Job (Job) 37 :: Latin Vulgate (VUL)

Job 37:1

Job 37:1super hoc expavit cor meum et emotum est de loco suo

Job 37:2

Job 37:2audite auditionem in terrore vocis eius et sonum de ore illius procedentem

Job 37:3

Job 37:3subter omnes caelos ipse considerat et lumen illius super terminos terrae

Job 37:4

Job 37:4post eum rugiet sonitus tonabit voce magnitudinis suae et non investigabitur cum audita fuerit vox eius

Job 37:5

Job 37:5tonabit Deus in voce sua mirabiliter qui facit magna et inscrutabilia

Job 37:6

Job 37:6qui praecipit nivi ut descendat in terram et hiemis pluviis et imbri fortitudinis suae

Job 37:7

Job 37:7qui in manu omnium hominum signat ut noverint singuli opera sua

Job 37:8

Job 37:8ingredietur bestia latibulum et in antro suo morabitur

Job 37:9

Job 37:9ab interioribus egreditur tempestas et ab Arcturo frigus

Job 37:10

Job 37:10flante Deo concrescit gelu et rursum latissimae funduntur aquae

Job 37:11

Job 37:11frumentum desiderat nubes et nubes spargunt lumen suum

Job 37:12

Job 37:12quae lustrant per circuitum quocumque eas voluntas gubernantis duxerit ad omne quod praeceperit illis super faciem orbis terrarum

Job 37:13

Job 37:13sive in una tribu sive in terra sua sive in quocumque loco misericordiae suae eas iusserit inveniri

Job 37:14

Job 37:14ausculta haec Iob sta et considera miracula Dei

Job 37:15

Job 37:15numquid scis quando praeceperit Deus pluviis ut ostenderent lucem nubium eius

Job 37:16

Job 37:16numquid nosti semitas nubium magnas et perfectas scientias

Job 37:17

Job 37:17nonne vestimenta tua calida sunt cum perflata fuerit terra austro

Job 37:18

Job 37:18tu forsitan cum eo fabricatus es caelos qui solidissimi quasi aere fusi sunt

Job 37:19

Job 37:19ostende nobis quid dicamus illi nos quippe involvimur tenebris

Job 37:20

Job 37:20quis narrabit ei quae loquor etiam si locutus fuerit homo devorabitur

Job 37:21

Job 37:21at nunc non vident lucem subito aer cogitur in nubes et ventus transiens fugabit eas

Job 37:22

Job 37:22ab aquilone aurum venit et ad Deum formidolosa laudatio

Job 37:23

Job 37:23digne eum invenire non possumus magnus fortitudine et iudicio et iustitia et enarrari non potest

Job 37:24

Job 37:24ideo timebunt eum viri et non audebunt contemplari omnes qui sibi videntur esse sapientes

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.