Judices (Judges) 5 (VUL) - cecineruntque Debbora et Barac filius

Jdg 5:1

¶

Jdg 5:1cecineruntque Debbora et Barac filius Abinoem in die illo dicentes

Jdg 5:2

Jdg 5:2qui sponte obtulistis de Israhel animas vestras ad periculum benedicite Domino

Jdg 5:3

Jdg 5:3audite reges percipite auribus principes ego sum ego sum quae Domino canam psallam Domino Deo Israhel

Jdg 5:4

Jdg 5:4Domine cum exires de Seir et transires per regiones Edom terra mota est caelique ac nubes stillaverunt aquis

Jdg 5:5

Jdg 5:5montes fluxerunt a facie Domini et Sinai a facie Domini Dei Israhel

Jdg 5:6

Jdg 5:6in diebus Samgar filii Anath in diebus Iahel quieverunt semitae et qui ingrediebantur per eas ambulaverunt per calles devios

Jdg 5:7

Jdg 5:7cessaverunt fortes in Israhel et quieverunt donec surgeret Debbora surgeret mater in Israhel

Jdg 5:8

Jdg 5:8nova bella elegit Dominus et portas hostium ipse subvertit clypeus et hasta si apparuerint in quadraginta milibus Israhel

Jdg 5:9

Jdg 5:9cor meum diligit principes Israhel qui propria voluntate obtulistis vos discrimini benedicite Domino

Jdg 5:10

Jdg 5:10qui ascenditis super nitentes asinos et sedetis in iudicio et ambulatis in via loquimini

Jdg 5:11

Jdg 5:11ubi conlisi sunt currus et hostium est suffocatus exercitus ibi narrentur iustitiae Domini et clementia in fortes Israhel tunc descendit populus Domini ad portas et obtinuit principatum

Jdg 5:12

Jdg 5:12surge surge Debbora surge surge et loquere canticum surge Barac et adprehende captivos tuos fili Abinoem

Jdg 5:13

Jdg 5:13salvatae sunt reliquiae populi Dominus in fortibus dimicavit

Jdg 5:14

Jdg 5:14ex Ephraim delevit eos in Amalech et post eum ex Beniamin in populos tuos o Amalech de Machir principes descenderunt et de Zabulon qui exercitum ducerent ad bellandum

Jdg 5:15

Jdg 5:15duces Isachar fuere cum Debbora et Barac vestigia sunt secuti qui quasi in praeceps ac baratrum se discrimini dedit diviso contra se Ruben magnanimorum repperta contentio est

Jdg 5:16

Jdg 5:16quare habitas inter duos terminos ut audias sibilos gregum diviso contra se Ruben magnanimorum repperta contentio est

Jdg 5:17

Jdg 5:17Galaad trans Iordanem quiescebat et Dan vacabat navibus Aser habitabat in litore maris et in portibus morabatur

Jdg 5:18

Jdg 5:18Zabulon vero et Nepthalim obtulerunt animas suas morti in regione Merome

Jdg 5:19

Jdg 5:19venerunt reges et pugnaverunt pugnaverunt reges Chanaan in Thanach iuxta aquas Mageddo et tamen nihil tulere praedantes

Jdg 5:20

Jdg 5:20de caelo dimicatum est contra eos stellae manentes in ordine et cursu suo adversum Sisaram pugnaverunt

Jdg 5:21

Jdg 5:21torrens Cison traxit cadavera eorum torrens Cadumim torrens Cison conculca anima mea robustos

Jdg 5:22

Jdg 5:22ungulae equorum ceciderunt fugientibus impetu et per praeceps ruentibus fortissimis hostium

Jdg 5:23

Jdg 5:23maledicite terrae Meroz dixit angelus Domini maledicite habitatoribus eius quia non venerunt ad auxilium Domini in adiutorium fortissimorum eius

Jdg 5:24

Jdg 5:24benedicta inter mulieres Iahel uxor Aber Cinei benedicatur in tabernaculo suo

Jdg 5:25

Jdg 5:25aquam petenti lac dedit et in fiala principum obtulit butyrum

Jdg 5:26

Jdg 5:26sinistram manum misit ad clavum et dexteram ad fabrorum malleos percussitque Sisaram quaerens in capite vulneri locum et tempus valide perforans

Jdg 5:27

Jdg 5:27inter pedes eius ruit defecit et mortuus est ante pedes illius volvebatur et iacebat exanimis et miserabilis

Jdg 5:28

Jdg 5:28per fenestram prospiciens ululabat mater eius et de cenaculo loquebatur cur moratur regredi currus eius quare tardaverunt pedes quadrigarum illius

Jdg 5:29

Jdg 5:29una sapientior ceteris uxoribus eius haec socrui verba respondit

Jdg 5:30

Jdg 5:30forsitan nunc dividit spolia et pulcherrima feminarum eligitur ei vestes diversorum colorum Sisarae traduntur in praedam et supellex varia ad ornanda colla congeritur

Jdg 5:31

Jdg 5:31sic pereant omnes inimici tui Domine qui autem diligunt te sicut sol in ortu suo splendet ita rutilent [Vulgate 5:32] quievitque terra per quadraginta annos

Judices (Judges) 5 :: Latin Vulgate (VUL)