Ioannem (John) 21 :: Latin Vulgate (VUL)

Jhn 21:1postea manifestavit se iterum Iesus ad mare Tiberiadis manifestavit autem sic

Jhn 21:2erant simul Simon Petrus et Thomas qui dicitur Didymus et Nathanahel qui erat a Cana Galilaeae et filii Zebedaei et alii ex discipulis eius duo

Jhn 21:3

Jhn 21:3dicit eis Simon Petrus vado piscari dicunt ei venimus et nos tecum et exierunt et ascenderunt in navem et illa nocte nihil prendiderunt

Jhn 21:4

Jhn 21:4mane autem iam facto stetit Iesus in litore non tamen cognoverunt discipuli quia Iesus est

Jhn 21:5

Jhn 21:5dicit ergo eis Iesus pueri numquid pulmentarium habetis responderunt ei non

Jhn 21:6

Jhn 21:6dixit eis mittite in dexteram navigii rete et invenietis miserunt ergo et iam non valebant illud trahere a multitudine piscium

Jhn 21:7

Jhn 21:7dicit ergo discipulus ille quem diligebat Iesus Petro Dominus est Simon Petrus cum audisset quia Dominus est tunicam succinxit se erat enim nudus et misit se in mare

Jhn 21:8

Jhn 21:8alii autem discipuli navigio venerunt non enim longe erant a terra sed quasi a cubitis ducentis trahentes rete piscium

Jhn 21:9

Jhn 21:9ut ergo descenderunt in terram viderunt prunas positas et piscem superpositum et panem

Jhn 21:10

Jhn 21:10dicit eis Iesus adferte de piscibus quos prendidistis nunc

Jhn 21:11

Jhn 21:11ascendit Simon Petrus et traxit rete in terram plenum magnis piscibus centum quinquaginta tribus et cum tanti essent non est scissum rete

Jhn 21:12

Jhn 21:12dicit eis Iesus venite prandete et nemo audebat discentium interrogare eum tu quis es scientes quia Dominus esset

Jhn 21:13

Jhn 21:13et venit Iesus et accepit panem et dat eis et piscem similiter

Jhn 21:14

Jhn 21:14hoc iam tertio manifestatus est Iesus discipulis cum surrexisset a mortuis

Jhn 21:15

Jhn 21:15cum ergo prandissent dicit Simoni Petro Iesus Simon Iohannis diligis me plus his dicit ei etiam Domine tu scis quia amo te dicit ei pasce agnos meos

Jhn 21:16

Jhn 21:16dicit ei iterum Simon Iohannis diligis me ait illi etiam Domine tu scis quia amo te dicit ei pasce agnos meos

Jhn 21:17

Jhn 21:17dicit ei tertio Simon Iohannis amas me contristatus est Petrus quia dixit ei tertio amas me et dicit ei Domine tu omnia scis tu scis quia amo te dicit ei pasce oves meas

Jhn 21:18

Jhn 21:18amen amen dico tibi cum esses iunior cingebas te et ambulabas ubi volebas cum autem senueris extendes manus tuas et alius te cinget et ducet quo non vis

Jhn 21:19

Jhn 21:19hoc autem dixit significans qua morte clarificaturus esset Deum et hoc cum dixisset dicit ei sequere me

Jhn 21:20

Jhn 21:20conversus Petrus vidit illum discipulum quem diligebat Iesus sequentem qui et recubuit in cena super pectus eius et dixit Domine quis est qui tradit te

Jhn 21:21

Jhn 21:21hunc ergo cum vidisset Petrus dicit Iesu Domine hic autem quid

Jhn 21:22

Jhn 21:22dicit ei Iesus si sic eum volo manere donec veniam quid ad te tu me sequere

Jhn 21:23

Jhn 21:23exivit ergo sermo iste in fratres quia discipulus ille non moritur et non dixit ei Iesus non moritur sed si sic eum volo manere donec venio quid ad te

Jhn 21:24

Jhn 21:24hic est discipulus qui testimonium perhibet de his et scripsit haec et scimus quia verum est testimonium eius

Jhn 21:25

Jhn 21:25sunt autem et alia multa quae fecit Iesus quae si scribantur per singula nec ipsum arbitror mundum capere eos qui scribendi sunt libros amen

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.