Lucam (Luke) 2 :: Latin Vulgate (VUL)

(Mat 1:18–25 )

Luk 2:1factum est autem in diebus illis exiit edictum a Caesare Augusto ut describeretur universus orbis

Luk 2:2haec descriptio prima facta est praeside Syriae Cyrino

Luk 2:3et ibant omnes ut profiterentur singuli in suam civitatem

Luk 2:4ascendit autem et Ioseph a Galilaea de civitate Nazareth in Iudaeam civitatem David quae vocatur Bethleem eo quod esset de domo et familia David

Luk 2:5

Luk 2:5ut profiteretur cum Maria desponsata sibi uxore praegnate

Luk 2:6

Luk 2:6factum est autem cum essent ibi impleti sunt dies ut pareret

Luk 2:7

Luk 2:7et peperit filium suum primogenitum et pannis eum involvit et reclinavit eum in praesepio quia non erat eis locus in diversorio

Luk 2:8

Luk 2:8et pastores erant in regione eadem vigilantes et custodientes vigilias noctis supra gregem suum

Luk 2:9

Luk 2:9et ecce angelus Domini stetit iuxta illos et claritas Dei circumfulsit illos et timuerunt timore magno

Luk 2:10

Luk 2:10et dixit illis angelus nolite timere ecce enim evangelizo vobis gaudium magnum quod erit omni populo

Luk 2:11

Luk 2:11quia natus est vobis hodie salvator qui est Christus Dominus in civitate David

Luk 2:12

Luk 2:12et hoc vobis signum invenietis infantem pannis involutum et positum in praesepio

Luk 2:13

Luk 2:13et subito facta est cum angelo multitudo militiae caelestis laudantium Deum et dicentium

Luk 2:14

Luk 2:14gloria in altissimis Deo et in terra pax in hominibus bonae voluntatis

Luk 2:15

Luk 2:15et factum est ut discesserunt ab eis angeli in caelum pastores loquebantur ad invicem transeamus usque Bethleem et videamus hoc verbum quod factum est quod fecit Dominus et ostendit nobis

Luk 2:16

Luk 2:16et venerunt festinantes et invenerunt Mariam et Ioseph et infantem positum in praesepio

Luk 2:17

Luk 2:17videntes autem cognoverunt de verbo quod dictum erat illis de puero hoc

Luk 2:18

Luk 2:18et omnes qui audierunt mirati sunt et de his quae dicta erant a pastoribus ad ipsos

Luk 2:19

Luk 2:19Maria autem conservabat omnia verba haec conferens in corde suo

Luk 2:20

Luk 2:20et reversi sunt pastores glorificantes et laudantes Deum in omnibus quae audierant et viderant sicut dictum est ad illos

Luk 2:21

Luk 2:21et postquam consummati sunt dies octo ut circumcideretur vocatum est nomen eius Iesus quod vocatum est ab angelo priusquam in utero conciperetur

Luk 2:22

Luk 2:22et postquam impleti sunt dies purgationis eius secundum legem Mosi tulerunt illum in Hierusalem ut sisterent eum Domino

Luk 2:23

Luk 2:23sicut scriptum est in lege Domini quia omne masculinum adaperiens vulvam sanctum Domino vocabitur

Luk 2:24

Luk 2:24et ut darent hostiam secundum quod dictum est in lege Domini par turturum aut duos pullos columbarum

Luk 2:25

Luk 2:25et ecce homo erat in Hierusalem cui nomen Symeon et homo iste iustus et timoratus expectans consolationem Israhel et Spiritus Sanctus erat in eo

Luk 2:26

Luk 2:26et responsum acceperat ab Spiritu Sancto non visurum se mortem nisi prius videret Christum Domini

Luk 2:27

Luk 2:27et venit in Spiritu in templum et cum inducerent puerum Iesum parentes eius ut facerent secundum consuetudinem legis pro eo

Luk 2:28

Luk 2:28et ipse accepit eum in ulnas suas et benedixit Deum et dixit

Luk 2:29

Luk 2:29nunc dimittis servum tuum Domine secundum verbum tuum in pace

Luk 2:30

Luk 2:30quia viderunt oculi mei salutare tuum

Luk 2:31

Luk 2:31quod parasti ante faciem omnium populorum

Luk 2:32

Luk 2:32lumen ad revelationem gentium et gloriam plebis tuae Israhel

Luk 2:33

Luk 2:33et erat pater eius et mater mirantes super his quae dicebantur de illo

Luk 2:34

Luk 2:34et benedixit illis Symeon et dixit ad Mariam matrem eius ecce positus est hic in ruinam et resurrectionem multorum in Israhel et in signum cui contradicetur

Luk 2:35

Luk 2:35et tuam ipsius animam pertransiet gladius ut revelentur ex multis cordibus cogitationes

Luk 2:36

Luk 2:36et erat Anna prophetissa filia Phanuhel de tribu Aser haec processerat in diebus multis et vixerat cum viro suo annis septem a virginitate sua

Luk 2:37

Luk 2:37et haec vidua usque ad annos octoginta quattuor quae non discedebat de templo ieiuniis et obsecrationibus serviens nocte ac die

Luk 2:38

Luk 2:38et haec ipsa hora superveniens confitebatur Domino et loquebatur de illo omnibus qui expectabant redemptionem Hierusalem

Luk 2:39

Luk 2:39et ut perfecerunt omnia secundum legem Domini reversi sunt in Galilaeam in civitatem suam Nazareth

Luk 2:40

Luk 2:40puer autem crescebat et confortabatur plenus sapientia et gratia Dei erat in illo

Luk 2:41

Luk 2:41et ibant parentes eius per omnes annos in Hierusalem in die sollemni paschae

Luk 2:42

Luk 2:42et cum factus esset annorum duodecim ascendentibus illis in Hierosolymam secundum consuetudinem diei festi

Luk 2:43

Luk 2:43consummatisque diebus cum redirent remansit puer Iesus in Hierusalem et non cognoverunt parentes eius

Luk 2:44

Luk 2:44existimantes autem illum esse in comitatu venerunt iter diei et requirebant eum inter cognatos et notos

Luk 2:45

Luk 2:45et non invenientes regressi sunt in Hierusalem requirentes eum

Luk 2:46

Luk 2:46et factum est post triduum invenerunt illum in templo sedentem in medio doctorum audientem illos et interrogantem

Luk 2:47

Luk 2:47stupebant autem omnes qui eum audiebant super prudentia et responsis eius

Luk 2:48

Luk 2:48et videntes admirati sunt et dixit mater eius ad illum fili quid fecisti nobis sic ecce pater tuus et ego dolentes quaerebamus te

Luk 2:49

Luk 2:49et ait ad illos quid est quod me quaerebatis nesciebatis quia in his quae Patris mei sunt oportet me esse

Luk 2:50

Luk 2:50et ipsi non intellexerunt verbum quod locutus est ad illos

Luk 2:51

Luk 2:51et descendit cum eis et venit Nazareth et erat subditus illis et mater eius conservabat omnia verba haec in corde suo

Luk 2:52

Luk 2:52et Iesus proficiebat sapientia aetate et gratia apud Deum et homines

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Luke Chapter 2 — Additional Translations:

King James Version New King James Version New Living Translation New International Version English Standard Version Christian Standard Bible New American Standard Bible 2020 New American Standard Bible 1995 Legacy Standard Bible Amplified Bible New English Translation Revised Standard Version American Standard Version Young's Literal Translation Darby Translation Webster's Bible Hebrew Names Version Morphological Greek New Testament Textus Receptus Smith Van Dyck Arabic Bible Open New Arabic Version Reina Valera 1909 Reina-Valera 1960 Bible in Basic English Chinese Traditional Union Espanol Moderno Korean Holy Bible Louis Segond German Luther Russian Synodal Translation Sagradas Escrituras

Lucam (Luke) 2 :: Latin Vulgate (VUL)

Luke Chapter 2 — Additional Translations:

Did You Know BLB Is User Supported?