Job (Job) 21 :: Latin Vulgate (VUL)

Job 21:1

Job 21:1respondens autem Iob dixit

Job 21:2

Job 21:2audite quaeso sermones meos et agetis paenitentiam

Job 21:3

Job 21:3sustinete me ut et ego loquar et post mea si videbitur verba ridete

Job 21:4

Job 21:4numquid contra hominem disputatio mea est ut merito non debeam contristari

Job 21:5

Job 21:5adtendite me et obstupescite et superponite digitum ori vestro

Job 21:6

Job 21:6et ego quando recordatus fuero pertimesco et concutit carnem meam tremor

Job 21:7

Job 21:7quare ergo impii vivunt sublevati sunt confortatique divitiis

Job 21:8

Job 21:8semen eorum permanet coram eis propinquorum turba et nepotum in conspectu eorum

Job 21:9

Job 21:9domus eorum securae sunt et pacatae et non est virga Dei super illos

Job 21:10

Job 21:10bos eorum concepit et non abortit vacca peperit et non est privata fetu suo

Job 21:11

Job 21:11egrediuntur quasi greges parvuli eorum et infantes eorum exultant lusibus

Job 21:12

Job 21:12tenent tympanum et citharam et gaudent ad sonitum organi

Job 21:13

Job 21:13ducunt in bonis dies suos et in puncto ad inferna descendunt

Job 21:14

Job 21:14qui dixerunt Deo recede a nobis et scientiam viarum tuarum nolumus

Job 21:15

Job 21:15quid est Omnipotens ut serviamus ei et quid nobis prodest si oraverimus illum

Job 21:16

Job 21:16verumtamen quia non sunt in manu eorum bona sua consilium impiorum longe sit a me

Job 21:17

Job 21:17quotiens lucerna impiorum extinguetur et superveniet eis inundatio et dolores dividet furoris sui

Job 21:18

Job 21:18erunt sicut paleae ante faciem venti et sicut favilla quam turbo dispergit

Job 21:19

Job 21:19Deus servabit filiis illius dolorem patris et cum reddiderit tunc sciet

Job 21:20

Job 21:20videbunt oculi eius interfectionem suam et de furore Omnipotentis bibet

Job 21:21

Job 21:21quid enim ad eum pertinet de domo sua post se et si numerus mensuum eius dimidietur

Job 21:22

Job 21:22numquid Deum quispiam docebit scientiam qui excelsos iudicat

Job 21:23

Job 21:23iste moritur robustus et sanus dives et felix

Job 21:24

Job 21:24viscera eius plena sunt adipe et medullis ossa illius inrigantur

Job 21:25

Job 21:25alius vero moritur in amaritudine animae absque ullis opibus

Job 21:26

Job 21:26et tamen simul in pulverem dormient et vermes operient eos

Job 21:27

Job 21:27certe novi cogitationes vestras et sententias contra me iniquas

Job 21:28

Job 21:28dicitis enim ubi est domus principis et ubi tabernacula impiorum

Job 21:29

Job 21:29interrogate quemlibet de viatoribus et haec eadem eum intellegere cognoscetis

Job 21:30

Job 21:30quia in diem perditionis servabitur malus et ad diem furoris ducitur

Job 21:31

Job 21:31quis arguet coram eo viam eius et quae fecit quis reddet illi

Job 21:32

Job 21:32ipse ad sepulchra ducetur et in congerie mortuorum vigilabit

Job 21:33

Job 21:33dulcis fuit glareis Cocyti et post se omnem hominem trahet et ante se innumerabiles

Job 21:34

Job 21:34quomodo igitur consolamini me frustra cum responsio vestra repugnare ostensa sit veritati

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.