Job (Job) 31 :: Latin Vulgate (VUL)

Job 31:1

Job 31:1pepigi foedus cum oculis meis ut ne cogitarem quidem de virgine

Job 31:2

Job 31:2quam enim partem haberet Deus in me desuper et hereditatem Omnipotens de excelsis

Job 31:3

Job 31:3numquid non perditio est iniquo et alienatio operantibus iniustitiam

Job 31:4

Job 31:4nonne ipse considerat vias meas et cunctos gressus meos dinumerat

Job 31:5

Job 31:5si ambulavi in vanitate et festinavit in dolo pes meus

Job 31:6

Job 31:6adpendat me in statera iusta et sciat Deus simplicitatem meam

Job 31:7

Job 31:7si declinavit gressus meus de via et si secutum est oculos meos cor meum et in manibus meis adhesit macula

Job 31:8

Job 31:8seram et alius comedat et progenies mea eradicetur

Job 31:9

Job 31:9si deceptum est cor meum super mulierem et si ad ostium amici mei insidiatus sum

Job 31:10

Job 31:10scortum sit alteri uxor mea et super illam incurventur alii

Job 31:11

Job 31:11hoc enim nefas est et iniquitas maxima

Job 31:12

Job 31:12ignis est usque ad perditionem devorans et omnia eradicans genimina

Job 31:13

Job 31:13si contempsi subire iudicium cum servo meo et ancillae meae cum disceptarent adversum me

Job 31:14

Job 31:14quid enim faciam cum surrexerit ad iudicandum Deus et cum quaesierit quid respondebo illi

Job 31:15

Job 31:15numquid non in utero fecit me qui et illum operatus est et formavit in vulva unus

Job 31:16

Job 31:16si negavi quod volebant pauperibus et oculos viduae expectare feci

Job 31:17

Job 31:17si comedi buccellam meam solus et non comedit pupillus ex ea

Job 31:18

Job 31:18quia ab infantia mea crevit mecum miseratio et de utero matris meae egressa est mecum

Job 31:19

Job 31:19si despexi pereuntem eo quod non habuerit indumentum et absque operimento pauperem

Job 31:20

Job 31:20si non benedixerunt mihi latera eius et de velleribus ovium mearum calefactus est

Job 31:21

Job 31:21si levavi super pupillum manum meam etiam cum viderem me in porta superiorem

Job 31:22

Job 31:22umerus meus a iunctura sua cadat et brachium meum cum suis ossibus confringatur

Job 31:23

Job 31:23semper enim quasi tumentes super me fluctus timui Deum et pondus eius ferre non potui

Job 31:24

Job 31:24si putavi aurum robur meum et obrizae dixi fiducia mea

Job 31:25

Job 31:25si laetatus sum super multis divitiis meis et quia plurima repperit manus mea

Job 31:26

Job 31:26si vidi solem cum fulgeret et lunam incedentem clare

Job 31:27

Job 31:27et lactatum est in abscondito cor meum et osculatus sum manum meam ore meo

Job 31:28

Job 31:28quae est iniquitas maxima et negatio contra Deum altissimum

Job 31:29

Job 31:29si gavisus sum ad ruinam eius qui me oderat et exultavi quod invenisset eum malum

Job 31:30

Job 31:30non enim dedi ad peccandum guttur meum ut expeterem maledicens animam eius

Job 31:31

Job 31:31si non dixerunt viri tabernaculi mei quis det de carnibus eius ut saturemur

Job 31:32

Job 31:32foris non mansit peregrinus ostium meum viatori patuit

Job 31:33

Job 31:33si abscondi quasi homo peccatum meum et celavi in sinu meo iniquitatem meam

Job 31:34

Job 31:34si expavi ad multitudinem nimiam et despectio propinquorum terruit me et non magis tacui nec egressus sum ostium

Job 31:35

Job 31:35quis mihi tribuat auditorem ut desiderium meum Omnipotens audiat et librum scribat ipse qui iudicat

Job 31:36

Job 31:36ut in umero meo portem illum et circumdem illum quasi coronam mihi

Job 31:37

Job 31:37per singulos gradus meos pronuntiabo illum et quasi principi offeram eum

Job 31:38

Job 31:38si adversum me terra mea clamat et cum ipsa sulci eius deflent

Job 31:39

Job 31:39si fructus eius comedi absque pecunia et animam agricolarum eius adflixi

Job 31:40

Job 31:40pro frumento oriatur mihi tribulus et pro hordeo spina finita sunt verba Iob

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.