Josue (Joshua) 5 :: Latin Vulgate (VUL)

Jos 5:1

Jos 5:1postquam ergo audierunt omnes reges Amorreorum qui habitabant trans Iordanem ad occidentalem plagam et cuncti reges Chanaan qui propinqua possidebant Magno mari loca quod siccasset Dominus fluenta Iordanis coram filiis Israhel donec transirent dissolutum est cor eorum et non remansit in eis spiritus timentium introitum filiorum Israhel

Jos 5:2

Jos 5:2eo tempore ait Dominus ad Iosue fac tibi cultros lapideos et circumcide secundo filios Israhel

Jos 5:3

Jos 5:3fecit quod iusserat Dominus et circumcidit filios Israhel in colle Praeputiorum

Jos 5:4

Jos 5:4haec autem causa est secundae circumcisionis omnis populus qui egressus est ex Aegypto generis masculini universi bellatores viri mortui sunt in deserto per longissimos viae circuitus

Jos 5:5

Jos 5:5qui omnes circumcisi erant populus autem qui natus est in deserto

Jos 5:6

Jos 5:6per quadraginta annos itineris latissimae solitudinis incircumcisus fuit donec consumerentur qui non audierant vocem Domini et quibus ante iuraverat ut ostenderet eis terram lacte et melle manantem

Jos 5:7

Jos 5:7horum filii in locum successerunt patrum et circumcisi sunt ab Iosue quia sicut nati fuerant in praeputio erant nec eos in via aliquis circumciderat

Jos 5:8

Jos 5:8postquam autem omnes circumcisi sunt manserunt in eodem castrorum loco donec sanarentur

Jos 5:9

Jos 5:9dixitque Dominus ad Iosue hodie abstuli obprobrium Aegypti a vobis vocatumque est nomen loci illius Galgala usque in praesentem diem

Jos 5:10

Jos 5:10manseruntque filii Israhel in Galgalis et fecerunt phase quartadecima die mensis ad vesperum in campestribus Hiericho

Jos 5:11

Jos 5:11et comederunt de frugibus terrae die altero azymos panes et pulentam eiusdem anni

Jos 5:12

Jos 5:12defecitque manna postquam comederunt de frugibus terrae nec usi sunt ultra illo cibo filii Israhel sed comederunt de frugibus praesentis anni terrae Chanaan

Jos 5:13

Jos 5:13cum autem esset Iosue in agro urbis Hiericho levavit oculos et vidit virum stantem contra se et evaginatum tenentem gladium perrexitque ad eum et ait noster es an adversariorum

Jos 5:14

Jos 5:14qui respondit nequaquam sed sum princeps exercitus Domini et nunc venio [Vulgate 5:15] cecidit Iosue pronus in terram et adorans ait quid dominus meus loquitur ad servum suum

Jos 5:15

Jos 5:15[Vulgate 5:16] solve inquit calciamentum de pedibus tuis locus enim in quo stas sanctus est fecitque Iosue ut sibi fuerat imperatum

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.