Lucam (Luke) 3 :: Latin Vulgate (VUL)

(Mat 3:1–6; Mar 1:2–6; Jhn 1:19–23 )

Luk 3:1anno autem quintodecimo imperii Tiberii Caesaris procurante Pontio Pilato Iudaeam tetrarcha autem Galilaeae Herode Philippo autem fratre eius tetrarcha Itureae et Trachonitidis regionis et Lysania Abilinae tetrarcha

Luk 3:2

Luk 3:2sub principibus sacerdotum Anna et Caiapha factum est verbum Dei super Iohannem Zacchariae filium in deserto

Luk 3:3

Luk 3:3et venit in omnem regionem Iordanis praedicans baptismum paenitentiae in remissionem peccatorum

Luk 3:4

Luk 3:4sicut scriptum est in libro sermonum Esaiae prophetae vox clamantis in deserto parate viam Domini rectas facite semitas eius

Luk 3:5

Luk 3:5omnis vallis implebitur et omnis mons et collis humiliabitur et erunt prava in directa et aspera in vias planas

Luk 3:6

Luk 3:6et videbit omnis caro salutare Dei

(Mat 3:7–12; Mar 1:7, 8; Jhn 1:24–28 )

Luk 3:7

Luk 3:7dicebat ergo ad turbas quae exiebant ut baptizarentur ab ipso genimina viperarum quis ostendit vobis fugere a ventura ira

Luk 3:8

Luk 3:8facite ergo fructus dignos paenitentiae et ne coeperitis dicere patrem habemus Abraham dico enim vobis quia potest Deus de lapidibus istis suscitare filios Abrahae

Luk 3:9

Luk 3:9iam enim securis ad radicem arborum posita est omnis ergo arbor non faciens fructum exciditur et in ignem mittitur

Luk 3:10

Luk 3:10et interrogabant eum turbae dicentes quid ergo faciemus

Luk 3:11

Luk 3:11respondens autem dicebat illis qui habet duas tunicas det non habenti et qui habet escas similiter faciat

Luk 3:12

Luk 3:12venerunt autem et publicani ut baptizarentur et dixerunt ad illum magister quid faciemus

Luk 3:13

Luk 3:13at ille dixit ad eos nihil amplius quam quod constitutum est vobis faciatis

Luk 3:14

Luk 3:14interrogabant autem eum et milites dicentes quid faciemus et nos et ait illis neminem concutiatis neque calumniam faciatis et contenti estote stipendiis vestris

Luk 3:15

Luk 3:15existimante autem populo et cogitantibus omnibus in cordibus suis de Iohanne ne forte ipse esset Christus

Luk 3:16

Luk 3:16respondit Iohannes dicens omnibus ego quidem aqua baptizo vos venit autem fortior me cuius non sum dignus solvere corrigiam calciamentorum eius ipse vos baptizabit in Spiritu Sancto et igni

Luk 3:17

Luk 3:17cuius ventilabrum in manu eius et purgabit aream suam et congregabit triticum in horreum suum paleas autem conburet igni inextinguibili

Luk 3:18

Luk 3:18multa quidem et alia exhortans evangelizabat populum

Luk 3:19

Luk 3:19Herodes autem tetrarcha cum corriperetur ab illo de Herodiade uxore fratris sui et de omnibus malis quae fecit Herodes

Luk 3:20

Luk 3:20adiecit et hoc supra omnia et inclusit Iohannem in carcere

(Mat 3:13–17; Mar 1:9–11; Jhn 1:29–34 )

Luk 3:21

Luk 3:21factum est autem cum baptizaretur omnis populus et Iesu baptizato et orante apertum est caelum

Luk 3:22

Luk 3:22et descendit Spiritus Sanctus corporali specie sicut columba in ipsum et vox de caelo facta est tu es Filius meus dilectus in te conplacuit mihi

(Gen 5:1–32; 11:10–26; Rth 4:18–22; 1Ch 1:1–4, 24–27, 34; 2:1–15; Mat 1:2–16 )

Luk 3:23

Luk 3:23et ipse Iesus erat incipiens quasi annorum triginta ut putabatur filius Ioseph qui fuit Heli

Luk 3:24

Luk 3:24qui fuit Matthat qui fuit Levi qui fuit Melchi qui fuit Iannae qui fuit Ioseph

Luk 3:25

Luk 3:25qui fuit Matthathiae qui fuit Amos qui fuit Naum qui fuit Esli qui fuit Naggae

Luk 3:26

Luk 3:26qui fuit Maath qui fuit Matthathiae qui fuit Semei qui fuit Iosech qui fuit Ioda

Luk 3:27

Luk 3:27qui fuit Iohanna qui fuit Resa qui fuit Zorobabel qui fuit Salathihel qui fuit Neri

Luk 3:28

Luk 3:28qui fuit Melchi qui fuit Addi qui fuit Cosam qui fuit Helmadam qui fuit Her

Luk 3:29

Luk 3:29qui fuit Iesu qui fuit Eliezer qui fuit Iorim qui fuit Matthat qui fuit Levi

Luk 3:30

Luk 3:30qui fuit Symeon qui fuit Iuda qui fuit Ioseph qui fuit Iona qui fuit Eliachim

Luk 3:31

Luk 3:31qui fuit Melea qui fuit Menna qui fuit Matthata qui fuit Nathan qui fuit David

Luk 3:32

Luk 3:32qui fuit Iesse qui fuit Obed qui fuit Booz qui fuit Salmon qui fuit Naasson

Luk 3:33

Luk 3:33qui fuit Aminadab qui fuit Aram qui fuit Esrom qui fuit Phares qui fuit Iudae

Luk 3:34

Luk 3:34qui fuit Iacob qui fuit Isaac qui fuit Abraham qui fuit Thare qui fuit Nachor

Luk 3:35

Luk 3:35qui fuit Seruch qui fuit Ragau qui fuit Phalec qui fuit Eber qui fuit Sale

Luk 3:36

Luk 3:36qui fuit Cainan qui fuit Arfaxat qui fuit Sem qui fuit Noe qui fuit Lamech

Luk 3:37

Luk 3:37qui fuit Mathusalae qui fuit Enoch qui fuit Iared qui fuit Malelehel qui fuit Cainan

Luk 3:38

Luk 3:38qui fuit Enos qui fuit Seth qui fuit Adam qui fuit Dei

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.