Previous Chapter Full Page Full Page Next Chapter

Job (Job) 28 :: Latin Vulgate (VUL)

Job 28:1

ΒΆ
Job 28:1habet argentum venarum suarum principia et auro locus est in quo conflatur

Job 28:2

Job 28:2ferrum de terra tollitur et lapis solutus calore in aes vertitur

Job 28:3

Job 28:3tempus posuit tenebris et universorum finem ipse considerat lapidem quoque caliginis et umbram mortis

Job 28:4

Job 28:4dividit torrens a populo peregrinante eos quos oblitus est pes egentis hominum et invios

Job 28:5

Job 28:5terra de qua oriebatur panis in loco suo igne subversa est

Job 28:6

Job 28:6locus sapphyri lapides eius et glebae illius aurum

Job 28:7

Job 28:7semitam ignoravit avis nec intuitus est oculus vulturis

Job 28:8

Job 28:8non calcaverunt eam filii institorum nec pertransivit per eam leaena

Job 28:9

Job 28:9ad silicem extendit manum suam subvertit a radicibus montes

Job 28:10

Job 28:10in petris rivos excidit et omne pretiosum vidit oculus eius

Job 28:11

Job 28:11profunda quoque fluviorum scrutatus est et abscondita produxit in lucem

Job 28:12

Job 28:12sapientia vero ubi invenitur et quis est locus intellegentiae

Job 28:13

Job 28:13nescit homo pretium eius nec invenitur in terra suaviter viventium

Job 28:14

Job 28:14abyssus dicit non est in me et mare loquitur non est mecum

Job 28:15

Job 28:15non dabitur aurum obrizum pro ea nec adpendetur argentum in commutatione eius

Job 28:16

Job 28:16non conferetur tinctis Indiae coloribus nec lapidi sardonico pretiosissimo vel sapphyro

Job 28:17

Job 28:17non adaequabitur ei aurum vel vitrum nec commutabuntur pro ea vasa auri

Job 28:18

Job 28:18excelsa et eminentia non memorabuntur conparatione eius trahitur autem sapientia de occultis

Job 28:19

Job 28:19non adaequabitur ei topazium de Aethiopia nec tincturae mundissimae conponetur

Job 28:20

Job 28:20unde ergo sapientia veniet et quis est locus intellegentiae

Job 28:21

Job 28:21abscondita est ab oculis omnium viventium volucres quoque caeli latet

Job 28:22

Job 28:22perditio et mors dixerunt auribus nostris audivimus famam eius

Job 28:23

Job 28:23Deus intellegit viam eius et ipse novit locum illius

Job 28:24

Job 28:24ipse enim fines mundi intuetur et omnia quae sub caelo sunt respicit

Job 28:25

Job 28:25qui fecit ventis pondus et aquas adpendit mensura

Job 28:26

Job 28:26quando ponebat pluviis legem et viam procellis sonantibus

Job 28:27

Job 28:27tunc vidit illam et enarravit et praeparavit et investigavit

Job 28:28

Job 28:28et dixit homini ecce timor Domini ipsa est sapientia et recedere a malo intellegentia
Translation Copyright Logo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Translations available: King James Version, New King James Version, New Living Translation, New International Version, English Standard Version, Christian Standard Bible, New American Standard Bible 2020, New American Standard Bible 1995, Legacy Standard Bible 2021, New English Translation, Revised Standard Version, American Standard Version, Young's Literal Translation, Darby Translation, Webster's Bible, Hebrew Names Version, Reina-Valera 1960, Latin Vulgate, Westminster Leningrad Codex, Septuagint, Morphological Greek New Testament, and Textus Receptus.