Marcum (Mark) 10 :: Latin Vulgate (VUL)

(Mat 19:1–9 )

Mar 10:1et inde exsurgens venit in fines Iudaeae ultra Iordanen et conveniunt iterum turbae ad eum et sicut consueverat iterum docebat illos

Mar 10:2

Mar 10:2et accedentes Pharisaei interrogabant eum si licet viro uxorem dimittere temptantes eum

Mar 10:3

Mar 10:3at ille respondens dixit eis quid vobis praecepit Moses

Mar 10:4

Mar 10:4qui dixerunt Moses permisit libellum repudii scribere et dimittere

Mar 10:5

Mar 10:5quibus respondens Iesus ait ad duritiam cordis vestri scripsit vobis praeceptum istud

Mar 10:6

Mar 10:6ab initio autem creaturae masculum et feminam fecit eos Deus

Mar 10:7

Mar 10:7propter hoc relinquet homo patrem suum et matrem et adherebit ad uxorem suam

Mar 10:8

Mar 10:8et erunt duo in carne una itaque iam non sunt duo sed una caro

Mar 10:9

Mar 10:9quod ergo Deus iunxit homo non separet

Mar 10:10

Mar 10:10et in domo iterum discipuli eius de eodem interrogaverunt eum

Mar 10:11

Mar 10:11et dicit illis quicumque dimiserit uxorem suam et aliam duxerit adulterium committit super eam

Mar 10:12

Mar 10:12et si uxor dimiserit virum suum et alii nupserit moechatur

(Mat 19:13–15; Luk 18:15–17 )

Mar 10:13

Mar 10:13et offerebant illi parvulos ut tangeret illos discipuli autem comminabantur offerentibus

Mar 10:14

Mar 10:14quos cum videret Iesus indigne tulit et ait illis sinite parvulos venire ad me et ne prohibueritis eos talium est enim regnum Dei

Mar 10:15

Mar 10:15amen dico vobis quisque non receperit regnum Dei velut parvulus non intrabit in illud

Mar 10:16

Mar 10:16et conplexans eos et inponens manus super illos benedicebat eos

(Mat 19:16–22; Luk 18:18–23 )

Mar 10:17

Mar 10:17et cum egressus esset in viam procurrens quidam genu flexo ante eum rogabat eum magister bone quid faciam ut vitam aeternam percipiam

Mar 10:18

Mar 10:18Iesus autem dixit ei quid me dicis bonum nemo bonus nisi unus Deus

Mar 10:19

Mar 10:19praecepta nosti ne adulteres ne occidas ne fureris ne falsum testimonium dixeris ne fraudem feceris honora patrem tuum et matrem

Mar 10:20

Mar 10:20et ille respondens ait illi magister omnia haec conservavi a iuventute mea

Mar 10:21

Mar 10:21Iesus autem intuitus eum dilexit eum et dixit illi unum tibi deest vade quaecumque habes vende et da pauperibus et habebis thesaurum in caelo et veni sequere me

Mar 10:22

Mar 10:22qui contristatus in verbo abiit maerens erat enim habens possessiones multas

(Mat 19:23–30; Luk 18:24–30 )

Mar 10:23

Mar 10:23et circumspiciens Iesus ait discipulis suis quam difficile qui pecunias habent in regnum Dei introibunt

Mar 10:24

Mar 10:24discipuli autem obstupescebant in verbis eius at Iesus rursus respondens ait illis filioli quam difficile est confidentes in pecuniis regnum Dei introire

Mar 10:25

Mar 10:25facilius est camelum per foramen acus transire quam divitem intrare in regnum Dei

Mar 10:26

Mar 10:26qui magis admirabantur dicentes ad semet ipsos et quis potest salvus fieri

Mar 10:27

Mar 10:27et intuens illos Iesus ait apud homines inpossibile est sed non apud Deum omnia enim possibilia sunt apud Deum

Mar 10:28

Mar 10:28coepit Petrus ei dicere ecce nos dimisimus omnia et secuti sumus te

Mar 10:29

Mar 10:29respondens Iesus ait amen dico vobis nemo est qui reliquerit domum aut fratres aut sorores aut matrem aut patrem aut filios aut agros propter me et propter evangelium

Mar 10:30

Mar 10:30qui non accipiat centies tantum nunc in tempore hoc domos et fratres et sorores et matres et filios et agros cum persecutionibus et in saeculo futuro vitam aeternam

Mar 10:31

Mar 10:31multi autem erunt primi novissimi et novissimi primi

(Mat 20:17–19; Luk 18:31–34 )

Mar 10:32

Mar 10:32erant autem in via ascendentes in Hierosolyma et praecedebat illos Iesus et stupebant et sequentes timebant et adsumens iterum duodecim coepit illis dicere quae essent ei ventura

Mar 10:33

Mar 10:33quia ecce ascendimus in Hierosolyma et Filius hominis tradetur principibus sacerdotum et scribis et senioribus et damnabunt eum morti et tradent eum gentibus

Mar 10:34

Mar 10:34et inludent ei et conspuent eum et flagellabunt eum et interficient eum et tertia die resurget

(Mat 20:20–28 )

Mar 10:35

Mar 10:35et accedunt ad illum Iacobus et Iohannes filii Zebedaei dicentes magister volumus ut quodcumque petierimus facias nobis

Mar 10:36

Mar 10:36at ille dixit eis quid vultis ut faciam vobis

Mar 10:37

Mar 10:37et dixerunt da nobis ut unus ad dexteram tuam et alius ad sinistram tuam sedeamus in gloria tua

Mar 10:38

Mar 10:38Iesus autem ait eis nescitis quid petatis potestis bibere calicem quem ego bibo aut baptismum quo ego baptizor baptizari

Mar 10:39

Mar 10:39at illi dixerunt ei possumus Iesus autem ait eis calicem quidem quem ego bibo bibetis et baptismum quo ego baptizor baptizabimini

Mar 10:40

Mar 10:40sedere autem ad dexteram meam vel ad sinistram non est meum dare sed quibus paratum est

Mar 10:41

Mar 10:41et audientes decem coeperunt indignari de Iacobo et Iohanne

Mar 10:42

Mar 10:42Iesus autem vocans eos ait illis scitis quia hii qui videntur principari gentibus dominantur eis et principes eorum potestatem habent ipsorum

Mar 10:43

Mar 10:43non ita est autem in vobis sed quicumque voluerit fieri maior erit vester minister

Mar 10:44

Mar 10:44et quicumque voluerit in vobis primus esse erit omnium servus

Mar 10:45

Mar 10:45nam et Filius hominis non venit ut ministraretur ei sed ut ministraret et daret animam suam redemptionem pro multis

(Mat 20:29–34; Luk 18:35–43 )

Mar 10:46

Mar 10:46et veniunt Hierichum et proficiscente eo de Hiericho et discipulis eius et plurima multitudine filius Timei Bartimeus caecus sedebat iuxta viam mendicans

Mar 10:47

Mar 10:47qui cum audisset quia Iesus Nazarenus est coepit clamare et dicere Fili David Iesu miserere mei

Mar 10:48

Mar 10:48et comminabantur illi multi ut taceret at ille multo magis clamabat Fili David miserere mei

Mar 10:49

Mar 10:49et stans Iesus praecepit illum vocari et vocant caecum dicentes ei animaequior esto surge vocat te

Mar 10:50

Mar 10:50qui proiecto vestimento suo exiliens venit ad eum

Mar 10:51

Mar 10:51et respondens illi Iesus dixit quid vis tibi faciam caecus autem dixit ei rabboni ut videam

Mar 10:52

Mar 10:52Iesus autem ait illi vade fides tua te salvum fecit et confestim vidit et sequebatur eum in via

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Mark Chapter 10 — Additional Translations:

King James Version New King James Version New Living Translation New International Version English Standard Version Christian Standard Bible New American Standard Bible 2020 New American Standard Bible 1995 Legacy Standard Bible Amplified Bible New English Translation Revised Standard Version American Standard Version Young's Literal Translation Darby Translation Webster's Bible Hebrew Names Version Morphological Greek New Testament Textus Receptus Smith Van Dyck Arabic Bible Open New Arabic Version Reina Valera 1909 Reina-Valera 1960 Bible in Basic English Chinese Traditional Union Espanol Moderno Korean Holy Bible Louis Segond German Luther Russian Synodal Translation Sagradas Escrituras

Marcum (Mark) 10 :: Latin Vulgate (VUL)

Mark Chapter 10 — Additional Translations:

Did You Know BLB Is User Supported?