Lucam (Luke) 24 :: Latin Vulgate (VUL)

(Mat 28:1–10; Mar 16:1–8; Jhn 20:1–10 )

Luk 24:1

Luk 24:1una autem sabbati valde diluculo venerunt ad monumentum portantes quae paraverant aromata

Luk 24:2

Luk 24:2et invenerunt lapidem revolutum a monumento

Luk 24:3

Luk 24:3et ingressae non invenerunt corpus Domini Iesu

Luk 24:4

Luk 24:4et factum est dum mente consternatae essent de isto ecce duo viri steterunt secus illas in veste fulgenti

Luk 24:5

Luk 24:5cum timerent autem et declinarent vultum in terram dixerunt ad illas quid quaeritis viventem cum mortuis

Luk 24:6

Luk 24:6non est hic sed surrexit recordamini qualiter locutus est vobis cum adhuc in Galilaea esset

Luk 24:7

Luk 24:7dicens quia oportet Filium hominis tradi in manus hominum peccatorum et crucifigi et die tertia resurgere

Luk 24:8

Luk 24:8et recordatae sunt verborum eius

Luk 24:9

Luk 24:9et regressae a monumento nuntiaverunt haec omnia illis undecim et ceteris omnibus

Luk 24:10

Luk 24:10erat autem Maria Magdalene et Iohanna et Maria Iacobi et ceterae quae cum eis erant quae dicebant ad apostolos haec

Luk 24:11

Luk 24:11et visa sunt ante illos sicut deliramentum verba ista et non credebant illis

Luk 24:12

Luk 24:12Petrus autem surgens cucurrit ad monumentum et procumbens videt linteamina sola posita et abiit secum mirans quod factum fuerat

(Mar 16:12, 13 )

Luk 24:13

Luk 24:13et ecce duo ex illis ibant ipsa die in castellum quod erat in spatio stadiorum sexaginta ab Hierusalem nomine Emmaus

Luk 24:14

Luk 24:14et ipsi loquebantur ad invicem de his omnibus quae acciderant

Luk 24:15

Luk 24:15et factum est dum fabularentur et secum quaererent et ipse Iesus adpropinquans ibat cum illis

Luk 24:16

Luk 24:16oculi autem illorum tenebantur ne eum agnoscerent

Luk 24:17

Luk 24:17et ait ad illos qui sunt hii sermones quos confertis ad invicem ambulantes et estis tristes

Luk 24:18

Luk 24:18et respondens unus cui nomen Cleopas dixit ei tu solus peregrinus es in Hierusalem et non cognovisti quae facta sunt in illa his diebus

Luk 24:19

Luk 24:19quibus ille dixit quae et dixerunt de Iesu Nazareno qui fuit vir propheta potens in opere et sermone coram Deo et omni populo

Luk 24:20

Luk 24:20et quomodo eum tradiderunt summi sacerdotum et principes nostri in damnationem mortis et crucifixerunt eum

Luk 24:21

Luk 24:21nos autem sperabamus quia ipse esset redempturus Israhel et nunc super haec omnia tertia dies hodie quod haec facta sunt

Luk 24:22

Luk 24:22sed et mulieres quaedam ex nostris terruerunt nos quae ante lucem fuerunt ad monumentum

Luk 24:23

Luk 24:23et non invento corpore eius venerunt dicentes se etiam visionem angelorum vidisse qui dicunt eum vivere

Luk 24:24

Luk 24:24et abierunt quidam ex nostris ad monumentum et ita invenerunt sicut mulieres dixerunt ipsum vero non viderunt

Luk 24:25

Luk 24:25et ipse dixit ad eos o stulti et tardi corde ad credendum in omnibus quae locuti sunt prophetae

Luk 24:26

Luk 24:26nonne haec oportuit pati Christum et ita intrare in gloriam suam

Luk 24:27

Luk 24:27et incipiens a Mose et omnibus prophetis interpretabatur illis in omnibus scripturis quae de ipso erant

Luk 24:28

Luk 24:28et adpropinquaverunt castello quo ibant et ipse se finxit longius ire

Luk 24:29

Luk 24:29et coegerunt illum dicentes mane nobiscum quoniam advesperascit et inclinata est iam dies et intravit cum illis

Luk 24:30

Luk 24:30et factum est dum recumberet cum illis accepit panem et benedixit ac fregit et porrigebat illis

Luk 24:31

Luk 24:31et aperti sunt oculi eorum et cognoverunt eum et ipse evanuit ex oculis eorum

Luk 24:32

Luk 24:32et dixerunt ad invicem nonne cor nostrum ardens erat in nobis dum loqueretur in via et aperiret nobis scripturas

Luk 24:33

Luk 24:33et surgentes eadem hora regressi sunt in Hierusalem et invenerunt congregatos undecim et eos qui cum ipsis erant

Luk 24:34

Luk 24:34dicentes quod surrexit Dominus vere et apparuit Simoni

Luk 24:35

Luk 24:35et ipsi narrabant quae gesta erant in via et quomodo cognoverunt eum in fractione panis

(Jhn 20:19–23; Act 1:3–5; 1Co 15:5 )

Luk 24:36

Luk 24:36dum haec autem loquuntur Iesus stetit in medio eorum et dicit eis pax vobis ego sum nolite timere

Luk 24:37

Luk 24:37conturbati vero et conterriti existimabant se spiritum videre

Luk 24:38

Luk 24:38et dixit eis quid turbati estis et cogitationes ascendunt in corda vestra

Luk 24:39

Luk 24:39videte manus meas et pedes quia ipse ego sum palpate et videte quia spiritus carnem et ossa non habet sicut me videtis habere

Luk 24:40

Luk 24:40et cum hoc dixisset ostendit eis manus et pedes

Luk 24:41

Luk 24:41adhuc autem illis non credentibus et mirantibus prae gaudio dixit habetis hic aliquid quod manducetur

Luk 24:42

Luk 24:42at illi obtulerunt ei partem piscis assi et favum mellis

Luk 24:43

Luk 24:43et cum manducasset coram eis sumens reliquias dedit eis

Luk 24:44

Luk 24:44et dixit ad eos haec sunt verba quae locutus sum ad vos cum adhuc essem vobiscum quoniam necesse est impleri omnia quae scripta sunt in lege Mosi et prophetis et psalmis de me

Luk 24:45

Luk 24:45tunc aperuit illis sensum ut intellegerent scripturas

Luk 24:46

Luk 24:46et dixit eis quoniam sic scriptum est et sic oportebat Christum pati et resurgere a mortuis die tertia

Luk 24:47

Luk 24:47et praedicari in nomine eius paenitentiam et remissionem peccatorum in omnes gentes incipientibus ab Hierosolyma

Luk 24:48

Luk 24:48vos autem estis testes horum

Luk 24:49

Luk 24:49et ego mitto promissum Patris mei in vos vos autem sedete in civitate quoadusque induamini virtutem ex alto

(Mar 16:19, 20; Act 1:9 )

Luk 24:50

Luk 24:50eduxit autem eos foras in Bethaniam et elevatis manibus suis benedixit eis

Luk 24:51

Luk 24:51et factum est dum benediceret illis recessit ab eis et ferebatur in caelum

Luk 24:52

Luk 24:52et ipsi adorantes regressi sunt in Hierusalem cum gaudio magno

Luk 24:53

Luk 24:53et erant semper in templo laudantes et benedicentes Deum amen

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.