Lamentationes (Lamentations) 5 :: Latin Vulgate (VUL)

Lam 5:1

Lam 5:1recordare Domine quid acciderit nobis intuere et respice obprobrium nostrum

Lam 5:2

Lam 5:2hereditas nostra versa est ad alienos domus nostrae ad extraneos

Lam 5:3

Lam 5:3pupilli facti sumus absque patre matres nostrae quasi viduae

Lam 5:4

Lam 5:4aquam nostram pecunia bibimus ligna nostra pretio conparavimus

Lam 5:5

Lam 5:5cervicibus minabamur lassis non dabatur requies

Lam 5:6

Lam 5:6Aegypto dedimus manum et Assyriis ut saturaremur pane

Lam 5:7

Lam 5:7patres nostri peccaverunt et non sunt et nos iniquitates eorum portavimus

Lam 5:8

Lam 5:8servi dominati sunt nostri non fuit qui redimeret de manu eorum

Lam 5:9

Lam 5:9in animabus nostris adferebamus panem nobis a facie gladii in deserto

Lam 5:10

Lam 5:10pellis nostra quasi clibanus exusta est a facie tempestatum famis

Lam 5:11

Lam 5:11mulieres in Sion humiliaverunt virgines in civitatibus Iuda

Lam 5:12

Lam 5:12principes manu suspensi sunt facies senum non erubuerunt

Lam 5:13

Lam 5:13adulescentibus inpudice abusi sunt et pueri in ligno corruerunt

Lam 5:14

Lam 5:14senes de portis defecerunt iuvenes de choro psallentium

Lam 5:15

Lam 5:15defecit gaudium cordis nostri versus est in luctu chorus noster

Lam 5:16

Lam 5:16cecidit corona capitis nostri vae nobis quia peccavimus

Lam 5:17

Lam 5:17propterea maestum factum est cor nostrum ideo contenebrati sunt oculi nostri

Lam 5:18

Lam 5:18propter montem Sion quia disperiit vulpes ambulaverunt in eo

Lam 5:19

Lam 5:19tu autem Domine in aeternum permanebis solium tuum in generatione et generatione

Lam 5:20

Lam 5:20quare in perpetuum oblivisceris nostri derelinques nos in longitudinem dierum

Lam 5:21

Lam 5:21converte nos Domine ad te et convertemur innova dies nostros sicut a principio

Lam 5:22

Lam 5:22sed proiciens reppulisti nos iratus es contra nos vehementer

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.