Job (Job) 10 :: Latin Vulgate (VUL)

Job 10:1

Job 10:1taedet animam meam vitae meae dimittam adversum me eloquium meum loquar in amaritudine animae meae

Job 10:2

Job 10:2dicam Deo noli me condemnare indica mihi cur me ita iudices

Job 10:3

Job 10:3numquid bonum tibi videtur si calumnieris et opprimas me opus manuum tuarum et consilium impiorum adiuves

Job 10:4

Job 10:4numquid oculi carnei tibi sunt aut sicut videt homo et tu videbis

Job 10:5

Job 10:5numquid sicut dies hominis dies tui et anni tui sicut humana sunt tempora

Job 10:6

Job 10:6ut quaeras iniquitatem meam et peccatum meum scruteris

Job 10:7

Job 10:7et scias quia nihil impium fecerim cum sit nemo qui de manu tua possit eruere

Job 10:8

Job 10:8manus tuae plasmaverunt me et fecerunt me totum in circuitu et sic repente praecipitas me

Job 10:9

Job 10:9memento quaeso quod sicut lutum feceris me et in pulverem reduces me

Job 10:10

Job 10:10nonne sicut lac mulsisti me et sicut caseum me coagulasti

Job 10:11

Job 10:11pelle et carnibus vestisti me et ossibus et nervis conpegisti me

Job 10:12

Job 10:12vitam et misericordiam tribuisti mihi et visitatio tua custodivit spiritum meum

Job 10:13

Job 10:13licet haec celes in corde tuo tamen scio quia universorum memineris

Job 10:14

Job 10:14si peccavi et ad horam pepercisti mihi cur ab iniquitate mea mundum me esse non pateris

Job 10:15

Job 10:15et si impius fuero vae mihi est et si iustus non levabo caput saturatus adflictione et miseria

Job 10:16

Job 10:16et propter superbiam quasi leaenam capies me reversusque mirabiliter me crucias

Job 10:17

Job 10:17instauras testes tuos contra me et multiplicas iram tuam adversum me et poenae militant in me

Job 10:18

Job 10:18quare de vulva eduxisti me qui utinam consumptus essem ne oculus me videret

Job 10:19

Job 10:19fuissem quasi qui non essem de utero translatus ad tumulum

Job 10:20

Job 10:20numquid non paucitas dierum meorum finietur brevi dimitte ergo me ut plangam paululum dolorem meum

Job 10:21

Job 10:21antequam vadam et non revertar ad terram tenebrosam et opertam mortis caligine

Job 10:22

Job 10:22terram miseriae et tenebrarum ubi umbra mortis et nullus ordo et sempiternus horror inhabitans

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.