Leviticus (Leviticus) 25 (VUL) - locutusque est Dominus ad Mosen

¶

Lev 25:1locutusque est Dominus ad Mosen in monte Sinai dicens

Lev 25:2loquere filiis Israhel et dices ad eos quando ingressi fueritis terram quam ego dabo vobis sabbatizet sabbatum Domini

Lev 25:3

Lev 25:3sex annis seres agrum tuum et sex annis putabis vineam tuam colligesque fructus eius

Lev 25:4

Lev 25:4septimo autem anno sabbatum erit terrae requietionis Domini agrum non seres et vineam non putabis

Lev 25:5

Lev 25:5quae sponte gignit humus non metes et uvas primitiarum tuarum non colliges quasi vindemiam annus enim requietionis terrae est

Lev 25:6

Lev 25:6sed erunt vobis in cibum tibi et servo tuo ancillae et mercennario tuo et advenae qui peregrinantur apud te

Lev 25:7

Lev 25:7iumentis tuis et pecoribus omnia quae nascuntur praebebunt cibum

Lev 25:8

¶

Lev 25:8numerabis quoque tibi septem ebdomades annorum id est septem septies quae simul faciunt annos quadraginta novem

Lev 25:9

Lev 25:9et clanges bucina mense septimo decima die mensis propitiationis tempore in universa terra vestra

Lev 25:10

Lev 25:10sanctificabisque annum quinquagesimum et vocabis remissionem cunctis habitatoribus terrae tuae ipse est enim iobeleus revertetur homo ad possessionem suam et unusquisque rediet ad familiam pristinam

Lev 25:11

Lev 25:11quia iobeleus est et quinquagesimus annus non seretis neque metetis sponte in agro nascentia et primitias vindemiae non colligetis

Lev 25:12

Lev 25:12ob sanctificationem iobelei sed statim ablata comedetis

Lev 25:13

¶

Lev 25:13anno iobelei redient omnes ad possessiones suas

Lev 25:14

Lev 25:14quando vendes quippiam civi tuo vel emes ab eo ne contristes fratrem tuum sed iuxta numerum annorum iobelei emes ab eo

Lev 25:15

Lev 25:15et iuxta supputationem frugum vendet tibi

Lev 25:16

Lev 25:16quanto plus anni remanserint post iobeleum tanto crescet et pretium et quanto minus temporis numeraveris tanto minoris et emptio constabit tempus enim frugum vendet tibi

Lev 25:17

Lev 25:17nolite adfligere contribules vestros sed timeat unusquisque Deum suum quia ego Dominus Deus vester

Lev 25:18

¶

Lev 25:18facite praecepta mea et iudicia custodite et implete ea ut habitare possitis in terra absque ullo pavore

Lev 25:19

Lev 25:19et gignat vobis humus fructus suos quibus vescamini usque ad saturitatem nullius impetum formidantes

Lev 25:20

¶

Lev 25:20quod si dixeritis quid comedemus anno septimo si non seruerimus neque collegerimus fruges nostras

Lev 25:21

Lev 25:21dabo benedictionem meam vobis anno sexto et faciet fructus trium annorum

Lev 25:22

Lev 25:22seretisque anno octavo et comedetis veteres fruges usque ad nonum annum donec nova nascantur edetis vetera

Lev 25:23

¶

Lev 25:23terra quoque non veniet in perpetuum quia mea est et vos advenae et coloni mei estis

Lev 25:24

Lev 25:24unde cuncta regio possessionis vestrae sub redemptionis condicione vendetur

Lev 25:25

¶

Lev 25:25si adtenuatus frater tuus vendiderit possessiunculam suam et voluerit propinquus eius potest redimere quod ille vendiderat

Lev 25:26

Lev 25:26sin autem non habuerit proximum et ipse pretium ad redimendum potuerit invenire

Lev 25:27

Lev 25:27conputabuntur fructus ex eo tempore quo vendidit et quod reliquum est reddet emptori sicque recipiet possessionem suam

Lev 25:28

Lev 25:28quod si non invenerit manus eius ut reddat pretium habebit emptor quod emerat usque ad annum iobeleum in ipso enim omnis venditio redit ad dominum et ad possessorem pristinum

Lev 25:29

¶

Lev 25:29qui vendiderit domum intra urbis muros habebit licentiam redimendi donec unus impleatur annus

Lev 25:30

Lev 25:30si non redemerit et anni circulus fuerit evolutus emptor possidebit eam et posteri eius in perpetuum et redimi non poterit etiam in iobeleo

Lev 25:31

Lev 25:31sin autem in villa fuerit domus quae muros non habet agrorum iure vendetur si ante redempta non fuerit in iobeleo revertetur ad dominum

Lev 25:32

Lev 25:32aedes Levitarum quae in urbibus sunt semper possunt redimi

Lev 25:33

Lev 25:33si redemptae non fuerint in iobeleo revertentur ad dominos quia domus urbium leviticarum pro possessionibus sunt inter filios Israhel

Lev 25:34

Lev 25:34suburbana autem eorum non venient quia possessio sempiterna est

Lev 25:35

¶

Lev 25:35si adtenuatus fuerit frater tuus et infirmus manu et susceperis eum quasi advenam et peregrinum et vixerit tecum

Lev 25:36

Lev 25:36ne accipias usuras ab eo nec amplius quam dedisti time Deum tuum ut vivere possit frater tuus apud te

Lev 25:37

Lev 25:37pecuniam tuam non dabis ei ad usuram et frugum superabundantiam non exiges

Lev 25:38

Lev 25:38ego Dominus Deus vester qui eduxi vos de terra Aegypti ut darem vobis terram Chanaan et essem vester Deus

Lev 25:39

¶

Lev 25:39si paupertate conpulsus vendiderit se tibi frater tuus non eum opprimes servitute famulorum

Lev 25:40

Lev 25:40sed quasi mercennarius et colonus erit usque ad annum iobeleum operabitur apud te

Lev 25:41

Lev 25:41et postea egredietur cum liberis suis et revertetur ad cognationem et ad possessionem patrum suorum

Lev 25:42

Lev 25:42mei enim servi sunt et ego eduxi eos de terra Aegypti non venient condicione servorum

Lev 25:43

Lev 25:43ne adfligas eum per potentiam sed metuito Deum tuum

Lev 25:44

Lev 25:44servus et ancilla sint vobis de nationibus quae in circuitu vestro sunt

Lev 25:45

Lev 25:45et de advenis qui peregrinantur apud vos vel qui ex his nati fuerint in terra vestra hos habebitis famulos

Lev 25:46

Lev 25:46et hereditario iure transmittetis ad posteros ac possidebitis in aeternum fratres autem vestros filios Israhel ne opprimatis per potentiam

Lev 25:47

¶

Lev 25:47si invaluerit apud vos manus advenae atque peregrini et adtenuatus frater tuus vendiderit se ei aut cuiquam de stirpe eius

Lev 25:48

Lev 25:48post venditionem potest redimi qui voluerit ex fratribus suis redimet eum

Lev 25:49

Lev 25:49et patruus et patruelis et consanguineus et adfinis sin autem et ipse potuerit redimet se

Lev 25:50

Lev 25:50supputatis dumtaxat annis a tempore venditionis suae usque ad annum iobeleum et pecunia qua venditus fuerat iuxta annorum numerum et rationem mercennarii supputata

Lev 25:51

Lev 25:51si plures fuerint anni qui remanent usque ad iobeleum secundum hos reddet et pretium

Lev 25:52

Lev 25:52si pauci ponet rationem cum eo iuxta annorum numerum et reddet emptori quod reliquum est annorum

Lev 25:53

Lev 25:53quibus ante servivit mercedibus inputatis non adfliget eum violenter in conspectu tuo

Lev 25:54

Lev 25:54quod si per haec redimi non potuerit anno iobeleo egredietur cum liberis suis

Lev 25:55

Lev 25:55mei sunt enim servi filii Israhel quos eduxi de terra Aegypti

Leviticus (Leviticus) 25 :: Latin Vulgate (VUL)