Lucam (Luke) 21 :: Latin Vulgate (VUL)

(Mar 12:41–44 )

Luk 21:1respiciens autem vidit eos qui mittebant munera sua in gazofilacium divites

Luk 21:2vidit autem et quandam viduam pauperculam mittentem aera minuta duo

Luk 21:3et dixit vere dico vobis quia vidua haec pauper plus quam omnes misit

Luk 21:4nam omnes hii ex abundanti sibi miserunt in munera Dei haec autem ex eo quod deest illi omnem victum suum quem habuit misit

(Mat 24:1, 2; Mar 13:1, 2 )

Luk 21:5

Luk 21:5et quibusdam dicentibus de templo quod lapidibus bonis et donis ornatum esset dixit

Luk 21:6

Luk 21:6haec quae videtis venient dies in quibus non relinquetur lapis super lapidem qui non destruatur

(Mat 24:3–14; Mar 13:3–13 )

Luk 21:7

Luk 21:7interrogaverunt autem illum dicentes praeceptor quando haec erunt et quod signum cum fieri incipient

Luk 21:8

Luk 21:8qui dixit videte ne seducamini multi enim venient in nomine meo dicentes quia ego sum et tempus adpropinquavit nolite ergo ire post illos

Luk 21:9

Luk 21:9cum autem audieritis proelia et seditiones nolite terreri oportet primum haec fieri sed non statim finis

Luk 21:10

Luk 21:10tunc dicebat illis surget gens contra gentem et regnum adversus regnum

Luk 21:11

Luk 21:11terraemotus magni erunt per loca et pestilentiae et fames terroresque de caelo et signa magna erunt

Luk 21:12

Luk 21:12sed ante haec omnia inicient vobis manus suas et persequentur tradentes in synagogas et custodias trahentes ad reges et praesides propter nomen meum

Luk 21:13

Luk 21:13continget autem vobis in testimonium

Luk 21:14

Luk 21:14ponite ergo in cordibus vestris non praemeditari quemadmodum respondeatis

Luk 21:15

Luk 21:15ego enim dabo vobis os et sapientiam cui non poterunt resistere et contradicere omnes adversarii vestri

Luk 21:16

Luk 21:16trademini autem a parentibus et fratribus et cognatis et amicis et morte adficient ex vobis

Luk 21:17

Luk 21:17et eritis odio omnibus propter nomen meum

Luk 21:18

Luk 21:18et capillus de capite vestro non peribit

Luk 21:19

Luk 21:19in patientia vestra possidebitis animas vestras

(Mat 24:15–28; Mar 13:14–23 )

Luk 21:20

Luk 21:20cum autem videritis circumdari ab exercitu Hierusalem tunc scitote quia adpropinquavit desolatio eius

Luk 21:21

Luk 21:21tunc qui in Iudaea sunt fugiant in montes et qui in medio eius discedant et qui in regionibus non intrent in eam

Luk 21:22

Luk 21:22quia dies ultionis hii sunt ut impleantur omnia quae scripta sunt

Luk 21:23

Luk 21:23vae autem praegnatibus et nutrientibus in illis diebus erit enim pressura magna supra terram et ira populo huic

Luk 21:24

Luk 21:24et cadent in ore gladii et captivi ducentur in omnes gentes et Hierusalem calcabitur a gentibus donec impleantur tempora nationum

(Mat 24:29–31; Mar 13:24–27 )

Luk 21:25

Luk 21:25et erunt signa in sole et luna et stellis et in terris pressura gentium prae confusione sonitus maris et fluctuum

Luk 21:26

Luk 21:26arescentibus hominibus prae timore et expectatione quae supervenient universo orbi nam virtutes caelorum movebuntur

Luk 21:27

Luk 21:27et tunc videbunt Filium hominis venientem in nube cum potestate magna et maiestate

Luk 21:28

Luk 21:28his autem fieri incipientibus respicite et levate capita vestra quoniam adpropinquat redemptio vestra

(Mat 24:32–35; Mar 13:28–31 )

Luk 21:29

Luk 21:29et dixit illis similitudinem videte ficulneam et omnes arbores

Luk 21:30

Luk 21:30cum producunt iam ex se fructum scitis quoniam prope est aestas

Luk 21:31

Luk 21:31ita et vos cum videritis haec fieri scitote quoniam prope est regnum Dei

Luk 21:32

Luk 21:32amen dico vobis quia non praeteribit generatio haec donec omnia fiant

Luk 21:33

Luk 21:33caelum et terra transibunt verba autem mea non transient

(Mat 24:36–44; Mar 13:32–37 )

Luk 21:34

Luk 21:34adtendite autem vobis ne forte graventur corda vestra in crapula et ebrietate et curis huius vitae et superveniat in vos repentina dies illa

Luk 21:35

Luk 21:35tamquam laqueus enim superveniet in omnes qui sedent super faciem omnis terrae

Luk 21:36

Luk 21:36vigilate itaque omni tempore orantes ut digni habeamini fugere ista omnia quae futura sunt et stare ante Filium hominis

Luk 21:37

Luk 21:37erat autem diebus docens in templo noctibus vero exiens morabatur in monte qui vocatur Oliveti

Luk 21:38

Luk 21:38et omnis populus manicabat ad eum in templo audire eum

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Luke Chapter 21 — Additional Translations:

King James Version New King James Version New Living Translation New International Version English Standard Version Christian Standard Bible New American Standard Bible 2020 New American Standard Bible 1995 Legacy Standard Bible Amplified Bible New English Translation Revised Standard Version American Standard Version Young's Literal Translation Darby Translation Webster's Bible Hebrew Names Version Morphological Greek New Testament Textus Receptus Smith Van Dyck Arabic Bible Open New Arabic Version Reina Valera 1909 Reina-Valera 1960 Bible in Basic English Chinese Traditional Union Espanol Moderno Korean Holy Bible Louis Segond German Luther Russian Synodal Translation Sagradas Escrituras

Lucam (Luke) 21 :: Latin Vulgate (VUL)

Luke Chapter 21 — Additional Translations:

Did You Know BLB Is User Supported?