Leviticus (Leviticus) 9 :: Latin Vulgate (VUL)

Lev 9:1facto autem octavo die vocavit Moses Aaron et filios eius ac maiores natu Israhel dixitque ad Aaron

Lev 9:2tolle de armento vitulum pro peccato et arietem in holocaustum utrumque inmaculatos et offer illos coram Domino

Lev 9:3et ad filios Israhel loqueris tollite hircum pro peccato et vitulum atque agnum anniculos et sine macula in holocaustum

Lev 9:4

Lev 9:4bovem et arietem pro pacificis et immolate eos coram Domino in sacrificio singulorum similam oleo conspersam offerentes hodie enim Dominus apparebit vobis

Lev 9:5

Lev 9:5tulerunt ergo cuncta quae iusserat Moses ad ostium tabernaculi ubi cum omnis staret multitudo

Lev 9:6

Lev 9:6ait Moses iste est sermo quem praecepit Dominus facite et apparebit vobis gloria eius

Lev 9:7

Lev 9:7dixit et ad Aaron accede ad altare et immola pro peccato tuo offer holocaustum et deprecare pro te et pro populo cumque mactaveris hostiam populi ora pro eo sicut praecepit Dominus

Lev 9:8

Lev 9:8statimque Aaron accedens ad altare immolavit vitulum pro peccato suo

Lev 9:9

Lev 9:9cuius sanguinem obtulerunt ei filii sui in quo tinguens digitum tetigit cornua altaris et fudit residuum ad basim eius

Lev 9:10

Lev 9:10adipemque et renunculos ac reticulum iecoris quae sunt pro peccato adolevit super altare sicut praeceperat Dominus Mosi

Lev 9:11

Lev 9:11carnes vero et pellem eius extra castra conbusit igni

Lev 9:12

Lev 9:12immolavit et holocausti victimam obtuleruntque ei filii sui sanguinem eius quem fudit per altaris circuitum

Lev 9:13

Lev 9:13ipsam etiam hostiam in frusta concisam cum capite et membris singulis obtulerunt quae omnia super altare cremavit igni

Lev 9:14

Lev 9:14lotis prius aqua intestinis et pedibus

Lev 9:15

Lev 9:15et pro peccato populi offerens mactavit hircum expiatoque altari

Lev 9:16

Lev 9:16fecit holocaustum

Lev 9:17

Lev 9:17addens in sacrificio libamenta quae pariter offeruntur et adolens ea super altare absque caerimoniis holocausti matutini

Lev 9:18

Lev 9:18immolavit et bovem atque arietem hostias pacificas populi obtuleruntque ei filii sui sanguinem quem fudit super altare in circuitu

Lev 9:19

Lev 9:19adipes autem bovis et caudam arietis renunculosque cum adipibus suis et reticulum iecoris

Lev 9:20

Lev 9:20posuerunt super pectora cumque cremati essent adipes in altari

Lev 9:21

Lev 9:21pectora eorum et armos dextros separavit Aaron elevans coram Domino sicut praeceperat Moses

Lev 9:22

Lev 9:22et tendens manum contra populum benedixit eis sicque conpletis hostiis pro peccato et holocaustis et pacificis descendit

Lev 9:23

Lev 9:23ingressi autem Moses et Aaron tabernaculum testimonii et deinceps egressi benedixerunt populo apparuitque gloria Domini omni multitudini

Lev 9:24

Lev 9:24et ecce egressus ignis a Domino devoravit holocaustum et adipes qui erant super altare quod cum vidissent turbae laudaverunt Dominum ruentes in facies suas

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.