Previous Chapter Full Page Full Page Next Chapter

Job (Job) 13 :: Latin Vulgate (VUL)

Job 13:1

ΒΆ
Job 13:1ecce omnia et vidit oculus meus et audivit auris mea et intellexi singula

Job 13:2

Job 13:2secundum scientiam vestram et ego novi nec inferior vestri sum

Job 13:3

Job 13:3sed tamen ad Omnipotentem loquar et disputare cum Deo cupio

Job 13:4

Job 13:4prius vos ostendens fabricatores mendacii et cultores perversorum dogmatum

Job 13:5

Job 13:5atque utinam taceretis ut putaremini esse sapientes

Job 13:6

Job 13:6audite ergo correptiones meas et iudicium labiorum meorum adtendite

Job 13:7

Job 13:7numquid Deus indiget vestro mendacio ut pro illo loquamini dolos

Job 13:8

Job 13:8numquid faciem eius accipitis et pro Deo iudicare nitimini

Job 13:9

Job 13:9aut placebit ei quem celare nihil potest aut decipietur ut homo vestris fraudulentiis

Job 13:10

Job 13:10ipse vos arguet quoniam in abscondito faciem eius accipitis

Job 13:11

Job 13:11statim ut se commoverit turbabit vos et terror eius inruet super vos

Job 13:12

Job 13:12memoria vestra conparabitur cineri et redigentur in lutum cervices vestrae

Job 13:13

Job 13:13tacete paulisper ut loquar quodcumque mihi mens suggesserit

Job 13:14

Job 13:14quare lacero carnes meas dentibus meis et animam meam porto in manibus meis

Job 13:15

Job 13:15etiam si occiderit me in ipso sperabo verumtamen vias meas in conspectu eius arguam

Job 13:16

Job 13:16et ipse erit salvator meus non enim veniet in conspectu eius omnis hypocrita

Job 13:17

Job 13:17audite sermonem meum et enigmata percipite auribus vestris

Job 13:18

Job 13:18si fuero iudicatus scio quod iustus inveniar

Job 13:19

Job 13:19quis est qui iudicetur mecum veniat quare tacens consumor

Job 13:20

Job 13:20duo tantum ne facias mihi et tunc a facie tua non abscondar

Job 13:21

Job 13:21manum tuam longe fac a me et formido tua non me terreat

Job 13:22

Job 13:22et voca me et respondebo tibi aut certe loquar et tu responde mihi

Job 13:23

Job 13:23quantas habeo iniquitates et peccata scelera mea et delicta ostende mihi

Job 13:24

Job 13:24cur faciem tuam abscondis et arbitraris me inimicum tuum

Job 13:25

Job 13:25contra folium quod vento rapitur ostendis potentiam tuam et stipulam siccam persequeris

Job 13:26

Job 13:26scribis enim contra me amaritudines et consumere me vis peccatis adulescentiae meae

Job 13:27

Job 13:27posuisti in nervo pedem meum et observasti omnes semitas meas et vestigia pedum meorum considerasti

Job 13:28

Job 13:28qui quasi putredo consumendus sum et quasi vestimentum quod comeditur a tinea
Translation Copyright Logo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Translations available: King James Version, New King James Version, New Living Translation, New International Version, English Standard Version, Christian Standard Bible, New American Standard Bible 2020, New American Standard Bible 1995, Legacy Standard Bible 2021, New English Translation, Revised Standard Version, American Standard Version, Young's Literal Translation, Darby Translation, Webster's Bible, Hebrew Names Version, Reina-Valera 1960, Latin Vulgate, Westminster Leningrad Codex, Septuagint, Morphological Greek New Testament, and Textus Receptus.