Previous Chapter Full Page Full Page Next Chapter

Lamentationes (Lamentations) 3 :: Latin Vulgate (VUL)

Lam 3:1

ΒΆ
Lam 3:1ALEPH ego vir videns paupertatem meam in virga indignationis eius

Lam 3:2

Lam 3:2ALEPH me minavit et adduxit in tenebris et non in lucem

Lam 3:3

Lam 3:3ALEPH tantum in me vertit et convertit manum suam tota die

Lam 3:4

Lam 3:4BETH vetustam fecit pellem meam et carnem meam contrivit ossa mea

Lam 3:5

Lam 3:5BETH aedificavit in gyro meo et circumdedit me felle et labore

Lam 3:6

Lam 3:6BETH in tenebrosis conlocavit me quasi mortuos sempiternos

Lam 3:7

Lam 3:7GIMEL circumaedificavit adversum me ut non egrediar adgravavit conpedem meam

Lam 3:8

Lam 3:8GIMEL sed et cum clamavero et rogavero exclusit orationem meam

Lam 3:9

Lam 3:9GIMEL conclusit vias meas lapidibus quadris semitas meas subvertit

Lam 3:10

Lam 3:10DELETH ursus insidians factus est mihi leo in absconditis

Lam 3:11

Lam 3:11DELETH semitas meas subvertit et confregit me posuit me desolatam

Lam 3:12

Lam 3:12DELETH tetendit arcum suum et posuit me quasi signum ad sagittam

Lam 3:13

Lam 3:13HE misit in renibus meis filias faretrae suae

Lam 3:14

Lam 3:14HE factus sum in derisu omni populo meo canticum eorum tota die

Lam 3:15

Lam 3:15HE replevit me amaritudinibus inebriavit me absinthio

Lam 3:16

Lam 3:16VAV et fregit ad numerum dentes meos cibavit me cinere

Lam 3:17

Lam 3:17VAV et repulsa est anima mea oblitus sum bonorum

Lam 3:18

Lam 3:18VAV et dixi periit finis meus et spes mea a Domino

Lam 3:19

Lam 3:19ZAI recordare paupertatis et transgressionis meae absinthii et fellis

Lam 3:20

Lam 3:20ZAI memoria memor ero et tabescet in me anima mea

Lam 3:21

Lam 3:21ZAI hoc recolens in corde meo ideo sperabo

Lam 3:22

Lam 3:22HETH misericordiae Domini quia non sumus consumpti quia non defecerunt miserationes eius

Lam 3:23

Lam 3:23HETH novae diluculo multa est fides tua

Lam 3:24

Lam 3:24HETH pars mea Dominus dixit anima mea propterea expectabo eum

Lam 3:25

Lam 3:25TETH bonus est Dominus sperantibus in eum animae quaerenti illum

Lam 3:26

Lam 3:26TETH bonum est praestolari cum silentio salutare Domini

Lam 3:27

Lam 3:27TETH bonum est viro cum portaverit iugum ab adulescentia sua

Lam 3:28

Lam 3:28IOTH sedebit solitarius et tacebit quia levavit super se

Lam 3:29

Lam 3:29IOTH ponet in pulvere os suum si forte sit spes

Lam 3:30

Lam 3:30IOTH dabit percutienti se maxillam saturabitur obprobriis

Lam 3:31

Lam 3:31CAPH quia non repellet in sempiternum Dominus

Lam 3:32

Lam 3:32CAPH quia si abiecit et miserebitur secundum multitudinem misericordiarum suarum

Lam 3:33

Lam 3:33CAPH non enim humiliavit ex corde suo et abiecit filios hominis

Lam 3:34

Lam 3:34LAMED ut contereret sub pedibus suis omnes vinctos terrae

Lam 3:35

Lam 3:35LAMED ut declinaret iudicium viri in conspectu vultus Altissimi

Lam 3:36

Lam 3:36LAMED ut perverteret hominem in iudicio suo Dominus ignoravit

Lam 3:37

Lam 3:37MEM quis est iste qui dixit ut fieret Domino non iubente

Lam 3:38

Lam 3:38MEM ex ore Altissimi non egredientur nec mala nec bona

Lam 3:39

Lam 3:39MEM quid murmuravit homo vivens vir pro peccatis suis

Lam 3:40

Lam 3:40NUN scrutemur vias nostras et quaeramus et revertamur ad Dominum

Lam 3:41

Lam 3:41NUN levemus corda nostra cum manibus ad Dominum in caelos

Lam 3:42

Lam 3:42NUN nos inique egimus et ad iracundiam provocavimus idcirco tu inexorabilis es

Lam 3:43

Lam 3:43SAMECH operuisti in furore et percussisti nos occidisti nec pepercisti

Lam 3:44

Lam 3:44SAMECH opposuisti nubem tibi ne transeat oratio

Lam 3:45

Lam 3:45SAMECH eradicationem et abiectionem posuisti me in medio populorum

Lam 3:46

Lam 3:46FE aperuerunt super nos os suum omnes inimici

Lam 3:47

Lam 3:47FE formido et laqueus facta est nobis vaticinatio et contritio

Lam 3:48

Lam 3:48FE divisiones aquarum deduxit oculus meus in contritione filiae populi mei

Lam 3:49

Lam 3:49AIN oculus meus adflictus est nec tacuit eo quod non esset requies

Lam 3:50

Lam 3:50AIN donec respiceret et videret Dominus de caelis

Lam 3:51

Lam 3:51AIN oculus meus depraedatus est animam meam in cunctis filiabus urbis meae

Lam 3:52

Lam 3:52SADE venatione ceperunt me quasi avem inimici mei gratis

Lam 3:53

Lam 3:53SADE lapsa est in lacu vita mea et posuerunt lapidem super me

Lam 3:54

Lam 3:54SADE inundaverunt aquae super caput meum dixi perii

Lam 3:55

Lam 3:55COPH invocavi nomen tuum Domine de lacis novissimis

Lam 3:56

Lam 3:56COPH vocem meam audisti ne avertas aurem tuam a singultu meo et clamoribus

Lam 3:57

Lam 3:57COPH adpropinquasti in die quando invocavi te dixisti ne timeas

Lam 3:58

Lam 3:58RES iudicasti Domine causam animae meae redemptor vitae meae

Lam 3:59

Lam 3:59RES vidisti Domine iniquitatem adversum me iudica iudicium meum

Lam 3:60

Lam 3:60RES vidisti omnem furorem universas cogitationes eorum adversum me

Lam 3:61

Lam 3:61SEN audisti obprobria eorum Domine omnes cogitationes eorum adversum me

Lam 3:62

Lam 3:62SEN labia insurgentium mihi et meditationes eorum adversum me tota die

Lam 3:63

Lam 3:63SEN sessionem eorum et resurrectionem eorum vide ego sum psalmus eorum

Lam 3:64

Lam 3:64THAU reddes eis vicem Domine iuxta opera manuum suarum

Lam 3:65

Lam 3:65THAU dabis eis scutum cordis laborem tuum

Lam 3:66

Lam 3:66THAU persequeris in furore et conteres eos sub caelis Domine
Translation Copyright Logo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Translations available: King James Version, New King James Version, New Living Translation, New International Version, English Standard Version, Christian Standard Bible, New American Standard Bible 2020, New American Standard Bible 1995, Legacy Standard Bible 2021, New English Translation, Revised Standard Version, American Standard Version, Young's Literal Translation, Darby Translation, Webster's Bible, Hebrew Names Version, Reina-Valera 1960, Latin Vulgate, Westminster Leningrad Codex, Septuagint, Morphological Greek New Testament, and Textus Receptus.