Job (Job) 23 :: Latin Vulgate (VUL)

Job 23:1

Job 23:1respondens autem Iob dixit

Job 23:2

Job 23:2nunc quoque in amaritudine est sermo meus et manus plagae meae adgravata est super gemitum meum

Job 23:3

Job 23:3quis mihi tribuat ut cognoscam et inveniam illum et veniam usque ad solium eius

Job 23:4

Job 23:4ponam coram eo iudicium et os meum replebo increpationibus

Job 23:5

Job 23:5ut sciam verba quae mihi respondeat et intellegam quid loquatur mihi

Job 23:6

Job 23:6nolo multa fortitudine contendat mecum nec magnitudinis suae mole me premat

Job 23:7

Job 23:7proponat aequitatem contra me et perveniat ad victoriam iudicium meum

Job 23:8

Job 23:8si ad orientem iero non apparet si ad occidentem non intellegam eum

Job 23:9

Job 23:9si ad sinistram quid agat non adprehendam eum si me vertam ad dextram non videbo illum

Job 23:10

Job 23:10ipse vero scit viam meam et probavit me quasi aurum quod per ignem transit

Job 23:11

Job 23:11vestigia eius secutus est pes meus viam eius custodivi et non declinavi ex ea

Job 23:12

Job 23:12a mandatis labiorum eius non recessi et in sinu meo abscondi verba oris eius

Job 23:13

Job 23:13ipse enim solus est et nemo avertere potest cogitationem eius et anima eius quodcumque voluerit hoc facit

Job 23:14

Job 23:14cum expleverit in me voluntatem suam et alia multa similia praesto sunt ei

Job 23:15

Job 23:15et idcirco a facie eius turbatus sum et considerans eum timore sollicitor

Job 23:16

Job 23:16Deus mollivit cor meum et Omnipotens conturbavit me

Job 23:17

Job 23:17non enim perii propter inminentes tenebras nec faciem meam operuit caligo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.