Lucam (Luke) 17 :: Latin Vulgate (VUL)

(Mat 18:6, 7; Mar 9:42 )

Luk 17:1et ad discipulos suos ait inpossibile est ut non veniant scandala vae autem illi per quem veniunt

Luk 17:2utilius est illi si lapis molaris inponatur circa collum eius et proiciatur in mare quam ut scandalizet unum de pusillis istis

Luk 17:3

Luk 17:3adtendite vobis si peccaverit frater tuus increpa illum et si paenitentiam egerit dimitte illi

Luk 17:4

Luk 17:4et si septies in die peccaverit in te et septies in die conversus fuerit ad te dicens paenitet me dimitte illi

(Mat 17:19–21; Mar 9:28, 29 )

Luk 17:5

Luk 17:5et dixerunt apostoli Domino adauge nobis fidem

Luk 17:6

Luk 17:6dixit autem Dominus si haberetis fidem sicut granum sinapis diceretis huic arbori moro eradicare et transplantare in mare et oboediret vobis

Luk 17:7

Luk 17:7quis autem vestrum habens servum arantem aut pascentem qui regresso de agro dicet illi statim transi recumbe

Luk 17:8

Luk 17:8et non dicet ei para quod cenem et praecinge te et ministra mihi donec manducem et bibam et post haec tu manducabis et bibes

Luk 17:9

Luk 17:9numquid gratiam habet servo illi quia fecit quae sibi imperaverat non puto

Luk 17:10

Luk 17:10sic et vos cum feceritis omnia quae praecepta sunt vobis dicite servi inutiles sumus quod debuimus facere fecimus

Luk 17:11

Luk 17:11et factum est dum iret in Hierusalem transiebat per mediam Samariam et Galilaeam

Luk 17:12

Luk 17:12et cum ingrederetur quoddam castellum occurrerunt ei decem viri leprosi qui steterunt a longe

Luk 17:13

Luk 17:13et levaverunt vocem dicentes Iesu praeceptor miserere nostri

Luk 17:14

Luk 17:14quos ut vidit dixit ite ostendite vos sacerdotibus et factum est dum irent mundati sunt

Luk 17:15

Luk 17:15unus autem ex illis ut vidit quia mundatus est regressus est cum magna voce magnificans Deum

Luk 17:16

Luk 17:16et cecidit in faciem ante pedes eius gratias agens et hic erat Samaritanus

Luk 17:17

Luk 17:17respondens autem Iesus dixit nonne decem mundati sunt et novem ubi sunt

Luk 17:18

Luk 17:18non est inventus qui rediret et daret gloriam Deo nisi hic alienigena

Luk 17:19

Luk 17:19et ait illi surge vade quia fides tua te salvum fecit

(Gen 6:5—8:22; 19:12–14 )

Luk 17:20

Luk 17:20interrogatus autem a Pharisaeis quando venit regnum Dei respondit eis et dixit non venit regnum Dei cum observatione

Luk 17:21

Luk 17:21neque dicent ecce hic aut ecce illic ecce enim regnum Dei intra vos est

Luk 17:22

Luk 17:22et ait ad discipulos venient dies quando desideretis videre unum diem Filii hominis et non videbitis

Luk 17:23

Luk 17:23et dicent vobis ecce hic ecce illic nolite ire neque sectemini

Luk 17:24

Luk 17:24nam sicut fulgur coruscans de sub caelo in ea quae sub caelo sunt fulget ita erit Filius hominis in die sua

Luk 17:25

Luk 17:25primum autem oportet illum multa pati et reprobari a generatione hac

Luk 17:26

Luk 17:26et sicut factum est in diebus Noe ita erit et in diebus Filii hominis

Luk 17:27

Luk 17:27edebant et bibebant uxores ducebant et dabantur ad nuptias usque in diem qua intravit Noe in arcam et venit diluvium et perdidit omnes

Luk 17:28

Luk 17:28similiter sicut factum est in diebus Loth edebant et bibebant emebant et vendebant plantabant aedificabant

Luk 17:29

Luk 17:29qua die autem exiit Loth a Sodomis pluit ignem et sulphur de caelo et omnes perdidit

Luk 17:30

Luk 17:30secundum haec erit qua die Filius hominis revelabitur

Luk 17:31

Luk 17:31in illa hora qui fuerit in tecto et vasa eius in domo ne descendat tollere illa et qui in agro similiter non redeat retro

Luk 17:32

Luk 17:32memores estote uxoris Loth

Luk 17:33

Luk 17:33quicumque quaesierit animam suam salvare perdet illam et qui perdiderit illam vivificabit eam

Luk 17:34

Luk 17:34dico vobis illa nocte erunt duo in lecto uno unus adsumetur et alter relinquetur

Luk 17:35

Luk 17:35duae erunt molentes in unum una adsumetur et altera relinquetur duo in agro unus adsumetur et alter relinquetur

Luk 17:36

Luk 17:36respondentes dicunt illi ubi Domine

Luk 17:37

Luk 17:37qui dixit eis ubicumque fuerit corpus illuc congregabuntur aquilae

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.