Previous Chapter Full Page Full Page Next Chapter

Lucam (Luke) 20 :: Latin Vulgate (VUL)

Luk 20:1

Luk 20:1et factum est in una dierum docente illo populum in templo et evangelizante convenerunt principes sacerdotum et scribae cum senioribus

Luk 20:2

Luk 20:2et aiunt dicentes ad illum dic nobis in qua potestate haec facis aut quis est qui dedit tibi hanc potestatem

Luk 20:3

Luk 20:3respondens autem dixit ad illos interrogabo vos et ego verbum respondete mihi

Luk 20:4

Luk 20:4baptismum Iohannis de caelo erat an ex hominibus

Luk 20:5

Luk 20:5at illi cogitabant inter se dicentes quia si dixerimus de caelo dicet quare ergo non credidistis illi

Luk 20:6

Luk 20:6si autem dixerimus ex hominibus plebs universa lapidabit nos certi sunt enim Iohannem prophetam esse

Luk 20:7

Luk 20:7et responderunt se nescire unde esset

Luk 20:8

Luk 20:8et Iesus ait illis neque ego dico vobis in qua potestate haec facio

Luk 20:9

Luk 20:9coepit autem dicere ad plebem parabolam hanc homo plantavit vineam et locavit eam colonis et ipse peregre fuit multis temporibus

Luk 20:10

Luk 20:10et in tempore misit ad cultores servum ut de fructu vineae darent illi qui caesum dimiserunt eum inanem

Luk 20:11

Luk 20:11et addidit alterum servum mittere illi autem hunc quoque caedentes et adficientes contumelia dimiserunt inanem

Luk 20:12

Luk 20:12et addidit tertium mittere qui et illum vulnerantes eiecerunt

Luk 20:13

Luk 20:13dixit autem dominus vineae quid faciam mittam filium meum dilectum forsitan cum hunc viderint verebuntur

Luk 20:14

Luk 20:14quem cum vidissent coloni cogitaverunt inter se dicentes hic est heres occidamus illum ut nostra fiat hereditas

Luk 20:15

Luk 20:15et eiectum illum extra vineam occiderunt quid ergo faciet illis dominus vineae

Luk 20:16

Luk 20:16veniet et perdet colonos istos et dabit vineam aliis quo audito dixerunt illi absit

Luk 20:17

Luk 20:17ille autem aspiciens eos ait quid est ergo hoc quod scriptum est lapidem quem reprobaverunt aedificantes hic factus est in caput anguli

Luk 20:18

Luk 20:18omnis qui ceciderit supra illum lapidem conquassabitur supra quem autem ceciderit comminuet illum

Luk 20:19

Luk 20:19et quaerebant principes sacerdotum et scribae mittere in illum manus illa hora et timuerunt populum cognoverunt enim quod ad ipsos dixerit similitudinem istam

Luk 20:20

Luk 20:20et observantes miserunt insidiatores qui se iustos simularent ut caperent eum in sermone et traderent illum principatui et potestati praesidis

Luk 20:21

Luk 20:21et interrogaverunt illum dicentes magister scimus quia recte dicis et doces et non accipis personam sed in veritate viam Dei doces

Luk 20:22

Luk 20:22licet nobis dare tributum Caesari an non

Luk 20:23

Luk 20:23considerans autem dolum illorum dixit ad eos quid me temptatis

Luk 20:24

Luk 20:24ostendite mihi denarium cuius habet imaginem et inscriptionem respondentes dixerunt Caesaris

Luk 20:25

Luk 20:25et ait illis reddite ergo quae Caesaris sunt Caesari et quae Dei sunt Deo

Luk 20:26

Luk 20:26et non potuerunt verbum eius reprehendere coram plebe et mirati in responso eius tacuerunt

Luk 20:27

Luk 20:27accesserunt autem quidam Sadducaeorum qui negant esse resurrectionem et interrogaverunt eum

Luk 20:28

Luk 20:28dicentes magister Moses scripsit nobis si frater alicuius mortuus fuerit habens uxorem et hic sine filiis fuerit ut accipiat eam frater eius uxorem et suscitet semen fratri suo

Luk 20:29

Luk 20:29septem ergo fratres erant et primus accepit uxorem et mortuus est sine filiis

Luk 20:30

Luk 20:30et sequens accepit illam et ipse mortuus est sine filio

Luk 20:31

Luk 20:31et tertius accepit illam similiter et omnes septem et non reliquerunt semen et mortui sunt

Luk 20:32

Luk 20:32novissima omnium mortua est et mulier

Luk 20:33

Luk 20:33in resurrectione ergo cuius eorum erit uxor siquidem septem habuerunt eam uxorem

Luk 20:34

Luk 20:34et ait illis Iesus filii saeculi huius nubunt et traduntur ad nuptias

Luk 20:35

Luk 20:35illi autem qui digni habebuntur saeculo illo et resurrectione ex mortuis neque nubunt neque ducunt uxores

Luk 20:36

Luk 20:36neque enim ultra mori poterunt aequales enim angelis sunt et filii sunt Dei cum sint filii resurrectionis

Luk 20:37

Luk 20:37quia vero resurgant mortui et Moses ostendit secus rubum sicut dicit Dominum Deum Abraham et Deum Isaac et Deum Iacob

Luk 20:38

Luk 20:38Deus autem non est mortuorum sed vivorum omnes enim vivunt ei

Luk 20:39

Luk 20:39respondentes autem quidam scribarum dixerunt magister bene dixisti

Luk 20:40

Luk 20:40et amplius non audebant eum quicquam interrogare

Luk 20:41

Luk 20:41dixit autem ad illos quomodo dicunt Christum Filium David esse

Luk 20:42

Luk 20:42et ipse David dicit in libro Psalmorum dixit Dominus Domino meo sede a dextris meis

Luk 20:43

Luk 20:43donec ponam inimicos tuos scabillum pedum tuorum

Luk 20:44

Luk 20:44David ergo Dominum illum vocat et quomodo filius eius est

Luk 20:45

Luk 20:45audiente autem omni populo dixit discipulis suis

Luk 20:46

Luk 20:46adtendite a scribis qui volunt ambulare in stolis et amant salutationes in foro et primas cathedras in synagogis et primos discubitus in conviviis

Luk 20:47

Luk 20:47qui devorant domos viduarum simulantes longam orationem hii accipient damnationem maiorem
Translation Copyright Logo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Luke Chapter 20 — Additional Translations:

King James Version New King James Version New Living Translation New International Version English Standard Version Christian Standard Bible New American Standard Bible 2020 New American Standard Bible 1995 Legacy Standard Bible Amplified Bible New English Translation Revised Standard Version American Standard Version Young's Literal Translation Darby Translation Webster's Bible Hebrew Names Version Morphological Greek New Testament Textus Receptus Smith Van Dyck Arabic Bible Open New Arabic Version Reina Valera 1909 Reina-Valera 1960 Bible in Basic English Chinese Traditional Union Espanol Moderno Korean Holy Bible Louis Segond German Luther Russian Synodal Translation Sagradas Escrituras