Jeremiæ (Jeremiah) 18 :: Latin Vulgate (VUL)

Jer 18:1verbum quod factum est ad Hieremiam a Domino dicens

Jer 18:2surge et descende in domum figuli et ibi audies verba mea

Jer 18:3et descendi in domum figuli et ecce ipse faciebat opus super rotam

Jer 18:4et dissipatum est vas quod ipse faciebat e luto manibus suis conversusque fecit illud vas alterum sicut placuerat in oculis eius ut faceret

Jer 18:5

Jer 18:5et factum est verbum Domini ad me dicens

Jer 18:6

Jer 18:6numquid sicut figulus iste non potero facere vobis domus Israhel ait Dominus ecce sicut lutum in manu figuli sic vos in manu mea domus Israhel

Jer 18:7

Jer 18:7repente loquar adversum gentem et adversum regnum ut eradicem et destruam et disperdam illud

Jer 18:8

Jer 18:8si paenitentiam egerit gens illa a malo suo quod locutus sum adversum eam agam et ego paenitentiam super malo quod cogitavi ut facerem ei

Jer 18:9

Jer 18:9et subito loquar de gente et regno ut aedificem et ut plantem illud

Jer 18:10

Jer 18:10si fecerit malum in oculis meis ut non audiat vocem meam paenitentiam agam super bono quod locutus sum ut facerem ei

Jer 18:11

Jer 18:11nunc ergo dic viro Iudae et habitatoribus Hierusalem dicens haec dicit Dominus ecce ego fingo contra vos malum et cogito contra vos cogitationem revertatur unusquisque a via sua mala et dirigite vias vestras et studia vestra

Jer 18:12

Jer 18:12qui dixerunt desperavimus post cogitationes enim nostras ibimus et unusquisque pravitatem cordis sui mali faciemus

Jer 18:13

Jer 18:13ideo haec dicit Dominus interrogate gentes quis audivit talia horribilia quae fecit nimis virgo Israhel

Jer 18:14

Jer 18:14numquid deficiet de petra agri nix Libani aut evelli possunt aquae erumpentes frigidae et defluentes

Jer 18:15

Jer 18:15quia oblitus est mei populus meus frustra libantes et inpingentes in viis suis in semitis saeculi ut ambularent per eas in itinere non trito

Jer 18:16

Jer 18:16ut fieret terra eorum in desolationem et in sibilum sempiternum omnis qui praeterit per eam obstupescet et movebit caput suum

Jer 18:17

Jer 18:17sicut ventus urens dispergam eos coram inimico dorsum et non faciem ostendam eis in die perditionis eorum

Jer 18:18

Jer 18:18et dixerunt venite et cogitemus contra Hieremiam cogitationes non enim peribit lex a sacerdote neque consilium a sapiente nec sermo a propheta venite et percutiamus eum lingua et non adtendamus ad universos sermones eius

Jer 18:19

Jer 18:19adtende Domine ad me et audi vocem adversariorum meorum

Jer 18:20

Jer 18:20numquid redditur pro bono malum quia foderunt foveam animae meae recordare quod steterim in conspectu tuo ut loquerer pro eis bonum et averterem indignationem tuam ab eis

Jer 18:21

Jer 18:21propterea da filios eorum in famem et deduc eos in manus gladii fiant uxores eorum absque liberis et viduae et viri earum interficiantur morte iuvenes eorum confodiantur gladio in proelio

Jer 18:22

Jer 18:22audiatur clamor de domibus eorum adduces enim super eos latronem repente quia foderunt foveam ut caperent me et laqueos absconderunt pedibus meis

Jer 18:23

Jer 18:23tu autem Domine scis omne consilium eorum adversum me in mortem ne propitieris iniquitati eorum et peccatum eorum a facie tua non deleatur fiant corruentes in conspectu tuo in tempore furoris tui abutere eis

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.