Job (Job) 7 :: Latin Vulgate (VUL)

Job 7:1

Job 7:1militia est vita hominis super terram et sicut dies mercennarii dies eius

Job 7:2

Job 7:2sicut servus desiderat umbram et sicut mercennarius praestolatur finem operis sui

Job 7:3

Job 7:3sic et ego habui menses vacuos et noctes laboriosas enumeravi mihi

Job 7:4

Job 7:4si dormiero dico quando consurgam et rursum expectabo vesperam et replebor doloribus usque ad tenebras

Job 7:5

Job 7:5induta est caro mea putredine et sordibus pulveris cutis mea aruit et contracta est

Job 7:6

Job 7:6dies mei velocius transierunt quam a texente tela succiditur et consumpti sunt absque ulla spe

Job 7:7

Job 7:7memento quia ventus est vita mea et non revertetur oculus meus ut videat bona

Job 7:8

Job 7:8nec aspiciet me visus hominis oculi tui in me et non subsistam

Job 7:9

Job 7:9sicut consumitur nubes et pertransit sic qui descenderit ad inferos non ascendet

Job 7:10

Job 7:10nec revertetur ultra in domum suam neque cognoscet eum amplius locus eius

Job 7:11

Job 7:11quapropter et ego non parcam ori meo loquar in tribulatione spiritus mei confabulabor cum amaritudine animae meae

Job 7:12

Job 7:12numquid mare sum ego aut cetus quia circumdedisti me carcere

Job 7:13

Job 7:13si dixero consolabitur me lectulus meus et relevabor loquens mecum in strato meo

Job 7:14

Job 7:14terrebis me per somnia et per visiones horrore concuties

Job 7:15

Job 7:15quam ob rem elegit suspendium anima mea et mortem ossa mea

Job 7:16

Job 7:16desperavi nequaquam ultra iam vivam parce mihi nihil enim sunt dies mei

Job 7:17

Job 7:17quid est homo quia magnificas eum aut quia ponis erga eum cor tuum

Job 7:18

Job 7:18visitas eum diluculo et subito probas illum

Job 7:19

Job 7:19usquequo non parces mihi nec dimittis me ut gluttiam salivam meam

Job 7:20

Job 7:20peccavi quid faciam tibi o custos hominum quare posuisti me contrarium tibi et factus sum mihimet ipsi gravis

Job 7:21

Job 7:21cur non tolles peccatum meum et quare non auferes iniquitatem meam ecce nunc in pulvere dormiam et si mane me quaesieris non subsistam

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.