Ioannem (John) 18 :: Latin Vulgate (VUL)

(Mat 26:47–56; Mar 14:43–52; Luk 22:47–53 )

Jhn 18:1haec cum dixisset Iesus egressus est cum discipulis suis trans torrentem Cedron ubi erat hortus in quem introivit ipse et discipuli eius

Jhn 18:2

Jhn 18:2sciebat autem et Iudas qui tradebat eum ipsum locum quia frequenter Iesus convenerat illuc cum discipulis suis

Jhn 18:3

Jhn 18:3Iudas ergo cum accepisset cohortem et a pontificibus et Pharisaeis ministros venit illuc cum lanternis et facibus et armis

Jhn 18:4

Jhn 18:4Iesus itaque sciens omnia quae ventura erant super eum processit et dicit eis quem quaeritis

Jhn 18:5

Jhn 18:5responderunt ei Iesum Nazarenum dicit eis Iesus ego sum stabat autem et Iudas qui tradebat eum cum ipsis

Jhn 18:6

Jhn 18:6ut ergo dixit eis ego sum abierunt retrorsum et ceciderunt in terram

Jhn 18:7

Jhn 18:7iterum ergo eos interrogavit quem quaeritis illi autem dixerunt Iesum Nazarenum

Jhn 18:8

Jhn 18:8respondit Iesus dixi vobis quia ego sum si ergo me quaeritis sinite hos abire

Jhn 18:9

Jhn 18:9ut impleretur sermo quem dixit quia quos dedisti mihi non perdidi ex ipsis quemquam

Jhn 18:10

Jhn 18:10Simon ergo Petrus habens gladium eduxit eum et percussit pontificis servum et abscidit eius auriculam dextram erat autem nomen servo Malchus

Jhn 18:11

Jhn 18:11dixit ergo Iesus Petro mitte gladium in vaginam calicem quem dedit mihi Pater non bibam illum

Jhn 18:12

Jhn 18:12cohors ergo et tribunus et ministri Iudaeorum conprehenderunt Iesum et ligaverunt eum

Jhn 18:13

Jhn 18:13et adduxerunt eum ad Annam primum erat enim socer Caiaphae qui erat pontifex anni illius

Jhn 18:14

Jhn 18:14erat autem Caiaphas qui consilium dederat Iudaeis quia expedit unum hominem mori pro populo

(Mat 26:69–75; Mar 14:66–72; Luk 22:54–62 )

Jhn 18:15

Jhn 18:15sequebatur autem Iesum Simon Petrus et alius discipulus discipulus autem ille erat notus pontifici et introivit cum Iesu in atrium pontificis

Jhn 18:16

Jhn 18:16Petrus autem stabat ad ostium foris exivit ergo discipulus alius qui erat notus pontifici et dixit ostiariae et introduxit Petrum

Jhn 18:17

Jhn 18:17dicit ergo Petro ancilla ostiaria numquid et tu ex discipulis es hominis istius dicit ille non sum

Jhn 18:18

Jhn 18:18stabant autem servi et ministri ad prunas quia frigus erat et calefiebant erat autem cum eis et Petrus stans et calefaciens se

Jhn 18:19

Jhn 18:19pontifex ergo interrogavit Iesum de discipulis suis et de doctrina eius

Jhn 18:20

Jhn 18:20respondit ei Iesus ego palam locutus sum mundo ego semper docui in synagoga et in templo quo omnes Iudaei conveniunt et in occulto locutus sum nihil

Jhn 18:21

Jhn 18:21quid me interrogas interroga eos qui audierunt quid locutus sum ipsis ecce hii sciunt quae dixerim ego

Jhn 18:22

Jhn 18:22haec autem cum dixisset unus adsistens ministrorum dedit alapam Iesu dicens sic respondes pontifici

Jhn 18:23

Jhn 18:23respondit ei Iesus si male locutus sum testimonium perhibe de malo si autem bene quid me caedis

Jhn 18:24

Jhn 18:24et misit eum Annas ligatum ad Caiaphan pontificem

Jhn 18:25

Jhn 18:25erat autem Simon Petrus stans et calefaciens se dixerunt ergo ei numquid et tu ex discipulis eius es negavit ille et dixit non sum

Jhn 18:26

Jhn 18:26dicit unus ex servis pontificis cognatus eius cuius abscidit Petrus auriculam nonne ego te vidi in horto cum illo

Jhn 18:27

Jhn 18:27iterum ergo negavit Petrus et statim gallus cantavit

(Mat 27:1, 2, 11–14; Mar 15:1–5; Luk 23:1–5 )

Jhn 18:28

Jhn 18:28adducunt ergo Iesum a Caiapha in praetorium erat autem mane et ipsi non introierunt in praetorium ut non contaminarentur sed manducarent pascha

Jhn 18:29

Jhn 18:29exivit ergo Pilatus ad eos foras et dixit quam accusationem adfertis adversus hominem hunc

Jhn 18:30

Jhn 18:30responderunt et dixerunt ei si non esset hic malefactor non tibi tradidissemus eum

Jhn 18:31

Jhn 18:31dixit ergo eis Pilatus accipite eum vos et secundum legem vestram iudicate eum dixerunt ergo ei Iudaei nobis non licet interficere quemquam

Jhn 18:32

Jhn 18:32ut sermo Iesu impleretur quem dixit significans qua esset morte moriturus

Jhn 18:33

Jhn 18:33introivit ergo iterum in praetorium Pilatus et vocavit Iesum et dixit ei tu es rex Iudaeorum

Jhn 18:34

Jhn 18:34et respondit Iesus a temet ipso hoc dicis an alii tibi dixerunt de me

Jhn 18:35

Jhn 18:35respondit Pilatus numquid ego Iudaeus sum gens tua et pontifices tradiderunt te mihi quid fecisti

Jhn 18:36

Jhn 18:36respondit Iesus regnum meum non est de mundo hoc si ex hoc mundo esset regnum meum ministri mei decertarent ut non traderer Iudaeis nunc autem meum regnum non est hinc

Jhn 18:37

Jhn 18:37dixit itaque ei Pilatus ergo rex es tu respondit Iesus tu dicis quia rex sum ego ego in hoc natus sum et ad hoc veni in mundum ut testimonium perhibeam veritati omnis qui est ex veritate audit meam vocem

Jhn 18:38

Jhn 18:38dicit ei Pilatus quid est veritas et cum hoc dixisset iterum exivit ad Iudaeos et dicit eis ego nullam invenio in eo causam

(Mat 27:15–23; Mar 15:6–14; Luk 23:13–23 )

Jhn 18:39

Jhn 18:39est autem consuetudo vobis ut unum dimittam vobis in pascha vultis ergo dimittam vobis regem Iudaeorum

Jhn 18:40

Jhn 18:40clamaverunt rursum omnes dicentes non hunc sed Barabban erat autem Barabbas latro

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.