Marcum (Mark) 15 :: Latin Vulgate (VUL)

(Mat 27:1, 2, 11–14; Luk 23:1–5; Jhn 18:28–38 )

Mar 15:1et confestim mane consilium facientes summi sacerdotes cum senioribus et scribis et universo concilio vincientes Iesum duxerunt et tradiderunt Pilato

Mar 15:2

Mar 15:2et interrogavit eum Pilatus tu es rex Iudaeorum at ille respondens ait illi tu dicis

Mar 15:3

Mar 15:3et accusabant eum summi sacerdotes in multis

Mar 15:4

Mar 15:4Pilatus autem rursum interrogavit eum dicens non respondes quicquam vide in quantis te accusant

Mar 15:5

Mar 15:5Iesus autem amplius nihil respondit ita ut miraretur Pilatus

(Mat 27:15–26; Luk 23:17–25; Jhn 18:39—19:16 )

Mar 15:6

Mar 15:6per diem autem festum dimittere solebat illis unum ex vinctis quemcumque petissent

Mar 15:7

Mar 15:7erat autem qui dicebatur Barabbas qui cum seditiosis erat vinctus qui in seditione fecerant homicidium

Mar 15:8

Mar 15:8et cum ascendisset turba coepit rogare sicut semper faciebat illis

Mar 15:9

Mar 15:9Pilatus autem respondit eis et dixit vultis dimittam vobis regem Iudaeorum

Mar 15:10

Mar 15:10sciebat enim quod per invidiam tradidissent eum summi sacerdotes

Mar 15:11

Mar 15:11pontifices autem concitaverunt turbam ut magis Barabban dimitteret eis

Mar 15:12

Mar 15:12Pilatus autem iterum respondens ait illis quid ergo vultis faciam regi Iudaeorum

Mar 15:13

Mar 15:13at illi iterum clamaverunt crucifige eum

Mar 15:14

Mar 15:14Pilatus vero dicebat eis quid enim mali fecit at illi magis clamabant crucifige eum

Mar 15:15

Mar 15:15Pilatus autem volens populo satisfacere dimisit illis Barabban et tradidit Iesum flagellis caesum ut crucifigeretur

(Mat 27:27–31 )

Mar 15:16

Mar 15:16milites autem duxerunt eum intro in atrium praetorii et convocant totam cohortem

Mar 15:17

Mar 15:17et induunt eum purpuram et inponunt ei plectentes spineam coronam

Mar 15:18

Mar 15:18et coeperunt salutare eum have rex Iudaeorum

Mar 15:19

Mar 15:19et percutiebant caput eius harundine et conspuebant eum et ponentes genua adorabant eum

Mar 15:20

Mar 15:20et postquam inluserunt ei exuerunt illum purpuram et induerunt eum vestimentis suis et educunt illum ut crucifigerent eum

(Mat 27:32–44; Luk 23:26–43; Jhn 19:17–27 )

Mar 15:21

Mar 15:21et angariaverunt praetereuntem quempiam Simonem Cyreneum venientem de villa patrem Alexandri et Rufi ut tolleret crucem eius

Mar 15:22

Mar 15:22et perducunt illum in Golgotha locum quod est interpretatum Calvariae locus

Mar 15:23

Mar 15:23et dabant ei bibere murratum vinum et non accepit

Mar 15:24

Mar 15:24et crucifigentes eum diviserunt vestimenta eius mittentes sortem super eis quis quid tolleret

Mar 15:25

Mar 15:25erat autem hora tertia et crucifixerunt eum

Mar 15:26

Mar 15:26et erat titulus causae eius inscriptus rex Iudaeorum

Mar 15:27

Mar 15:27et cum eo crucifigunt duos latrones unum a dextris et alium a sinistris eius

Mar 15:28

Mar 15:28et adimpleta est scriptura quae dicit et cum iniquis reputatus est

Mar 15:29

Mar 15:29et praetereuntes blasphemabant eum moventes capita sua et dicentes va qui destruit templum et in tribus diebus aedificat

Mar 15:30

Mar 15:30salvum fac temet ipsum descendens de cruce

Mar 15:31

Mar 15:31similiter et summi sacerdotes ludentes ad alterutrum cum scribis dicebant alios salvos fecit se ipsum non potest salvum facere

Mar 15:32

Mar 15:32Christus rex Israhel descendat nunc de cruce ut videamus et credamus et qui cum eo crucifixi erant conviciabantur ei

(Mat 27:45–56; Luk 23:44–49; Jhn 19:28–30 )

Mar 15:33

Mar 15:33et facta hora sexta tenebrae factae sunt per totam terram usque in horam nonam

Mar 15:34

Mar 15:34et hora nona exclamavit Iesus voce magna dicens Heloi Heloi lama sabacthani quod est interpretatum Deus meus Deus meus ut quid dereliquisti me

Mar 15:35

Mar 15:35et quidam de circumstantibus audientes dicebant ecce Heliam vocat

Mar 15:36

Mar 15:36currens autem unus et implens spongiam aceto circumponensque calamo potum dabat ei dicens sinite videamus si veniat Helias ad deponendum eum

Mar 15:37

Mar 15:37Iesus autem emissa voce magna exspiravit

Mar 15:38

Mar 15:38et velum templi scissum est in duo a sursum usque deorsum

Mar 15:39

Mar 15:39videns autem centurio qui ex adverso stabat quia sic clamans exspirasset ait vere homo hic Filius Dei erat

Mar 15:40

Mar 15:40erant autem et mulieres de longe aspicientes inter quas et Maria Magdalene et Maria Iacobi minoris et Ioseph mater et Salome

Mar 15:41

Mar 15:41et cum esset in Galilaea sequebantur eum et ministrabant ei et aliae multae quae simul cum eo ascenderant Hierosolyma

(Mat 27:57–61; Luk 23:50–56; Jhn 19:38–42 )

Mar 15:42

Mar 15:42et cum iam sero esset factum quia erat parasceve quod est ante sabbatum

Mar 15:43

Mar 15:43venit Ioseph ab Arimathia nobilis decurio qui et ipse erat expectans regnum Dei et audacter introiit ad Pilatum et petiit corpus Iesu

Mar 15:44

Mar 15:44Pilatus autem mirabatur si iam obisset et accersito centurione interrogavit eum si iam mortuus esset

Mar 15:45

Mar 15:45et cum cognovisset a centurione donavit corpus Ioseph

Mar 15:46

Mar 15:46Ioseph autem mercatus sindonem et deponens eum involvit sindone et posuit eum in monumento quod erat excisum de petra et advolvit lapidem ad ostium monumenti

Mar 15:47

Mar 15:47Maria autem Magdalene et Maria Ioseph aspiciebant ubi poneretur

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.