Job (Job) 35 :: Latin Vulgate (VUL)

Job 35:1

Job 35:1igitur Heliu haec rursum locutus est

Job 35:2

Job 35:2numquid aequa tibi videtur tua cogitatio ut diceres iustior Deo sum

Job 35:3

Job 35:3dixisti enim non tibi placet quod rectum est vel quid tibi proderit si ego peccavero

Job 35:4

Job 35:4itaque ego respondebo sermonibus tuis et amicis tuis tecum

Job 35:5

Job 35:5suspice caelum et intuere et contemplare aethera quod altior te sit

Job 35:6

Job 35:6si peccaveris quid ei nocebis et si multiplicatae fuerint iniquitates tuae quid facies contra eum

Job 35:7

Job 35:7porro si iuste egeris quid donabis ei aut quid de manu tua accipiet

Job 35:8

Job 35:8homini qui similis tui est nocebit impietas tua et filium hominis adiuvabit iustitia tua

Job 35:9

Job 35:9propter multitudinem calumniatorum clamabunt et heiulabunt propter vim brachii tyrannorum

Job 35:10

Job 35:10et non dixit ubi est Deus qui fecit me qui dedit carmina in nocte

Job 35:11

Job 35:11qui docet nos super iumenta terrae et super volucres caeli erudit nos

Job 35:12

Job 35:12ibi clamabunt et non exaudiet propter superbiam malorum

Job 35:13

Job 35:13non ergo frustra audiet Deus et Omnipotens singulorum causas intuebitur

Job 35:14

Job 35:14etiam cum dixeris non considerat iudicare coram eo et expecta eum

Job 35:15

Job 35:15nunc enim non infert furorem suum nec ulciscitur scelus valde

Job 35:16

Job 35:16ergo Iob frustra aperit os suum et absque scientia verba multiplicat

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.