Marcum (Mark) 12 :: Latin Vulgate (VUL)

(Mat 21:33–46; Luk 20:9–19 )

Mar 12:1et coepit illis in parabolis loqui vineam pastinavit homo et circumdedit sepem et fodit lacum et aedificavit turrem et locavit eam agricolis et peregre profectus est

Mar 12:2

Mar 12:2et misit ad agricolas in tempore servum ut ab agricolis acciperet de fructu vineae

Mar 12:3

Mar 12:3qui adprehensum eum ceciderunt et dimiserunt vacuum

Mar 12:4

Mar 12:4et iterum misit ad illos alium servum et illum capite vulneraverunt et contumeliis adfecerunt

Mar 12:5

Mar 12:5et rursum alium misit et illum occiderunt et plures alios quosdam caedentes alios vero occidentes

Mar 12:6

Mar 12:6adhuc ergo unum habens filium carissimum et illum misit ad eos novissimum dicens quia reverebuntur filium meum

Mar 12:7

Mar 12:7coloni autem dixerunt ad invicem hic est heres venite occidamus eum et nostra erit hereditas

Mar 12:8

Mar 12:8et adprehendentes eum occiderunt et eiecerunt extra vineam

Mar 12:9

Mar 12:9quid ergo faciet dominus vineae veniet et perdet colonos et dabit vineam aliis

Mar 12:10

Mar 12:10nec scripturam hanc legistis lapidem quem reprobaverunt aedificantes hic factus est in caput anguli

Mar 12:11

Mar 12:11a Domino factum est istud et est mirabile in oculis nostris

Mar 12:12

Mar 12:12et quaerebant eum tenere et timuerunt turbam cognoverunt enim quoniam ad eos parabolam hanc dixerit et relicto eo abierunt

(Mat 22:15–22; Luk 20:20–26 )

Mar 12:13

Mar 12:13et mittunt ad eum quosdam ex Pharisaeis et Herodianis ut eum caperent in verbo

Mar 12:14

Mar 12:14qui venientes dicunt ei magister scimus quoniam verax es et non curas quemquam nec enim vides in faciem hominis sed in veritate viam Dei doces licet dari tributum Caesari an non dabimus

Mar 12:15

Mar 12:15qui sciens versutiam eorum ait illis quid me temptatis adferte mihi denarium ut videam

Mar 12:16

Mar 12:16at illi adtulerunt et ait illis cuius est imago haec et inscriptio dicunt illi Caesaris

Mar 12:17

Mar 12:17respondens autem Iesus dixit illis reddite igitur quae sunt Caesaris Caesari et quae sunt Dei Deo et mirabantur super eo

(Mat 22:23–33; Luk 20:27–40 )

Mar 12:18

Mar 12:18et venerunt ad eum Sadducaei qui dicunt resurrectionem non esse et interrogabant eum dicentes

Mar 12:19

Mar 12:19magister Moses nobis scripsit ut si cuius frater mortuus fuerit et dimiserit uxorem et filios non reliquerit accipiat frater eius uxorem ipsius et resuscitet semen fratri suo

Mar 12:20

Mar 12:20septem ergo fratres erant et primus accepit uxorem et mortuus est non relicto semine

Mar 12:21

Mar 12:21et secundus accepit eam et mortuus est et nec iste reliquit semen et tertius similiter

Mar 12:22

Mar 12:22et acceperunt eam similiter septem et non reliquerunt semen novissima omnium defuncta est et mulier

Mar 12:23

Mar 12:23in resurrectione ergo cum resurrexerint cuius de his erit uxor septem enim habuerunt eam uxorem

Mar 12:24

Mar 12:24et respondens Iesus ait illis non ideo erratis non scientes scripturas neque virtutem Dei

Mar 12:25

Mar 12:25cum enim a mortuis resurrexerint neque nubent neque nubentur sed sunt sicut angeli in caelis

Mar 12:26

Mar 12:26de mortuis autem quod resurgant non legistis in libro Mosi super rubum quomodo dixerit illi Deus inquiens ego sum Deus Abraham et Deus Isaac et Deus Iacob

Mar 12:27

Mar 12:27non est Deus mortuorum sed vivorum vos ergo multum erratis

(Mat 22:34–40; Luk 10:25–28 )

Mar 12:28

Mar 12:28et accessit unus de scribis qui audierat illos conquirentes et videns quoniam bene illis responderit interrogavit eum quod esset primum omnium mandatum

Mar 12:29

Mar 12:29Iesus autem respondit ei quia primum omnium mandatum est audi Israhel Dominus Deus noster Deus unus est

Mar 12:30

Mar 12:30et diliges Dominum Deum tuum ex toto corde tuo et ex tota anima tua et ex tota mente tua et ex tota virtute tua hoc est primum mandatum

Mar 12:31

Mar 12:31secundum autem simile illi diliges proximum tuum tamquam te ipsum maius horum aliud mandatum non est

Mar 12:32

Mar 12:32et ait illi scriba bene magister in veritate dixisti quia unus est et non est alius praeter eum

Mar 12:33

Mar 12:33et ut diligatur ex toto corde et ex toto intellectu et ex tota anima et ex tota fortitudine et diligere proximum tamquam se ipsum maius est omnibus holocaustomatibus et sacrificiis

Mar 12:34

Mar 12:34Iesus autem videns quod sapienter respondisset dixit illi non es longe a regno Dei et nemo iam audebat eum interrogare

(Mat 22:41–46; Luk 20:41–44 )

Mar 12:35

Mar 12:35et respondens Iesus dicebat docens in templo quomodo dicunt scribae Christum Filium esse David

Mar 12:36

Mar 12:36ipse enim David dicit in Spiritu Sancto dixit Dominus Domino meo sede a dextris meis donec ponam inimicos tuos scabillum pedum tuorum

Mar 12:37

Mar 12:37ipse ergo David dicit eum Dominum et unde est filius eius et multa turba eum libenter audivit

(Mat 23:1–7; Luk 20:45–47 )

Mar 12:38

Mar 12:38et dicebat eis in doctrina sua cavete a scribis qui volunt in stolis ambulare et salutari in foro

Mar 12:39

Mar 12:39et in primis cathedris sedere in synagogis et primos discubitus in cenis

Mar 12:40

Mar 12:40qui devorant domos viduarum sub obtentu prolixae orationis hii accipient prolixius iudicium

(Luk 21:1–4 )

Mar 12:41

Mar 12:41et sedens Iesus contra gazofilacium aspiciebat quomodo turba iactaret aes in gazofilacium et multi divites iactabant multa

Mar 12:42

Mar 12:42cum venisset autem una vidua pauper misit duo minuta quod est quadrans

Mar 12:43

Mar 12:43et convocans discipulos suos ait illis amen dico vobis quoniam vidua haec pauper plus omnibus misit qui miserunt in gazofilacium

Mar 12:44

Mar 12:44omnes enim ex eo quod abundabat illis miserunt haec vero de penuria sua omnia quae habuit misit totum victum suum

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Mark Chapter 12 — Additional Translations:

King James Version New King James Version New Living Translation New International Version English Standard Version Christian Standard Bible New American Standard Bible 2020 New American Standard Bible 1995 Legacy Standard Bible Amplified Bible New English Translation Revised Standard Version American Standard Version Young's Literal Translation Darby Translation Webster's Bible Hebrew Names Version Morphological Greek New Testament Textus Receptus Smith Van Dyck Arabic Bible Open New Arabic Version Reina Valera 1909 Reina-Valera 1960 Bible in Basic English Chinese Traditional Union Espanol Moderno Korean Holy Bible Louis Segond German Luther Russian Synodal Translation Sagradas Escrituras

Marcum (Mark) 12 :: Latin Vulgate (VUL)

Mark Chapter 12 — Additional Translations:

Did You Know BLB Is User Supported?