Lucam (Luke) 7 (VUL) - cum autem implesset omnia verba

Luk 7:1

¶

Luk 7:1cum autem implesset omnia verba sua in aures plebis intravit Capharnaum

Luk 7:2

Luk 7:2centurionis autem cuiusdam servus male habens erat moriturus qui illi erat pretiosus

Luk 7:3

Luk 7:3et cum audisset de Iesu misit ad eum seniores Iudaeorum rogans eum ut veniret et salvaret servum eius

Luk 7:4

Luk 7:4at illi cum venissent ad Iesum rogabant eum sollicite dicentes ei quia dignus est ut hoc illi praestes

Luk 7:5

Luk 7:5diligit enim gentem nostram et synagogam ipse aedificavit nobis

Luk 7:6

¶

Luk 7:6Iesus autem ibat cum illis et cum iam non longe esset a domo misit ad eum centurio amicos dicens Domine noli vexari non enim dignus sum ut sub tectum meum intres

Luk 7:7

Luk 7:7propter quod et me ipsum non sum dignum arbitratus ut venirem ad te sed dic verbo et sanabitur puer meus

Luk 7:8

Luk 7:8nam et ego homo sum sub potestate constitutus habens sub me milites et dico huic vade et vadit et alio veni et venit et servo meo fac hoc et facit

Luk 7:9

¶

Luk 7:9quo audito Iesus miratus est et conversus sequentibus se turbis dixit amen dico vobis nec in Israhel tantam fidem inveni

Luk 7:10

Luk 7:10et reversi qui missi fuerant domum invenerunt servum qui languerat sanum

Luk 7:11

¶

Luk 7:11et factum est deinceps ibat in civitatem quae vocatur Naim et ibant cum illo discipuli eius et turba copiosa

Luk 7:12

Luk 7:12cum autem adpropinquaret portae civitatis et ecce defunctus efferebatur filius unicus matri suae et haec vidua erat et turba civitatis multa cum illa

Luk 7:13

Luk 7:13quam cum vidisset Dominus misericordia motus super ea dixit illi noli flere

Luk 7:14

Luk 7:14et accessit et tetigit loculum hii autem qui portabant steterunt et ait adulescens tibi dico surge

Luk 7:15

Luk 7:15et resedit qui erat mortuus et coepit loqui et dedit illum matri suae

Luk 7:16

¶

Luk 7:16accepit autem omnes timor et magnificabant Deum dicentes quia propheta magnus surrexit in nobis et quia Deus visitavit plebem suam

Luk 7:17

Luk 7:17et exiit hic sermo in universam Iudaeam de eo et omnem circa regionem

Luk 7:18

¶

Luk 7:18et nuntiaverunt Iohanni discipuli eius de omnibus his

Luk 7:19

Luk 7:19et convocavit duos de discipulis suis Iohannes et misit ad Dominum dicens tu es qui venturus es an alium expectamus

Luk 7:20

¶

Luk 7:20cum autem venissent ad eum viri dixerunt Iohannes Baptista misit nos ad te dicens tu es qui venturus es an alium expectamus

Luk 7:21

Luk 7:21in ipsa autem hora curavit multos a languoribus et plagis et spiritibus malis et caecis multis donavit visum

Luk 7:22

¶

Luk 7:22et respondens dixit illis euntes nuntiate Iohanni quae vidistis et audistis quia caeci vident claudi ambulant leprosi mundantur surdi audiunt mortui resurgunt pauperes evangelizantur

Luk 7:23

Luk 7:23et beatus est quicumque non fuerit scandalizatus in me

Luk 7:24

¶

Luk 7:24et cum discessissent nuntii Iohannis coepit dicere de Iohanne ad turbas quid existis in desertum videre harundinem vento moveri

Luk 7:25

Luk 7:25sed quid existis videre hominem mollibus vestimentis indutum ecce qui in veste pretiosa sunt et deliciis in domibus regum sunt

Luk 7:26

Luk 7:26sed quid existis videre prophetam utique dico vobis et plus quam prophetam

Luk 7:27

Luk 7:27hic est de quo scriptum est ecce mitto angelum meum ante faciem tuam qui praeparabit viam tuam ante te

Luk 7:28

Luk 7:28dico enim vobis maior inter natos mulierum propheta Iohanne Baptista nemo est qui autem minor est in regno Dei maior est illo

Luk 7:29

¶

Luk 7:29et omnis populus audiens et publicani iustificaverunt Deum baptizati baptismo Iohannis

Luk 7:30

Luk 7:30Pharisaei autem et legis periti consilium Dei spreverunt in semet ipsos non baptizati ab eo

Luk 7:31

¶

Luk 7:31cui ergo similes dicam homines generationis huius et cui similes sunt

Luk 7:32

Luk 7:32similes sunt pueris sedentibus in foro et loquentibus ad invicem et dicentibus cantavimus vobis tibiis et non saltastis lamentavimus et non plorastis

Luk 7:33

Luk 7:33venit enim Iohannes Baptista neque manducans panem neque bibens vinum et dicitis daemonium habet

Luk 7:34

Luk 7:34venit Filius hominis manducans et bibens et dicitis ecce homo devorator et bibens vinum amicus publicanorum et peccatorum

Luk 7:35

Luk 7:35et iustificata est sapientia ab omnibus filiis suis

Luk 7:36

¶

Luk 7:36rogabat autem illum quidam de Pharisaeis ut manducaret cum illo et ingressus domum Pharisaei discubuit

Luk 7:37

Luk 7:37et ecce mulier quae erat in civitate peccatrix ut cognovit quod accubuit in domo Pharisaei adtulit alabastrum unguenti

Luk 7:38

Luk 7:38et stans retro secus pedes eius lacrimis coepit rigare pedes eius et capillis capitis sui tergebat et osculabatur pedes eius et unguento unguebat

Luk 7:39

Luk 7:39videns autem Pharisaeus qui vocaverat eum ait intra se dicens hic si esset propheta sciret utique quae et qualis mulier quae tangit eum quia peccatrix est

Luk 7:40

¶

Luk 7:40et respondens Iesus dixit ad illum Simon habeo tibi aliquid dicere at ille ait magister dic

Luk 7:41

¶

Luk 7:41duo debitores erant cuidam feneratori unus debebat denarios quingentos alius quinquaginta

Luk 7:42

Luk 7:42non habentibus illis unde redderent donavit utrisque quis ergo eum plus diliget

Luk 7:43

¶

Luk 7:43respondens Simon dixit aestimo quia is cui plus donavit at ille dixit ei recte iudicasti

Luk 7:44

Luk 7:44et conversus ad mulierem dixit Simoni vides hanc mulierem intravi in domum tuam aquam pedibus meis non dedisti haec autem lacrimis rigavit pedes meos et capillis suis tersit

Luk 7:45

Luk 7:45osculum mihi non dedisti haec autem ex quo intravit non cessavit osculari pedes meos

Luk 7:46

Luk 7:46oleo caput meum non unxisti haec autem unguento unxit pedes meos

Luk 7:47

Luk 7:47propter quod dico tibi remittentur ei peccata multa quoniam dilexit multum cui autem minus dimittitur minus diligit

Luk 7:48

¶

Luk 7:48dixit autem ad illam remittuntur tibi peccata

Luk 7:49

¶

Luk 7:49et coeperunt qui simul accumbebant dicere intra se quis est hic qui etiam peccata dimittit

Luk 7:50

¶

Luk 7:50dixit autem ad mulierem fides tua te salvam fecit vade in pace

Lucam (Luke) 7 :: Latin Vulgate (VUL)