Job (Job) 17 :: Latin Vulgate (VUL)

Job 17:1

Job 17:1spiritus meus adtenuabitur dies mei breviabuntur et solum mihi superest sepulchrum

Job 17:2

Job 17:2non peccavi et in amaritudinibus moratur oculus meus

Job 17:3

Job 17:3libera me et pone iuxta te et cuiusvis manus pugnet contra me

Job 17:4

Job 17:4cor eorum longe fecisti a disciplina et propterea non exaltabuntur

Job 17:5

Job 17:5praedam pollicetur sociis et oculi filiorum eius deficient

Job 17:6

Job 17:6posuit me quasi in proverbium vulgi et exemplum sum coram eis

Job 17:7

Job 17:7caligavit ab indignatione oculus meus et membra mea quasi in nihili redacta sunt

Job 17:8

Job 17:8stupebunt iusti super hoc et innocens contra hypocritam suscitabitur

Job 17:9

Job 17:9et tenebit iustus viam suam et mundis manibus addet fortitudinem

Job 17:10

Job 17:10igitur vos omnes convertimini et venite et non inveniam in vobis ullum sapientem

Job 17:11

Job 17:11dies mei transierunt cogitationes meae dissipatae sunt torquentes cor meum

Job 17:12

Job 17:12noctem verterunt in diem et rursum post tenebras spero lucem

Job 17:13

Job 17:13si sustinuero infernus domus mea est in tenebris stravi lectulum meum

Job 17:14

Job 17:14putredini dixi pater meus es mater mea et soror mea vermibus

Job 17:15

Job 17:15ubi est ergo nunc praestolatio mea et patientiam meam quis considerat

Job 17:16

Job 17:16in profundissimum infernum descendent omnia mea putasne saltim ibi erit requies mihi

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.