Jeremiæ (Jeremiah) 8 :: Latin Vulgate (VUL)

Jer 8:1

Jer 8:1in tempore illo ait Dominus eicient ossa regis Iuda et ossa principum eius et ossa sacerdotum et ossa prophetarum et ossa eorum qui habitaverunt Hierusalem de sepulchris suis

Jer 8:2

Jer 8:2et pandent ea ad solem et lunam et omnem militiam caeli quae dilexerunt et quibus servierunt et post quae ambulaverunt et quae quaesierunt et adoraverunt non colligentur et non sepelientur in sterquilinium super faciem terrae erunt

Jer 8:3

Jer 8:3et eligent magis mortem quam vitam omnes qui residui fuerint de cognatione hac pessima in universis locis quae derelicta sunt ad quae eieci eos dicit Dominus exercituum

Jer 8:4

Jer 8:4et dices ad eos haec dicit Dominus numquid qui cadet non resurget et qui aversus est non revertetur

Jer 8:5

Jer 8:5quare ergo aversus est populus iste in Hierusalem aversione contentiosa adprehenderunt mendacium et noluerunt reverti

Jer 8:6

Jer 8:6adtendi et auscultavi nemo quod bonum est loquitur nullus est qui agat paenitentiam super peccato suo dicens quid feci omnes conversi sunt ad cursum suum quasi equus impetu vadens in proelio

Jer 8:7

Jer 8:7milvus in caelo cognovit tempus suum turtur et hirundo et ciconia custodierunt tempus adventus sui populus autem meus non cognovit iudicium Domini

Jer 8:8

Jer 8:8quomodo dicitis sapientes nos sumus et lex Domini nobiscum est vere mendacium operatus est stilus mendax scribarum

Jer 8:9

Jer 8:9confusi sunt sapientes perterriti et capti sunt verbum enim Domini proiecerunt et sapientia nulla est in eis

Jer 8:10

Jer 8:10propterea dabo mulieres eorum exteris agros eorum heredibus quia a minimo usque ad maximum omnes avaritiam sequuntur a propheta usque ad sacerdotem cuncti faciunt mendacium

Jer 8:11

Jer 8:11et sanabant contritionem filiae populi mei ad ignominiam dicentes pax pax cum non esset pax

Jer 8:12

Jer 8:12confusi sunt quia abominationem fecerunt quinimmo confusione non sunt confusi et erubescere nescierunt idcirco cadent inter corruentes in tempore visitationis suae corruent dicit Dominus

Jer 8:13

Jer 8:13congregans congregabo eos ait Dominus non est uva in vitibus et non sunt ficus in ficulnea folium defluxit et dedi eis quae praetergressa sunt

Jer 8:14

Jer 8:14quare sedemus convenite et ingrediamur civitatem munitam et sileamus ibi quia Dominus noster silere nos fecit et potum dedit nobis aquam fellis peccavimus enim Domino

Jer 8:15

Jer 8:15expectavimus pacem et non erat bonum tempus medellae et ecce formido

Jer 8:16

Jer 8:16a Dan auditus est fremitus equorum eius a voce hinnituum pugnatorum eius commota est omnis terra et venerunt et devoraverunt terram et plenitudinem eius urbem et habitatores eius

Jer 8:17

Jer 8:17quia ecce ego mittam vobis serpentes regulos quibus non est incantatio et mordebunt vos ait Dominus

Jer 8:18

Jer 8:18dolor meus super dolorem in me cor meum maerens

Jer 8:19

Jer 8:19ecce vox clamoris filiae populi mei de terra longinqua numquid Dominus non est in Sion aut rex eius non est in ea quare ergo me ad iracundiam concitaverunt in sculptilibus suis et in vanitatibus alienis

Jer 8:20

Jer 8:20transiit messis finita est aestas et nos salvati non sumus

Jer 8:21

Jer 8:21super contritionem filiae populi mei contritus sum et contristatus stupor obtinuit me

Jer 8:22

Jer 8:22numquid resina non est in Galaad aut medicus non est ibi quare igitur non est obducta cicatrix filiae populi mei

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.