Job (Job) 33 :: Latin Vulgate (VUL)

Job 33:1

Job 33:1audi igitur Iob eloquia mea et omnes sermones meos ausculta

Job 33:2

Job 33:2ecce aperui os meum loquatur lingua mea in faucibus meis

Job 33:3

Job 33:3simplici corde meo sermones mei et sententiam labia mea puram loquentur

Job 33:4

Job 33:4spiritus Dei fecit me et spiraculum Omnipotentis vivificavit me

Job 33:5

Job 33:5si potes responde mihi et adversus faciem meam consiste

Job 33:6

Job 33:6ecce et me sicut et te fecit Deus et de eodem luto ego quoque formatus sum

Job 33:7

Job 33:7verumtamen miraculum meum non te terreat et eloquentia mea non sit tibi gravis

Job 33:8

Job 33:8dixisti ergo in auribus meis et vocem verborum audivi

Job 33:9

Job 33:9mundus sum ego absque delicto inmaculatus et non est iniquitas in me

Job 33:10

Job 33:10quia querellas in me repperit ideo arbitratus est me inimicum sibi

Job 33:11

Job 33:11posuit in nervo pedes meos custodivit omnes semitas meas

Job 33:12

Job 33:12hoc est ergo in quo non es iustificatus respondebo tibi quia maior sit Deus homine

Job 33:13

Job 33:13adversum eum contendis quod non ad omnia verba responderit tibi

Job 33:14

Job 33:14semel loquitur Deus et secundo id ipsum non repetit

Job 33:15

Job 33:15per somnium in visione nocturna quando inruit sopor super homines et dormiunt in lectulo

Job 33:16

Job 33:16tunc aperit aures virorum et erudiens eos instruit disciplinam

Job 33:17

Job 33:17ut avertat hominem ab his quae facit et liberet eum de superbia

Job 33:18

Job 33:18eruens animam eius a corruptione et vitam illius ut non transeat in gladium

Job 33:19

Job 33:19increpat quoque per dolorem in lectulo et omnia ossa eius marcescere facit

Job 33:20

Job 33:20abominabilis ei fit in vita sua panis et animae illius cibus ante desiderabilis

Job 33:21

Job 33:21tabescet caro eius et ossa quae tecta fuerant nudabuntur

Job 33:22

Job 33:22adpropinquabit corruptioni anima eius et vita illius mortiferis

Job 33:23

Job 33:23si fuerit pro eo angelus loquens unum de milibus ut adnuntiet hominis aequitatem

Job 33:24

Job 33:24miserebitur eius et dicet libera eum et non descendat in corruptionem inveni in quo ei propitier

Job 33:25

Job 33:25consumpta est caro eius a suppliciis revertatur ad dies adulescentiae suae

Job 33:26

Job 33:26deprecabitur Deum et placabilis ei erit et videbit faciem eius in iubilo et reddet homini iustitiam suam

Job 33:27

Job 33:27respiciet homines et dicet peccavi et vere deliqui et ut eram dignus non recepi

Job 33:28

Job 33:28liberavit animam suam ne pergeret in interitum sed vivens lucem videret

Job 33:29

Job 33:29ecce haec omnia operatur Deus tribus vicibus per singulos

Job 33:30

Job 33:30ut revocet animas eorum a corruptione et inluminet luce viventium

Job 33:31

Job 33:31adtende Iob et audi me et tace dum ego loquar

Job 33:32

Job 33:32si autem habes quod loquaris responde mihi loquere volo enim te apparere iustum

Job 33:33

Job 33:33quod si non habes audi me tace et docebo te sapientiam

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.