Job (Job) 41 :: Latin Vulgate (VUL)

Job 41:1

Job 41:1[Vulgate 40:20] an extrahere poteris Leviathan hamo et fune ligabis linguam eius

Job 41:2

Job 41:2[Vulgate 40:21] numquid pones circulum in naribus eius et armilla perforabis maxillam eius

Job 41:3

Job 41:3[Vulgate 40:22] numquid multiplicabit ad te preces aut loquetur tibi mollia

Job 41:4

Job 41:4[Vulgate 40:23] numquid feriet tecum pactum et accipies eum servum sempiternum

Job 41:5

Job 41:5[Vulgate 40:24] numquid inludes ei quasi avi aut ligabis illum ancillis tuis

Job 41:6

Job 41:6[Vulgate 40:25] concident eum amici divident illum negotiatores

Job 41:7

Job 41:7[Vulgate 40:26] numquid implebis sagenas pelle eius et gurgustium piscium capite illius

Job 41:8

Job 41:8[Vulgate 40:27] pone super eum manum tuam memento belli nec ultra addas loqui

Job 41:9

Job 41:9[Vulgate 40:28] ecce spes eius frustrabitur eum et videntibus cunctis praecipitabitur

Job 41:10

Job 41:10[Vulgate 41:1] non quasi crudelis suscitabo eum quis enim resistere potest vultui meo

Job 41:11

Job 41:11[Vulgate 41:2] quis ante dedit mihi ut reddam ei omnia quae sub caelo sunt mea sunt

Job 41:12

Job 41:12[Vulgate 41:3] non parcam ei et verbis potentibus et ad deprecandum conpositis

Job 41:13

Job 41:13[Vulgate 41:4] quis revelavit faciem indumenti eius et in medium oris eius quis intrabit

Job 41:14

Job 41:14[Vulgate 41:5] portas vultus eius quis aperiet per gyrum dentium eius formido

Job 41:15

Job 41:15[Vulgate 41:6] corpus illius quasi scuta fusilia et conpactum squamis se prementibus

Job 41:16

Job 41:16[Vulgate 41:7] una uni coniungitur et ne spiraculum quidem incedit per eas

Job 41:17

Job 41:17[Vulgate 41:8] una alteri adherebunt et tenentes se nequaquam separabuntur

Job 41:18

Job 41:18[Vulgate 41:9] sternutatio eius splendor ignis et oculi eius ut palpebrae diluculi

Job 41:19

Job 41:19[Vulgate 41:10] de ore eius lampades procedunt sicut taedae ignis accensae

Job 41:20

Job 41:20[Vulgate 41:11] de naribus eius procedit fumus sicut ollae succensae atque ferventis

Job 41:21

Job 41:21[Vulgate 41:12] halitus eius prunas ardere facit et flamma de ore eius egreditur

Job 41:22

Job 41:22[Vulgate 41:13] in collo eius morabitur fortitudo et faciem eius praecedet egestas

Job 41:23

Job 41:23[Vulgate 41:14] membra carnium eius coherentia sibi mittet contra eum fulmina et ad locum alium non ferentur

Job 41:24

Job 41:24[Vulgate 41:15] cor eius indurabitur quasi lapis et stringetur quasi malleatoris incus

Job 41:25

Job 41:25[Vulgate 41:16] cum sublatus fuerit timebunt angeli et territi purgabuntur

Job 41:26

Job 41:26[Vulgate 41:17] cum adprehenderit eum gladius subsistere non poterit neque hasta neque torax

Job 41:27

Job 41:27[Vulgate 41:18] reputabit enim quasi paleas ferrum et quasi lignum putridum aes

Job 41:28

Job 41:28[Vulgate 41:19] non fugabit eum vir sagittarius in stipulam versi sunt ei lapides fundae

Job 41:29

Job 41:29[Vulgate 41:20] quasi stipulam aestimabit malleum et deridebit vibrantem hastam

Job 41:30

Job 41:30[Vulgate 41:21] sub ipso erunt radii solis sternet sibi aurum quasi lutum

Job 41:31

Job 41:31[Vulgate 41:22] fervescere faciet quasi ollam profundum mare ponet quasi cum unguenta bulliunt

Job 41:32

Job 41:32[Vulgate 41:23] post eum lucebit semita aestimabit abyssum quasi senescentem

Job 41:33

Job 41:33[Vulgate 41:24] non est super terram potestas quae conparetur ei qui factus est ut nullum timeret

Job 41:34

Job 41:34[Vulgate 41:25] omne sublime videt ipse est rex super universos filios superbiae

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.