Job (Job) 34 :: Latin Vulgate (VUL)

Job 34:1

Job 34:1pronuntians itaque Heliu etiam haec locutus est

Job 34:2

Job 34:2audite sapientes verba mea et eruditi auscultate me

Job 34:3

Job 34:3auris enim verba probat et guttur escas gustu diiudicat

Job 34:4

Job 34:4iudicium eligamus nobis et inter nos videamus quid sit melius

Job 34:5

Job 34:5quia dixit Iob iustus sum et Deus subvertit iudicium meum

Job 34:6

Job 34:6in iudicando enim me mendacium est violenta sagitta mea absque ullo peccato

Job 34:7

Job 34:7quis est vir ut est Iob qui bibit subsannationem quasi aquam

Job 34:8

Job 34:8qui graditur cum operantibus iniquitatem et ambulat cum viris impiis

Job 34:9

Job 34:9dixit enim non placebit vir Deo etiam si cucurrerit cum eo

Job 34:10

Job 34:10ideo viri cordati audite me absit a Deo impietas et ab Omnipotente iniquitas

Job 34:11

Job 34:11opus enim hominis reddet ei et iuxta vias singulorum restituet

Job 34:12

Job 34:12vere enim Deus non condemnabit frustra nec Omnipotens subvertet iudicium

Job 34:13

Job 34:13quem constituit alium super terram aut quem posuit super orbem quem fabricatus est

Job 34:14

Job 34:14si direxerit ad eum cor suum spiritum illius et flatum ad se trahet

Job 34:15

Job 34:15deficiet omnis caro simul et homo in cinerem revertetur

Job 34:16

Job 34:16si habes ergo intellectum audi quod dicitur et ausculta vocem eloquii mei

Job 34:17

Job 34:17numquid qui non amat iudicium sanare potest et quomodo tu eum qui iustus est in tantum condemnas

Job 34:18

Job 34:18qui dicit regi apostata qui vocat duces impios

Job 34:19

Job 34:19qui non accipit personas principum nec cognovit tyrannum cum disceptaret contra pauperem opus enim manuum eius sunt universi

Job 34:20

Job 34:20subito morientur et in media nocte turbabuntur populi et pertransibunt et auferent violentum absque manu

Job 34:21

Job 34:21oculi enim eius super vias hominum et omnes gressus eorum considerat

Job 34:22

Job 34:22non sunt tenebrae et non est umbra mortis ut abscondantur ibi qui operantur iniquitatem

Job 34:23

Job 34:23neque enim ultra in hominis potestate est ut veniat ad Deum in iudicium

Job 34:24

Job 34:24conteret multos innumerabiles et stare faciet alios pro eis

Job 34:25

Job 34:25novit enim opera eorum et idcirco inducet noctem et conterentur

Job 34:26

Job 34:26quasi impios percussit eos in loco videntium

Job 34:27

Job 34:27qui quasi de industria recesserunt ab eo et omnes vias eius intellegere noluerunt

Job 34:28

Job 34:28ut pervenire facerent ad eum clamorem egeni et audiret vocem pauperum

Job 34:29

Job 34:29ipso enim concedente pacem quis est qui condemnet ex quo absconderit vultum quis est qui contempletur eum et super gentem et super omnes homines

Job 34:30

Job 34:30qui regnare facit hominem hypocritam propter peccata populi

Job 34:31

Job 34:31quia ergo ego locutus sum ad Deum te quoque non prohibeo

Job 34:32

Job 34:32si erravi tu doce me si iniquitatem locutus sum ultra non addam

Job 34:33

Job 34:33numquid a te Deus expetit eam quia displicuit tibi tu enim coepisti loqui et non ego quod si quid nosti melius loquere

Job 34:34

Job 34:34viri intellegentes loquantur mihi et vir sapiens audiat me

Job 34:35

Job 34:35Iob autem stulte locutus est et verba illius non sonant disciplinam

Job 34:36

Job 34:36pater mi probetur Iob usque ad finem ne desinas in hominibus iniquitatis

Job 34:37

Job 34:37quia addit super peccata sua blasphemiam inter nos interim constringatur et tunc ad iudicium provocet sermonibus suis Deum

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.