Jonæ (Jonah) 3 :: Latin Vulgate (VUL)

Jon 3:1et factum est verbum Domini ad Ionam secundo dicens

Jon 3:2surge vade ad Nineven civitatem magnam et praedica in ea praedicationem quam ego loquor ad te

Jon 3:3et surrexit Iona et abiit in Nineven iuxta verbum Domini et Nineve erat civitas magna Dei itinere dierum trium

Jon 3:4et coepit Iona introire in civitatem itinere diei unius et clamavit et dixit adhuc quadraginta dies et Nineve subvertetur

Jon 3:5

Jon 3:5et crediderunt viri ninevitae in Deo et praedicaverunt ieiunium et vestiti sunt saccis a maiore usque ad minorem

Jon 3:6

Jon 3:6et pervenit verbum ad regem Nineve et surrexit de solio suo et abiecit vestimentum suum a se et indutus est sacco et sedit in cinere

Jon 3:7

Jon 3:7et clamavit et dixit in Nineve ex ore regis et principum eius dicens homines et iumenta et boves et pecora non gustent quicquam nec pascantur et aquam non bibant

Jon 3:8

Jon 3:8et operiantur saccis homines et iumenta et clament ad Dominum in fortitudine et convertatur vir a via sua mala et ab iniquitate quae est in manibus eorum

Jon 3:9

Jon 3:9quis scit si convertatur et ignoscat Deus et revertatur a furore irae suae et non peribimus

Jon 3:10

Jon 3:10et vidit Deus opera eorum quia conversi sunt a via sua mala et misertus est Deus super malitiam quam locutus fuerat ut faceret eis et non fecit

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.