Malachiæ (Malachi) 3 :: Latin Vulgate (VUL)

Mal 3:1

Mal 3:1ecce ego mittam angelum meum et praeparabit viam ante faciem meam et statim veniet ad templum suum dominator quem vos quaeritis et angelus testamenti quem vos vultis ecce venit dicit Dominus exercituum

Mal 3:2

Mal 3:2et quis poterit cogitare diem adventus eius et quis stabit ad videndum eum ipse enim quasi ignis conflans et quasi herba fullonum

Mal 3:3

Mal 3:3et sedebit conflans et emundans argentum et purgabit filios Levi et colabit eos quasi aurum et quasi argentum et erunt Domino offerentes sacrificia in iustitia

Mal 3:4

Mal 3:4et placebit Domino sacrificium Iuda et Hierusalem sicut dies saeculi et sicut anni antiqui

Mal 3:5

Mal 3:5et accedam ad vos in iudicio et ero testis velox maleficis et adulteris et periuris et qui calumniantur mercedem mercennarii viduas et pupillos et opprimunt peregrinum nec timuerunt me dicit Dominus exercituum

Mal 3:6

Mal 3:6ego enim Dominus et non mutor et vos filii Iacob non estis consumpti

Mal 3:7

Mal 3:7a diebus enim patrum vestrorum recessistis a legitimis meis et non custodistis revertimini ad me et revertar ad vos dicit Dominus exercituum et dixistis in quo revertemur

Mal 3:8

Mal 3:8si adfiget homo Deum quia vos configitis me et dixistis in quo confiximus te in decimis et in primitivis

Mal 3:9

Mal 3:9et in penuria vos maledicti estis et me vos configitis gens tota

Mal 3:10

Mal 3:10inferte omnem decimam in horreum et sit cibus in domo mea et probate me super hoc dicit Dominus si non aperuero vobis cataractas caeli et effudero vobis benedictionem usque ad abundantiam

Mal 3:11

Mal 3:11et increpabo pro vobis devorantem et non corrumpet fructum terrae vestrae nec erit sterilis vinea in agro dicit Dominus exercituum

Mal 3:12

Mal 3:12et beatos vos dicent omnes gentes eritis enim vos terra desiderabilis dicit Dominus exercituum

Mal 3:13

Mal 3:13invaluerunt super me verba vestra dicit Dominus

Mal 3:14

Mal 3:14et dixistis quid locuti sumus contra te dixistis vanus est qui servit Deo et quod emolumentum quia custodivimus praecepta eius et quia ambulavimus tristes coram Domino exercituum

Mal 3:15

Mal 3:15ergo nunc beatos dicimus arrogantes siquidem aedificati sunt facientes impietatem et temptaverunt Deum et salvi facti sunt

Mal 3:16

Mal 3:16tunc locuti sunt timentes Deum unusquisque cum proximo suo et adtendit Dominus et audivit et scriptus est liber monumenti coram eo timentibus Dominum et cogitantibus nomen eius

Mal 3:17

Mal 3:17et erunt mihi ait Dominus exercituum in die qua ego facio in peculium et parcam eis sicut parcit vir filio suo servienti sibi

Mal 3:18

Mal 3:18et convertemini et videbitis quid sit inter iustum et impium et inter servientem Deo et non servientem ei

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.