Ioannem (John) 11 :: Latin Vulgate (VUL)

Jhn 11:1erat autem quidam languens Lazarus a Bethania de castello Mariae et Marthae sororis eius

Jhn 11:2Maria autem erat quae unxit Dominum unguento et extersit pedes eius capillis suis cuius frater Lazarus infirmabatur

Jhn 11:3

Jhn 11:3miserunt ergo sorores ad eum dicentes Domine ecce quem amas infirmatur

Jhn 11:4

Jhn 11:4audiens autem Iesus dixit eis infirmitas haec non est ad mortem sed pro gloria Dei ut glorificetur Filius Dei per eam

Jhn 11:5

Jhn 11:5diligebat autem Iesus Martham et sororem eius Mariam et Lazarum

Jhn 11:6

Jhn 11:6ut ergo audivit quia infirmabatur tunc quidem mansit in eodem loco duobus diebus

Jhn 11:7

Jhn 11:7deinde post haec dicit discipulis suis eamus in Iudaeam iterum

Jhn 11:8

Jhn 11:8dicunt ei discipuli rabbi nunc quaerebant te Iudaei lapidare et iterum vadis illuc

Jhn 11:9

Jhn 11:9respondit Iesus nonne duodecim horae sunt diei si quis ambulaverit in die non offendit quia lucem huius mundi videt

Jhn 11:10

Jhn 11:10si autem ambulaverit nocte offendit quia lux non est in eo

Jhn 11:11

Jhn 11:11haec ait et post hoc dicit eis Lazarus amicus noster dormit sed vado ut a somno exsuscitem eum

Jhn 11:12

Jhn 11:12dixerunt ergo discipuli eius Domine si dormit salvus erit

Jhn 11:13

Jhn 11:13dixerat autem Iesus de morte eius illi autem putaverunt quia de dormitione somni diceret

Jhn 11:14

Jhn 11:14tunc ergo dixit eis Iesus manifeste Lazarus mortuus est

Jhn 11:15

Jhn 11:15et gaudeo propter vos ut credatis quoniam non eram ibi sed eamus ad eum

Jhn 11:16

Jhn 11:16dixit ergo Thomas qui dicitur Didymus ad condiscipulos eamus et nos ut moriamur cum eo

Jhn 11:17

Jhn 11:17venit itaque Iesus et invenit eum quattuor dies iam in monumento habentem

Jhn 11:18

Jhn 11:18erat autem Bethania iuxta Hierosolyma quasi stadiis quindecim

Jhn 11:19

Jhn 11:19multi autem ex Iudaeis venerant ad Martham et Mariam ut consolarentur eas de fratre suo

Jhn 11:20

Jhn 11:20Martha ergo ut audivit quia Iesus venit occurrit illi Maria autem domi sedebat

Jhn 11:21

Jhn 11:21dixit ergo Martha ad Iesum Domine si fuisses hic frater meus non fuisset mortuus

Jhn 11:22

Jhn 11:22sed et nunc scio quia quaecumque poposceris a Deo dabit tibi Deus

Jhn 11:23

Jhn 11:23dicit illi Iesus resurget frater tuus

Jhn 11:24

Jhn 11:24dicit ei Martha scio quia resurget in resurrectione in novissima die

Jhn 11:25

Jhn 11:25dixit ei Iesus ego sum resurrectio et vita qui credit in me et si mortuus fuerit vivet

Jhn 11:26

Jhn 11:26et omnis qui vivit et credit in me non morietur in aeternum credis hoc

Jhn 11:27

Jhn 11:27ait illi utique Domine ego credidi quia tu es Christus Filius Dei qui in mundum venisti

Jhn 11:28

Jhn 11:28et cum haec dixisset abiit et vocavit Mariam sororem suam silentio dicens magister adest et vocat te

Jhn 11:29

Jhn 11:29illa ut audivit surgit cito et venit ad eum

Jhn 11:30

Jhn 11:30nondum enim venerat Iesus in castellum sed erat adhuc in illo loco ubi occurrerat ei Martha

Jhn 11:31

Jhn 11:31Iudaei igitur qui erant cum ea in domo et consolabantur eam cum vidissent Mariam quia cito surrexit et exiit secuti sunt eam dicentes quia vadit ad monumentum ut ploret ibi

Jhn 11:32

Jhn 11:32Maria ergo cum venisset ubi erat Iesus videns eum cecidit ad pedes eius et dixit ei Domine si fuisses hic non esset mortuus frater meus

Jhn 11:33

Jhn 11:33Iesus ergo ut vidit eam plorantem et Iudaeos qui venerant cum ea plorantes fremuit spiritu et turbavit se ipsum

Jhn 11:34

Jhn 11:34et dixit ubi posuistis eum dicunt ei Domine veni et vide

Jhn 11:35

Jhn 11:35et lacrimatus est Iesus

Jhn 11:36

Jhn 11:36dixerunt ergo Iudaei ecce quomodo amabat eum

Jhn 11:37

Jhn 11:37quidam autem dixerunt ex ipsis non poterat hic qui aperuit oculos caeci facere ut et hic non moreretur

Jhn 11:38

Jhn 11:38Iesus ergo rursum fremens in semet ipso venit ad monumentum erat autem spelunca et lapis superpositus erat ei

Jhn 11:39

Jhn 11:39ait Iesus tollite lapidem dicit ei Martha soror eius qui mortuus fuerat Domine iam fetet quadriduanus enim est

Jhn 11:40

Jhn 11:40dicit ei Iesus nonne dixi tibi quoniam si credideris videbis gloriam Dei

Jhn 11:41

Jhn 11:41tulerunt ergo lapidem Iesus autem elevatis sursum oculis dixit Pater gratias ago tibi quoniam audisti me

Jhn 11:42

Jhn 11:42ego autem sciebam quia semper me audis sed propter populum qui circumstat dixi ut credant quia tu me misisti

Jhn 11:43

Jhn 11:43haec cum dixisset voce magna clamavit Lazare veni foras

Jhn 11:44

Jhn 11:44et statim prodiit qui fuerat mortuus ligatus pedes et manus institis et facies illius sudario erat ligata dicit Iesus eis solvite eum et sinite abire

(Mat 26:1–5; Mar 14:1, 2; Luk 22:1, 2 )

Jhn 11:45

Jhn 11:45multi ergo ex Iudaeis qui venerant ad Mariam et viderant quae fecit crediderunt in eum

Jhn 11:46

Jhn 11:46quidam autem ex ipsis abierunt ad Pharisaeos et dixerunt eis quae fecit Iesus

Jhn 11:47

Jhn 11:47collegerunt ergo pontifices et Pharisaei concilium et dicebant quid facimus quia hic homo multa signa facit

Jhn 11:48

Jhn 11:48si dimittimus eum sic omnes credent in eum et venient Romani et tollent nostrum et locum et gentem

Jhn 11:49

Jhn 11:49unus autem ex ipsis Caiaphas cum esset pontifex anni illius dixit eis vos nescitis quicquam

Jhn 11:50

Jhn 11:50nec cogitatis quia expedit nobis ut unus moriatur homo pro populo et non tota gens pereat

Jhn 11:51

Jhn 11:51hoc autem a semet ipso non dixit sed cum esset pontifex anni illius prophetavit quia Iesus moriturus erat pro gente

Jhn 11:52

Jhn 11:52et non tantum pro gente sed et ut filios Dei qui erant dispersi congregaret in unum

Jhn 11:53

Jhn 11:53ab illo ergo die cogitaverunt ut interficerent eum

Jhn 11:54

Jhn 11:54Iesus ergo iam non in palam ambulabat apud Iudaeos sed abiit in regionem iuxta desertum in civitatem quae dicitur Efrem et ibi morabatur cum discipulis

Jhn 11:55

Jhn 11:55proximum autem erat pascha Iudaeorum et ascenderunt multi Hierosolyma de regione ante pascha ut sanctificarent se ipsos

Jhn 11:56

Jhn 11:56quaerebant ergo Iesum et conloquebantur ad invicem in templo stantes quid putatis quia non veniat ad diem festum

Jhn 11:57

Jhn 11:57dederant autem pontifices et Pharisaei mandatum ut si quis cognoverit ubi sit indicet ut adprehendant eum

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

John Chapter 11 — Additional Translations:

King James Version New King James Version New Living Translation New International Version English Standard Version Christian Standard Bible New American Standard Bible 2020 New American Standard Bible 1995 Legacy Standard Bible Amplified Bible New English Translation Revised Standard Version American Standard Version Young's Literal Translation Darby Translation Webster's Bible Hebrew Names Version Morphological Greek New Testament Textus Receptus Smith Van Dyck Arabic Bible Open New Arabic Version Reina Valera 1909 Reina-Valera 1960 Bible in Basic English Chinese Traditional Union Espanol Moderno Korean Holy Bible Louis Segond German Luther Russian Synodal Translation Sagradas Escrituras

Ioannem (John) 11 :: Latin Vulgate (VUL)

John Chapter 11 — Additional Translations:

Did You Know BLB Is User Supported?