5:36

Mar 5:36Iesus autem verbo quod dicebatur audito ait archisynagogo noli timere tantummodo crede

Mar 5:37

Mar 5:37et non admisit quemquam sequi se nisi Petrum et Iacobum et Iohannem fratrem Iacobi

Mar 5:38

Mar 5:38et veniunt in domum archisynagogi et videt tumultum et flentes et heiulantes multum

Mar 5:39

Mar 5:39et ingressus ait eis quid turbamini et ploratis puella non est mortua sed dormit

Mar 5:40

Mar 5:40et inridebant eum ipse vero eiectis omnibus adsumit patrem et matrem puellae et qui secum erant et ingreditur ubi erat puella iacens

Mar 5:41

Mar 5:41et tenens manum puellae ait illi talitha cumi quod est interpretatum puella tibi dico surge

Mar 5:42

Mar 5:42et confestim surrexit puella et ambulabat erat autem annorum duodecim et obstipuerunt stupore maximo

Mar 5:43

Mar 5:43et praecepit illis vehementer ut nemo id sciret et dixit dari illi manducare
Translation Copyright Logo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Mark Chapter 5 — Additional Translations:

King James Version New King James Version New Living Translation New International Version English Standard Version Christian Standard Bible New American Standard Bible 2020 New American Standard Bible 1995 Legacy Standard Bible Amplified Bible New English Translation Revised Standard Version American Standard Version Young's Literal Translation Darby Translation Webster's Bible Hebrew Names Version Morphological Greek New Testament Textus Receptus Smith Van Dyck Arabic Bible Open New Arabic Version Reina Valera 1909 Reina-Valera 1960 Bible in Basic English Chinese Traditional Union Espanol Moderno Korean Holy Bible Louis Segond German Luther Russian Synodal Translation Sagradas Escrituras