Ioannem (John) 17 :: Latin Vulgate (VUL)

Jhn 17:1

Jhn 17:1haec locutus est Iesus et sublevatis oculis in caelum dixit Pater venit hora clarifica Filium tuum ut Filius tuus clarificet te

Jhn 17:2

Jhn 17:2sicut dedisti ei potestatem omnis carnis ut omne quod dedisti ei det eis vitam aeternam

Jhn 17:3

Jhn 17:3haec est autem vita aeterna ut cognoscant te solum verum Deum et quem misisti Iesum Christum

Jhn 17:4

Jhn 17:4ego te clarificavi super terram opus consummavi quod dedisti mihi ut faciam

Jhn 17:5

Jhn 17:5et nunc clarifica me tu Pater apud temet ipsum claritatem quam habui priusquam mundus esset apud te

Jhn 17:6

Jhn 17:6manifestavi nomen tuum hominibus quos dedisti mihi de mundo tui erant et mihi eos dedisti et sermonem tuum servaverunt

Jhn 17:7

Jhn 17:7nunc cognoverunt quia omnia quae dedisti mihi abs te sunt

Jhn 17:8

Jhn 17:8quia verba quae dedisti mihi dedi eis et ipsi acceperunt et cognoverunt vere quia a te exivi et crediderunt quia tu me misisti

Jhn 17:9

Jhn 17:9ego pro eis rogo non pro mundo rogo sed pro his quos dedisti mihi quia tui sunt

Jhn 17:10

Jhn 17:10et mea omnia tua sunt et tua mea sunt et clarificatus sum in eis

Jhn 17:11

Jhn 17:11et iam non sum in mundo et hii in mundo sunt et ego ad te venio Pater sancte serva eos in nomine tuo quos dedisti mihi ut sint unum sicut et nos

Jhn 17:12

Jhn 17:12cum essem cum eis ego servabam eos in nomine tuo quos dedisti mihi custodivi et nemo ex his perivit nisi filius perditionis ut scriptura impleatur

Jhn 17:13

Jhn 17:13nunc autem ad te venio et haec loquor in mundo ut habeant gaudium meum impletum in semet ipsis

Jhn 17:14

Jhn 17:14ego dedi eis sermonem tuum et mundus odio eos habuit quia non sunt de mundo sicut et ego non sum de mundo

Jhn 17:15

Jhn 17:15non rogo ut tollas eos de mundo sed ut serves eos ex malo

Jhn 17:16

Jhn 17:16de mundo non sunt sicut et ego non sum de mundo

Jhn 17:17

Jhn 17:17sanctifica eos in veritate sermo tuus veritas est

Jhn 17:18

Jhn 17:18sicut me misisti in mundum et ego misi eos in mundum

Jhn 17:19

Jhn 17:19et pro eis ego sanctifico me ipsum ut sint et ipsi sanctificati in veritate

Jhn 17:20

Jhn 17:20non pro his autem rogo tantum sed et pro eis qui credituri sunt per verbum eorum in me

Jhn 17:21

Jhn 17:21ut omnes unum sint sicut tu Pater in me et ego in te ut et ipsi in nobis unum sint ut mundus credat quia tu me misisti

Jhn 17:22

Jhn 17:22et ego claritatem quam dedisti mihi dedi eis ut sint unum sicut nos unum sumus

Jhn 17:23

Jhn 17:23ego in eis et tu in me ut sint consummati in unum et cognoscat mundus quia tu me misisti et dilexisti eos sicut me dilexisti

Jhn 17:24

Jhn 17:24Pater quos dedisti mihi volo ut ubi ego sum et illi sint mecum ut videant claritatem meam quam dedisti mihi quia dilexisti me ante constitutionem mundi

Jhn 17:25

Jhn 17:25Pater iuste et mundus te non cognovit ego autem te cognovi et hii cognoverunt quia tu me misisti

Jhn 17:26

Jhn 17:26et notum feci eis nomen tuum et notum faciam ut dilectio qua dilexisti me in ipsis sit et ego in ipsis

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.