Jonæ (Jonah) 1 :: Latin Vulgate (VUL)

Jon 1:1et factum est verbum Domini ad Ionam filium Amathi dicens

Jon 1:2surge vade in Nineven civitatem grandem et praedica in ea quia ascendit malitia eius coram me

Jon 1:3et surrexit Iona ut fugeret in Tharsis a facie Domini et descendit Ioppen et invenit navem euntem in Tharsis et dedit naulum eius et descendit in eam ut iret cum eis in Tharsis a facie Domini

Jon 1:4

Jon 1:4Dominus autem misit ventum magnum in mari et facta est tempestas magna in mari et navis periclitabatur conteri

Jon 1:5

Jon 1:5et timuerunt nautae et clamaverunt viri ad deum suum et miserunt vasa quae erant in navi in mare ut adleviaretur ab eis et Iona descendit ad interiora navis et dormiebat sopore gravi

Jon 1:6

Jon 1:6et accessit ad eum gubernator et dixit ei quid tu sopore deprimeris surge invoca Deum tuum si forte recogitet Deus de nobis et non pereamus

Jon 1:7

Jon 1:7et dixit vir ad collegam suum venite et mittamus sortes et sciamus quare hoc malum sit nobis et miserunt sortes et cecidit sors super Ionam

Jon 1:8

Jon 1:8et dixerunt ad eum indica nobis cuius causa malum istud sit nobis quod est opus tuum quae terra tua et quo vel ex quo populo es tu

Jon 1:9

Jon 1:9et dixit ad eos Hebraeus ego sum et Dominum Deum caeli ego timeo qui fecit mare et aridam

Jon 1:10

Jon 1:10et timuerunt viri timore magno et dixerunt ad eum quid hoc fecisti cognoverunt enim viri quod a facie Domini fugeret quia indicaverat eis

Jon 1:11

Jon 1:11et dixerunt ad eum quid faciemus tibi et cessabit mare a nobis quia mare ibat et intumescebat

Jon 1:12

Jon 1:12et dixit ad eos tollite me et mittite in mare et cessabit mare a vobis scio enim ego quoniam propter me tempestas grandis haec super vos

Jon 1:13

Jon 1:13et remigabant viri ut reverterentur ad aridam et non valebant quia mare ibat et intumescebat super eos

Jon 1:14

Jon 1:14et clamaverunt ad Dominum et dixerunt quaesumus Domine ne pereamus in anima viri istius et ne des super nos sanguinem innocentem quia tu Domine sicut voluisti fecisti

Jon 1:15

Jon 1:15et tulerunt Ionam et miserunt in mare et stetit mare a fervore suo

Jon 1:16

Jon 1:16et timuerunt viri timore magno Dominum et immolaverunt hostias Domino et voverunt vota

Jon 1:17

Jon 1:17[Vulgate 2:1] et praeparavit Dominus piscem grandem ut degluttiret Ionam et erat Iona in ventre piscis tribus diebus et tribus noctibus

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.