Leviticus (Leviticus) 4 :: Latin Vulgate (VUL)

Lev 4:1locutusque est Dominus ad Mosen dicens

Lev 4:2loquere filiis Israhel anima cum peccaverit per ignorantiam et de universis mandatis Domini quae praecepit ut non fierent quippiam fecerit

Lev 4:3

Lev 4:3si sacerdos qui est unctus peccaverit delinquere faciens populum offeret pro peccato suo vitulum inmaculatum Domino

Lev 4:4

Lev 4:4et adducet illum ad ostium tabernaculi testimonii coram Domino ponetque manum super caput eius et immolabit eum Domino

Lev 4:5

Lev 4:5hauriet quoque de sanguine vituli inferens illud in tabernaculum testimonii

Lev 4:6

Lev 4:6cumque intinxerit digitum in sanguinem asperget eo septies coram Domino contra velum sanctuarii

Lev 4:7

Lev 4:7ponetque de eodem sanguine super cornua altaris thymiamatis gratissimi Domino quod est in tabernaculo testimonii omnem autem reliquum sanguinem fundet in basim altaris holocausti in introitu tabernaculi

Lev 4:8

Lev 4:8et adipem vituli auferet pro peccato tam eum qui operit vitalia quam omnia quae intrinsecus sunt

Lev 4:9

Lev 4:9duos renunculos et reticulum quod est super eos iuxta ilia et adipem iecoris cum renunculis

Lev 4:10

Lev 4:10sicut aufertur de vitulo hostiae pacificorum et adolebit ea super altare holocausti

Lev 4:11

Lev 4:11pellem vero et omnes carnes cum capite et pedibus et intestinis et fimo

Lev 4:12

Lev 4:12et reliquo corpore efferet extra castra in locum mundum ubi cineres effundi solent incendetque ea super lignorum struem quae in loco effusorum cinerum cremabuntur

Lev 4:13

Lev 4:13quod si omnis turba Israhel ignoraverit et per inperitiam fecerit quod contra mandatum Domini est

Lev 4:14

Lev 4:14et postea intellexerit peccatum suum offeret vitulum pro peccato adducetque eum ad ostium tabernaculi

Lev 4:15

Lev 4:15et ponent seniores populi manus super caput eius coram Domino immolatoque vitulo in conspectu Domini

Lev 4:16

Lev 4:16inferet sacerdos qui unctus est de sanguine eius in tabernaculum testimonii

Lev 4:17

Lev 4:17tincto digito aspergens septies contra velum

Lev 4:18

Lev 4:18ponetque de eodem sanguine in cornibus altaris quod est coram Domino in tabernaculo testimonii reliquum autem sanguinem fundet iuxta basim altaris holocaustorum quod est in ostio tabernaculi testimonii

Lev 4:19

Lev 4:19omnemque eius adipem tollet et adolebit super altare

Lev 4:20

Lev 4:20sic faciens et de hoc vitulo quomodo fecit et prius et rogante pro eis sacerdote propitius erit Dominus

Lev 4:21

Lev 4:21ipsum autem vitulum efferet extra castra atque conburet sicut et priorem vitulum quia pro peccato est multitudinis

Lev 4:22

Lev 4:22si peccaverit princeps et fecerit unum e pluribus per ignorantiam quod Domini lege prohibetur

Lev 4:23

Lev 4:23et postea intellexerit peccatum suum offeret hostiam Domino hircum de capris inmaculatum

Lev 4:24

Lev 4:24ponetque manum suam super caput eius cumque immolaverit eum in loco ubi solet mactari holocaustum coram Domino quia pro peccato est

Lev 4:25

Lev 4:25tinguet sacerdos digitum in sanguine hostiae pro peccato tangens cornua altaris holocausti et reliquum fundens ad basim eius

Lev 4:26

Lev 4:26adipem vero adolebit supra sicut in victimis pacificorum fieri solet rogabitque pro eo et pro peccato eius ac dimittetur ei

Lev 4:27

Lev 4:27quod si peccaverit anima per ignorantiam de populo terrae ut faciat quicquam ex his quae Domini lege prohibentur atque delinquat

Lev 4:28

Lev 4:28et cognoverit peccatum suum offeret capram inmaculatam

Lev 4:29

Lev 4:29ponetque manum super caput hostiae quae pro peccato est et immolabit eam in loco holocausti

Lev 4:30

Lev 4:30tolletque sacerdos de sanguine in digito suo et tangens cornua altaris holocausti reliquum fundet ad basim eius

Lev 4:31

Lev 4:31omnem autem auferens adipem sicut auferri solet de victimis pacificorum adolebit super altare in odorem suavitatis Domino rogabitque pro eo et dimittetur ei

Lev 4:32

Lev 4:32sin autem de pecoribus obtulerit victimam pro peccato ovem scilicet inmaculatam

Lev 4:33

Lev 4:33ponet manum super caput eius et immolabit eam in loco ubi solent holocaustorum caedi hostiae

Lev 4:34

Lev 4:34sumetque sacerdos de sanguine eius digito suo et tangens cornua altaris holocausti reliquum fundet ad basim eius

Lev 4:35

Lev 4:35omnem quoque auferens adipem sicut auferri solet adeps arietis qui immolatur pro pacificis et cremabit super altare in incensum Domini rogabitque pro eo et pro peccato eius et dimittetur illi

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Leviticus Chapter 4 — Additional Translations:

King James Version New King James Version New Living Translation New International Version English Standard Version Christian Standard Bible New American Standard Bible 2020 New American Standard Bible 1995 Legacy Standard Bible Amplified Bible New English Translation Revised Standard Version American Standard Version Young's Literal Translation Darby Translation Webster's Bible Hebrew Names Version Westminster Leningrad Codex Septuagint Smith Van Dyck Arabic Bible Open New Arabic Version Brenton's English Septuagint Reina Valera 1909 Reina-Valera 1960 Bible in Basic English Chinese Traditional Union Espanol Moderno Korean Holy Bible Louis Segond German Luther Russian Synodal Translation Sagradas Escrituras

Leviticus (Leviticus) 4 :: Latin Vulgate (VUL)

Leviticus Chapter 4 — Additional Translations:

Did You Know BLB Is User Supported?