Marcum (Mark) 16 :: Latin Vulgate (VUL)

(Mat 28:1–8; Luk 24:1–12; Jhn 20:1–10 )

Mar 16:1

Mar 16:1et cum transisset sabbatum Maria Magdalene et Maria Iacobi et Salome emerunt aromata ut venientes unguerent eum

Mar 16:2

Mar 16:2et valde mane una sabbatorum veniunt ad monumentum orto iam sole

Mar 16:3

Mar 16:3et dicebant ad invicem quis revolvet nobis lapidem ab ostio monumenti

Mar 16:4

Mar 16:4et respicientes vident revolutum lapidem erat quippe magnus valde

Mar 16:5

Mar 16:5et introeuntes in monumento viderunt iuvenem sedentem in dextris coopertum stola candida et obstipuerunt

Mar 16:6

Mar 16:6qui dicit illis nolite expavescere Iesum quaeritis Nazarenum crucifixum surrexit non est hic ecce locus ubi posuerunt eum

Mar 16:7

Mar 16:7sed ite et dicite discipulis eius et Petro quia praecedit vos in Galilaeam ibi eum videbitis sicut dixit vobis

Mar 16:8

Mar 16:8at illae exeuntes fugerunt de monumento invaserat enim eas tremor et pavor et nemini quicquam dixerunt timebant enim

(Mat 28:9, 10; Jhn 20:11–18 )

Mar 16:9

Mar 16:9surgens autem mane prima sabbati apparuit primo Mariae Magdalenae de qua eiecerat septem daemonia

Mar 16:10

Mar 16:10illa vadens nuntiavit his qui cum eo fuerant lugentibus et flentibus

Mar 16:11

Mar 16:11et illi audientes quia viveret et visus esset ab ea non crediderunt

(Luk 24:13–35 )

Mar 16:12

Mar 16:12post haec autem duobus ex eis ambulantibus ostensus est in alia effigie euntibus in villam

Mar 16:13

Mar 16:13et illi euntes nuntiaverunt ceteris nec illis crediderunt

(Mat 28:16–20; Luk 24:44–49; Act 1:6–8 )

Mar 16:14

Mar 16:14novissime recumbentibus illis undecim apparuit et exprobravit incredulitatem illorum et duritiam cordis quia his qui viderant eum resurrexisse non crediderant

Mar 16:15

Mar 16:15et dixit eis euntes in mundum universum praedicate evangelium omni creaturae

Mar 16:16

Mar 16:16qui crediderit et baptizatus fuerit salvus erit qui vero non crediderit condemnabitur

Mar 16:17

Mar 16:17signa autem eos qui crediderint haec sequentur in nomine meo daemonia eicient linguis loquentur novis

Mar 16:18

Mar 16:18serpentes tollent et si mortiferum quid biberint non eos nocebit super aegrotos manus inponent et bene habebunt

(Luk 24:50–53 )

Mar 16:19

Mar 16:19et Dominus quidem postquam locutus est eis adsumptus est in caelum et sedit a dextris Dei

Mar 16:20

Mar 16:20illi autem profecti praedicaverunt ubique Domino cooperante et sermonem confirmante sequentibus signis

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.