Lucam (Luke) 22 :: Latin Vulgate (VUL)

(Mat 26:1–5, 14–16; Mar 14:1, 2, 10, 11; Jhn 11:45–53 )

Luk 22:1

Luk 22:1adpropinquabat autem dies festus azymorum qui dicitur pascha

Luk 22:2

Luk 22:2et quaerebant principes sacerdotum et scribae quomodo eum interficerent timebant vero plebem

Luk 22:3

Luk 22:3intravit autem Satanas in Iudam qui cognominatur Scarioth unum de duodecim

Luk 22:4

Luk 22:4et abiit et locutus est cum principibus sacerdotum et magistratibus quemadmodum illum traderet eis

Luk 22:5

Luk 22:5et gavisi sunt et pacti sunt pecuniam illi dare

Luk 22:6

Luk 22:6et spopondit et quaerebat oportunitatem ut traderet illum sine turbis

Luk 22:7

Luk 22:7venit autem dies azymorum in qua necesse erat occidi pascha

Luk 22:8

Luk 22:8et misit Petrum et Iohannem dicens euntes parate nobis pascha ut manducemus

Luk 22:9

Luk 22:9at illi dixerunt ubi vis paremus

Luk 22:10

Luk 22:10et dixit ad eos ecce introeuntibus vobis in civitatem occurret vobis homo amphoram aquae portans sequimini eum in domum in qua intrat

Luk 22:11

Luk 22:11et dicetis patri familias domus dicit tibi magister ubi est diversorium ubi pascha cum discipulis meis manducem

Luk 22:12

Luk 22:12et ipse vobis ostendet cenaculum magnum stratum et ibi parate

Luk 22:13

Luk 22:13euntes autem invenerunt sicut dixit illis et paraverunt pascha

Luk 22:14

Luk 22:14et cum facta esset hora discubuit et duodecim apostoli cum eo

Luk 22:15

Luk 22:15et ait illis desiderio desideravi hoc pascha manducare vobiscum antequam patiar

Luk 22:16

Luk 22:16dico enim vobis quia ex hoc non manducabo illud donec impleatur in regno Dei

Luk 22:17

Luk 22:17et accepto calice gratias egit et dixit accipite et dividite inter vos

Luk 22:18

Luk 22:18dico enim vobis quod non bibam de generatione vitis donec regnum Dei veniat

Luk 22:19

Luk 22:19et accepto pane gratias egit et fregit et dedit eis dicens hoc est corpus meum quod pro vobis datur hoc facite in meam commemorationem

Luk 22:20

Luk 22:20similiter et calicem postquam cenavit dicens hic est calix novum testamentum in sanguine meo quod pro vobis funditur

Luk 22:21

Luk 22:21verumtamen ecce manus tradentis me mecum est in mensa

Luk 22:22

Luk 22:22et quidem Filius hominis secundum quod definitum est vadit verumtamen vae illi homini per quem traditur

Luk 22:23

Luk 22:23et ipsi coeperunt quaerere inter se quis esset ex eis qui hoc facturus esset

Luk 22:24

Luk 22:24facta est autem et contentio inter eos quis eorum videretur esse maior

Luk 22:25

Luk 22:25dixit autem eis reges gentium dominantur eorum et qui potestatem habent super eos benefici vocantur

Luk 22:26

Luk 22:26vos autem non sic sed qui maior est in vobis fiat sicut iunior et qui praecessor est sicut ministrator

Luk 22:27

Luk 22:27nam quis maior est qui recumbit an qui ministrat nonne qui recumbit ego autem in medio vestrum sum sicut qui ministrat

Luk 22:28

Luk 22:28vos autem estis qui permansistis mecum in temptationibus meis

Luk 22:29

Luk 22:29et ego dispono vobis sicut disposuit mihi Pater meus regnum

Luk 22:30

Luk 22:30ut edatis et bibatis super mensam meam in regno et sedeatis super thronos iudicantes duodecim tribus Israhel

(Mat 26:31–35; Mar 14:27–31; Jhn 13:36–38 )

Luk 22:31

Luk 22:31ait autem Dominus Simon Simon ecce Satanas expetivit vos ut cribraret sicut triticum

Luk 22:32

Luk 22:32ego autem rogavi pro te ut non deficiat fides tua et tu aliquando conversus confirma fratres tuos

Luk 22:33

Luk 22:33qui dixit ei Domine tecum paratus sum et in carcerem et in mortem ire

Luk 22:34

Luk 22:34et ille dixit dico tibi Petre non cantabit hodie gallus donec ter abneges nosse me

Luk 22:35

Luk 22:35et dixit eis quando misi vos sine sacculo et pera et calciamentis numquid aliquid defuit vobis at illi dixerunt nihil

Luk 22:36

Luk 22:36dixit ergo eis sed nunc qui habet sacculum tollat similiter et peram et qui non habet vendat tunicam suam et emat gladium

Luk 22:37

Luk 22:37dico enim vobis quoniam adhuc hoc quod scriptum est oportet impleri in me et quod cum iniustis deputatus est etenim ea quae sunt de me finem habent

Luk 22:38

Luk 22:38at illi dixerunt Domine ecce gladii duo hic at ille dixit eis satis est

(Mat 26:36–46; Mar 14:32–42; Jhn 18:1 )

Luk 22:39

Luk 22:39et egressus ibat secundum consuetudinem in montem Olivarum secuti sunt autem illum et discipuli

Luk 22:40

Luk 22:40et cum pervenisset ad locum dixit illis orate ne intretis in temptationem

Luk 22:41

Luk 22:41et ipse avulsus est ab eis quantum iactus est lapidis et positis genibus orabat

Luk 22:42

Luk 22:42dicens Pater si vis transfer calicem istum a me verumtamen non mea voluntas sed tua fiat

Luk 22:43

Luk 22:43apparuit autem illi angelus de caelo confortans eum et factus in agonia prolixius orabat

Luk 22:44

Luk 22:44et factus est sudor eius sicut guttae sanguinis decurrentis in terram

Luk 22:45

Luk 22:45et cum surrexisset ab oratione et venisset ad discipulos suos invenit eos dormientes prae tristitia

Luk 22:46

Luk 22:46et ait illis quid dormitis surgite orate ne intretis in temptationem

(Mat 26:47–56; Mar 14:43–52; Jhn 18:1–11 )

Luk 22:47

Luk 22:47adhuc eo loquente ecce turba et qui vocabatur Iudas unus de duodecim antecedebat eos et adpropinquavit Iesu ut oscularetur eum

Luk 22:48

Luk 22:48Iesus autem dixit ei Iuda osculo Filium hominis tradis

Luk 22:49

Luk 22:49videntes autem hii qui circa ipsum erant quod futurum erat dixerunt ei Domine si percutimus in gladio

Luk 22:50

Luk 22:50et percussit unus ex illis servum principis sacerdotum et amputavit auriculam eius dextram

Luk 22:51

Luk 22:51respondens autem Iesus ait sinite usque huc et cum tetigisset auriculam eius sanavit eum

Luk 22:52

Luk 22:52dixit autem Iesus ad eos qui venerant ad se principes sacerdotum et magistratus templi et seniores quasi ad latronem existis cum gladiis et fustibus

Luk 22:53

Luk 22:53cum cotidie vobiscum fuerim in templo non extendistis manus in me sed haec est hora vestra et potestas tenebrarum

(Mat 26:69–75; Mar 14:66–72; Jhn 18:13–18, 25–27 )

Luk 22:54

Luk 22:54conprehendentes autem eum duxerunt ad domum principis sacerdotum Petrus vero sequebatur a longe

Luk 22:55

Luk 22:55accenso autem igni in medio atrio et circumsedentibus illis erat Petrus in medio eorum

Luk 22:56

Luk 22:56quem cum vidisset ancilla quaedam sedentem ad lumen et eum fuisset intuita dixit et hic cum illo erat

Luk 22:57

Luk 22:57at ille negavit eum dicens mulier non novi illum

Luk 22:58

Luk 22:58et post pusillum alius videns eum dixit et tu de illis es Petrus vero ait o homo non sum

Luk 22:59

Luk 22:59et intervallo facto quasi horae unius alius quidam adfirmabat dicens vere et hic cum illo erat nam et Galilaeus est

Luk 22:60

Luk 22:60et ait Petrus homo nescio quod dicis et continuo adhuc illo loquente cantavit gallus

Luk 22:61

Luk 22:61et conversus Dominus respexit Petrum et recordatus est Petrus verbi Domini sicut dixit quia priusquam gallus cantet ter me negabis

Luk 22:62

Luk 22:62et egressus foras Petrus flevit amare

(Mat 26:67, 68; Mar 14:65 )

Luk 22:63

Luk 22:63et viri qui tenebant illum inludebant ei caedentes

Luk 22:64

Luk 22:64et velaverunt eum et percutiebant faciem eius et interrogabant eum dicentes prophetiza quis est qui te percussit

Luk 22:65

Luk 22:65et alia multa blasphemantes dicebant in eum

(Mat 26:57–68; Mar 14:61–64; Jhn 18:12–14, 19–24 )

Luk 22:66

Luk 22:66et ut factus est dies convenerunt seniores plebis et principes sacerdotum et scribae et duxerunt illum in concilium suum dicentes si tu es Christus dic nobis

Luk 22:67

Luk 22:67et ait illis si vobis dixero non creditis mihi

Luk 22:68

Luk 22:68si autem et interrogavero non respondebitis mihi neque dimittetis

Luk 22:69

Luk 22:69ex hoc autem erit Filius hominis sedens a dextris virtutis Dei

Luk 22:70

Luk 22:70dixerunt autem omnes tu ergo es Filius Dei qui ait vos dicitis quia ego sum

Luk 22:71

Luk 22:71at illi dixerunt quid adhuc desideramus testimonium ipsi enim audivimus de ore eius

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.