Iacobi (James) 4 :: Latin Vulgate (VUL)

Jas 4:1unde bella et lites in vobis nonne hinc ex concupiscentiis vestris quae militant in membris vestris

Jas 4:2concupiscitis et non habetis occiditis et zelatis et non potestis adipisci litigatis et belligeratis non habetis propter quod non postulatis

Jas 4:3

Jas 4:3petitis et non accipitis eo quod male petatis ut in concupiscentiis vestris insumatis

Jas 4:4

Jas 4:4adulteri nescitis quia amicitia huius mundi inimica est Dei quicumque ergo voluerit amicus esse saeculi huius inimicus Dei constituitur

Jas 4:5

Jas 4:5aut putatis quia inaniter scriptura dicat ad invidiam concupiscit Spiritus qui inhabitat in nobis

Jas 4:6

Jas 4:6maiorem autem dat gratiam propter quod dicit Deus superbis resistit humilibus autem dat gratiam

Jas 4:7

Jas 4:7subditi igitur estote Deo resistite autem diabolo et fugiet a vobis

Jas 4:8

Jas 4:8adpropiate Domino et adpropinquabit vobis emundate manus peccatores et purificate corda duplices animo

Jas 4:9

Jas 4:9miseri estote et lugete et plorate risus vester in luctum convertatur et gaudium in maerorem

Jas 4:10

Jas 4:10humiliamini in conspectu Domini et exaltabit vos

Jas 4:11

Jas 4:11nolite detrahere de alterutrum fratres qui detrahit fratri aut qui iudicat fratrem suum detrahit legi et iudicat legem si autem iudicas legem non es factor legis sed iudex

Jas 4:12

Jas 4:12unus est legislator et iudex qui potest perdere et liberare tu autem quis es qui iudicas proximum

Jas 4:13

Jas 4:13ecce nunc qui dicitis hodie aut crastino ibimus in illam civitatem et faciemus quidem ibi annum et mercabimur et lucrum faciemus

Jas 4:14

Jas 4:14qui ignoratis quid erit in crastinum quae enim est vita vestra vapor est ad modicum parens deinceps exterminatur

Jas 4:15

Jas 4:15pro eo ut dicatis si Dominus voluerit et vixerimus faciemus hoc aut illud

Jas 4:16

Jas 4:16nunc autem exultatis in superbiis vestris omnis exultatio talis maligna est

Jas 4:17

Jas 4:17scienti igitur bonum facere et non facienti peccatum est illi

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.